Nunatta Eqqartuussisuuneqarfiani aqutsisoqarfimmi suliniutinillu ataqatigiissaarisoq

Arajutsisaatsuunikkut, eqqortumik ingerlariuseqartitsinikkut aqutsisullu piviusunngortitsiniarneranni ikiornerisigut inatsisitigut isumannaatsuutitseqataarusuppit?

Nunatta Eqqartuussisuuneqarfiani atorfimmut pilersinneqaqqammersumut aqutsisoqarfimmi suliniutinillu ataqatigiissaarisumik pissarsiorpugut. Sulisunngussaatit qitiusoq allaffeqarfimmi assigiinngitsorpassuarnik akisussaaffilik nunattalu eqqartuussisuuneqarfiani aqutsisunut marlunnut ikiortitut pingaarutilimmik inissisimaffilik.

Atorfik ilinnut tulluassaaq aaqqissuussaanermik pilersitsinermik, ataqatigiissaarinermik, isumaqatigiissutinik malittarinninnermik siumullu ingerlasoqarnissaanik qulakkeerinninnermik nuannarisaqaruit. Aalajangernermik ingerlariutsinut qanittumik inissisimaffeqarusuttuussaatit isumassarsiallu pitsaasut aalajangernerillu timitalerneqarnissaannut ikiuutaasarusuttassallutit.

Suliamik naammassinninnermut tunngatillugu namminersortuussaatit, suliffeqarfimmi attuumassuteqarfigisartakkatit siammasissapput inissisimaffiullu nutaap sunniuteqarfiginissaanut periarfissaqassallutit.

Suliassatit

Aqutsisoqarfimmi suliniutinillu ataqatigiissaarisutut nunatta eqqartuussisuuneqarfiata aqutsisoqarfiani tatigisatut isumasiorfigineqartassallutillu tapersersortigineqartassaatit. Aqutsisoqarfiup iliuusiisa, suliniutaasa allaffissornikkullu suliassaasa naammassineqartarnissaannik qulakkeerinneqataasassaatit.

Ilaatigut suliassarissavatit:

· nunatta eqqartuussisuuneqarfiata aqutsisoqarfianut qullerpaamut inuttut ikiortiuneq

· aqutsisut aalajangernerinik suliniutaannillu ataqatigiissaarineq malittarinninnerlu

· ataatsimiinnernik pilersaarusiorneq piareersaanerlu, tassunga ilanngullugu ullormut oqaluuserisassanik suliaqarneq aalajangernernillu malittarinninneq

· illup iluani suliniutinik ataqatigiissaarineq tapersersuinerlu

· allaffissornikkut saaffiginnissutinik sullissineq

· allakkianik, saqqummiussassanik aalajangernermullu tunngavissianik suliaqarneq

· missingersuutinik malittarinninnermut allaffissornermilu aningaasaqarnikkut suliassanut ikiuunneq

· allaffissornikkut ingerlariutsinik suleriutsinillu ineriartortitsineq aserfallatsaaliuinerlu

· suliffeqarfimmi immikkoortortaqarfiit akimorlugit suliassanik piffissaliussanillu ataavartumik malittarinninneq.

Sulisunut akisussaaffeqassanngilatit, aamma aalajangiisartuussanngilatit. Akerlianik suliffeqarfimmi immikkoortortaqarfiit akimorlugit siumut ingerlasoqarnissaanik, ataqatigiissaarisoqarnissaanik ataqatigiittoqarnissaanillu qulakkeerinninnermi qitiusumik inissisimaffeqassaatit.

Illit pillutit

Tassaassaatit avatangiisinni pissusissamisoortumik aaqqissuussinermik arajutsisaannermillu pilersitsisartoq. Ingerlariutsinik ataqatigiissaarineq, isumaqatigiissutinik malittarinninneq suliassallu piviusunngortinneqarnissaat nuannarissavat. Siulliullutit iliuuseqarnissaq pissusissamisoortutut isigissavat, aamma suliffeqarfimmi immikkoortortaqarfiit akimorlugit suleqatigiissitserusussaatit suleriutsillu ingerlalluartikkusussallugit.

Allaffissornikkut ataqatigiissaarinermillu suliassanik misilittagaqassaatit aqutsisunillu qanimut suleqateqarneq pissanganartutut isigissallugu. Tamatuma saniatigut suliassanik naammassinnittarninni namminersortuussaatit suliassarpassuillu ataatsikkuuleraangata pingaarnersiusinnaasassallutit.

