Nutserisunut oqalutsinullu sulianik aqutsisoq
Aqutsinissamut piumassuseqarpit, aamma peqqissutsimut tunngasunik suliassaqarfimmi siammasissumi Peqqissutsimut Naalakkersuisoqarfimmi nutsigassarpassuit, ataqatigiissaarineq aqutsinerlu suliarinissaat takorloorpiuk? Taamaappat immikkuullarissumik periarfissaqartippatsigit.
Atorfimmut pilersinneqaqqammersumut nutserinermik kiffartuusseqatigiinnut sulianik aqutsisussarsiorpugut. Aqutsisutut piukkunnaateqarninni aamma naalakkersuinikkut kiffartuussinermik misilittakkannik suleqatigiinnut nutaanut ineriartortunut siuttuussaatit, suleqatigiinnik ineriartortitsisussatut aamma ajornartorsiutinut immikkuullarissunut takkussinnaasunut aaqqiissuteqartussatut.
Aaqqissuussilluarneq ataatsimullu takunnissinnaaneq pikkoriffigaagit aamma Peqqissutsimut Naalakkersuisoqarfimmi Aqutsisunut Allattoqarfimmi suleqatigiinnut ilanngukkusuppit? Taamaappat sulianut aqutsisussaraatsigit, aqutsisunut allattoqarfitsinnut anguniagartuumik saaffigiuminartumillu suleqatissarsiorpugut. Aqutsisunut allattoqarfik kiisalu Naalakkersuisoqarfimmi immikkoortortaqarfiit sinneri sullissinnaasariaqarpatit. Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Ammasuuguit suleqatikkuminartuulluarlutillu, taava imaassinnaasoq tassaasutit suleqatissarput nutaaq.
Nutserisoqatigiinnut maannakkorpiaq marlunnik oqaatsinut tunngasunut siunnersortitut sulisoqarfiusumut sulianut aqutsisunngussaatit. Aqutsisunut allattoqarfimmut allattoqarfimmi pisortaq toqqaannartumik attaveqarfigissavat, tassanilu immikkoortortaqarfik allaffissornikkut suliareqquneqartunik sullittassavat kiisalu suliat naalakkersuinikkut suliassat ataqatigiissaartarlugit. Sulianut aqutsisutut aamma sulisunut aqutsisutut ilaatigut makku akisussaaffigissavatit:
Suleriutsit aaqqissuussaanerillu iluanni suleqatigiinnut sammiviliineq, taamaalilluni sulisunnut paasinartunngortillugit.
Sulisuit suliassanik suliarinninnerannik tapersersuineq aamma sulianut tunngasunut piginnaasanillu ineriartortitsinermut ikiuineq.
Allaffissornikkut suleriutsinik atulersitsineq aamma aqutsineq.
Sulisut ulluinnarni atugarissaarnerannik suliffimmillu nuannarinninnerannik tapersersuineq.
Aqutsisunut allattoqarfimmut ikiorsiivikkut ataqatigiissaarineq.
Nutsigassanik suliakkiisarnerup aammalu avataaniit suleqateqarnerup qulakkeernissaa.
Suliniutinut siuarsaaqataasassaatit.
Peqqissutsimut immikkoortortap iluani peqqinnissamullu sulialinnut allanut suliaqartunut allaffissornikkut sullissaqarneq.
Sulianut tunngasutigut piginnaasat :
Oqalutsitut/nutserisutut imaluunniit allamik naleqquttumik ilinniagaqarsimassasutit.
Nutserinermik ukiuni arlalinni sullissisimaneq iluaqutaassaaq.
Atorfimmit imaluunniit suliffeqarfimmit assingusumit misilittagaqarnerit iluaqutaassaaq.
MS Office-nik atuinissamut tunngaviusumillu aaqqissuusaanermut paasinnissinnaassuseqarneq. TMS-imik misilittagaqarneq iluaqutaassaaq.
Kalaallisut, qallunaatut ajornanngippallu tuluttut piginnaasaqarluarneq.
Naak aqutsisutut atorfeqaleraluartutit, aqutsisutut misilittagaqarnissannik naatsorsuuteqanngilagut. Piumassuseqarnerit, sapiissuseqarnerit aamma aqutsisutut atorfininnissamut piginnaasaqarnerit pingaarnerujussuuvoq. Aammattaaq aqutsisutut ineriartornermik ingerlataqarnissat isumagissavarput, tamatuma suliassamut tulluarsassavaatit. Taamatuttaaq suleqativit ulluinnarni sulinerannik tapersersuisinnaassuseqarputit, tamatumalu peqatigisaanik tunngaviusumik piffissaminnik suliassaminnillu nammineq aaqqissuussinissaannut inissaqartitsillutit.
Allaffissornikkut suliassat allat:
Aqutsisunut allattoqarfimmi allagaatit toqqornerinut nalunaarsornerannullu ikorfartuineq.
Suliassanik isertitsinermi anisitsinermilu ikorfartuineq.
Susassaqarfiit akimorlugit Aqutsisunut allattoqarfiup immikkoortortaqarfimmi sullissisunik allanik suleqateqarneranut ataqatigiissaarisuuneq.
Allaffissornikkut suliassat eqqarsaatigalugit allaffissornermi pisortamut ikorfartuineq.
Inuttut piginnaasatit
Sulianut aqutsisumik sulisussarsiorpugut, suliamut tunngatillugu piginnaaneqartoq, tunniusimasoq sulianullu tunngasutigut killigisat akimorlugit suleqatiginnissinnaasoq aamma ineriartortitsinermik pingaartitsisoq piumassuseqartorlu. Peqatigitillugu pissarsiariniarparput suliamut tunngatillugu isumannaatsumik sulinissaminut tulluusimaarutiginnittoq aaqqissuussamillu suliassaminnut pulasinnaasut. Allaffissornermiit ingerlatsinermut naalakkersuinikkullu kiffartuussisarnernik ineriartortitsisunik suliassat siammasissut.
Kissaatigaarput, illit:
Kandidatitut qaffasissusilimmik attuumassutilimmik ilinniagaqartutit.
Atorfimmut tassunga assingusumit imaluunniit Namminersorlutik Oqartussani atorfimmit misilittagaqassasutit.
Aningaasaqarnermik naatsorsueqqissaarnermilu suliaqartarnermik ilisimasaqarluartutit.
Ataatsimut isiginnittariaatsimik pitsaasumik piginnaaseqartutit ulapaarfimmilu sulisinnaalluartutit.
Kalaallit Nunaanni inuiaqatigiinnut kulturimullu ilisimasaqartuusutit, marlunnillu kalaallisut qallunaatullu oqaaseqartuullutit.
Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.
Sukumiinerusumik paasisaqarusuppit?
Atorfik pillugu paasissutissat sukumiinerusut allaffeqarfimmi pisortamut Lars Jørgen Petersenimut saaffiginnilluni pissarsiarineqarsinnaapput, oqarasuaat +299345449, e-mail: ljp@nanoq.gl
Qinnuteqarfissamut killerititaq
Qinnuteqaat CV ilanngullugu, ilinniarsimanermut uppernarsaatit assilinerat kiisalu attavigineqarsinnaasut / allattorsimaffik qinnuteqaammut ilanngullugit innersuussissut ataaniittoq link aqqutigalugu kingusinnerpaamik ulloq 6. septemberi 2024 nassiunneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.