Nutserisunut ataqatigiissaarisoq (Atorfik nutaaq)
KNR-imi nutaarsiassaqartitsivik
– radioavisi, Qanorooq, nittartagarlu (WEB) – ineriartortitseqataaffigalugulu
sunneeqataaffigerusukkukku, taava maanna periarfissaqalerputit.
KNR-ip nutaarsiassaqartitsiviata inuk pikkorillunilu aalaniallaqqissoq immikkut siunnersortitut atorfinikkusuttoq ujartorpaa. Immikkut ittumik siunnersortip sulinermi pingaaarnertut nutserisut suliassaasa ataqatigiissarnissaat pitsaassusaallu qulakkeerniassavaa. Aggustip aallaqqaataani ullormiluunniit isumaqatigiissuteqarfigisami atorfinitsitsinissaq naatsorsuutigaarput.
Ataqatigiisssaarisutut immikkut sulinermi makku suliarissavatit:
- Nutaarsiassaqartitsiviup immikkoortuini tamani nutserisutut sulisut suliassaqartuaannarnissaat aamma Nutaarsiassaqartitsiviup nutserisussaqartuaannarnissaa
- Nutaarsiassaqartitsiviup immikkoortortaani tamani aaqqissuisut peqatigalugit ullormut suliassaqaassusermik nalilersuineq
- Nutaarsiassaqartitsivimmi nutserisut tamarmik suliaasa pitsaassusaasa qulakkeernissaat. Qulakkeerinninneq nutserisup nutsigaasa kukkunersiornerisigut, sulinerisa nakkutiginerisut, suliaat pillugit utertitsiffigisarnerisigut aamma piginnaasaasa qaffassarnerisigut pisassaaq.
- Nutaarsiassaqartitsinermut pisortaq suleqatigalugu nutserisunik atorfinitsitsineq.
Suleqatigilissagutsigit, ukuninnga piumasaqarfigissavatsigit:
- Ilisimatusarfimmi ilinniagaqarsimassasutit
- Tunniusimasumik, nikerartumik aalajaatsumillu sulisinnaasutit
- Qiimasuussasutit
- Oqaatsinik attaveqaqateqarsinnaanermillu pingaartitsisuussasutit
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Atorfimmut atatillugu paasisaqarnerorusukkuit uku attavigisinnaavatit: Nutaarsiassaqartitsivimmi pisortaagallartoq Jens Thorin, jth@knr.gl telefon +299 36 15 01.
Oqaloqateqarnerit ingerlaavartumik ingerlanneqassapput.