Ilinniagaqarnikkut tunuliaquttat aalajangiisuunngilaq. Immaqa suliniutinik tapersersuinermik ataqatigiissaarinermilluunniit misilittagaqareerputit, aamma oqaluttariarsornikkut allattariarsornikkullu ersarissumik attaveqaqateqartarnissaq pikkoriffigissavat suliannullu tunngatillugu suleqateqarusussuseqassallutit. Kingullertullu kisitsisit aningaasaqarnikkullu ajornartorsiutit pikkoriffigissavatit allaffissornikkullu ingerlariutsit suliffeqarfiup ingerlanneqarneranut ineriartorneranullu tapersiisut pillugit ikiuukkusussuseqassallutit.

Neqeroorutigaavut

Uagutsinni:

· atorfeqalissaatit pilersinneqaqqammersumik imarisaanut suleriutsimullu sunniuteqarnissamut periarfissaqassallutit

· aqutsisunut suliffeqarfimmilu qitiusumik aalajangeeriaatsimut qanimut immikkuullarissumik inissisimaffeqassaatit

· assut namminersussaatit suliassatillu allanngorartassallutik

· aqutsisunik tapersersuinissamik, suliniutinik ataqatigiissaarinissamik allaffissornermillu suliaqarnissamut periarfissaqassaatit

· sulisutut ineriartornissamut periarfissagissaassaatit

· suleqatit pikkorissut peqatigalugit persuarsiunngitsumik kajumissuseqarluartumillu suliffimmi avatangiisiteqassaatit.

Uagut pilluta

Eqqartuussiviit naleqartitanik ninngusuunik tunngaveqarput, aamma Kalaallit Nunaanni innuttaasut ullut tamaasa inatsisitigut isumannaatsuutinnissaat sulissutigisarparput.

Nunatta Eqqartuussisuuneqarfiani sulisutut anguniakkat qaffasittarput, aamma pitsaassuseq, suleqatigiinneq peqqissaarnerlu ukkatarineqarluinnartarput. Pingaartipparput pitsaasumik suliffimmi avatangiiseqarnissaq, tamatumanilu sulisut akisussaaffimmik tigusisassapput, ikioqatigiittassapput ataatsimoorlunilu aaqqiissuteqarnissamut ikiuuttassallutik.

Uagut pilluta www.domstol.dk-mi atuarnerusinnaavutit, aamma Kalaallit Nunaanni eqqartuussiviit allaatigineqarnerat pissarsiarisinnaavat immikkoortortaqarfimmi aqutsisup Regine Therkildsenip attavigineratigut oqarasuaatikkut 36 39 00.

Atorfik pillugu apeqqutissaqaruit Kirsten Thomassen imaluunniit Regine Therkelsen attavigikutsoorsinnaavatit oqarasuaatikkut +299 36 39 00.

Atorfinitsitsineq

Isumaqatigiissutit atuuttut malillugit akissarsiaqartitsisoqassallunilu atorfinitsitsisoqassaaq. Allaffimmiut (SIK/HK) imaluunniit ilinniagartuut (Djøf) pillugit isumaqatigiissutit malillugit tamanna pisinnaavoq.

Atorfinitsinneqarnermi angalaneq pequttanillu nassiussineq isumaqatigiissummi aalajangersakkat malilugit akilissavavut, aamma inissiamut innersuussisoqarsinnaavoq, tamatumanilu malittarisassat atuuttut malillugit ineqarnermut akiliisassaatit il.il.

Qinnuteqaat

Qinnuteqaatit qinnuteqaat@landsret.gl-imut nassiutissavat kingusinnerpaamik ulloq 9. novembari nal. 12.00. Naatsorsuutigivarput sapaatip-akunnerani 47/2026 oqaloqateqarnermut aggersaassalluta.

Atorfinitsitsinermut atatillugu pinerlussimasunik nalunaarsuiffiup assilineqarneranik pissarsiniartoqassaaq.

Qassinik ukioqarneq, suiaassuseq, naggueqatigiit ilaaffigisat, upperisaq inuiaalluunniit ilaaffigisat apeqqutaatinnagit kikkulluunniit soqutiginnittut piukkunnartullu kajumissaarpavut atorfimmut qinnuteqaqqullugit.

Qinnuteqaativit tigunissaanut qilanaarpugut.