Nuuk Internationale Friskole ikorfartortinik marlunnik pissarsiorpoq

Kommuneqarfik Sermersooq marlunnik ikorfartortissarsiorpoq

Nuuk Internationale Friskole ikorfartortinik marlunnik pissarsiorpoq

Ikorfartortinik qanilaartunik, soqutiginnittunik isumassuisunillu marlunnik atuarfitsinni sulisussanik ujaasivugut. Atorfinnut atasumik ilinniartitsisut, angajoqqaat aamma atuarfiup aqutsisui qanimut suleqatigineqassapput.

Atorfiit:

1. Niviarsiaqqamut 5. klassimi atuartumut ikorfartorti (akunnerit 40/sap.ak.)

• Pingaarnertut ukkatarineqassapput inooqataanermut aamma nalerisimanissamut tunngasut kiisalu ulluinnarni aaqqissuussaasuni ikorfartuineq.
• Atuartoq ilikkagassatut atuartitsissutigineqartuni malinnaalluartuuvoq taamaattumik illit pingaarnertut niviarsiaqqap inooqatigiit ataatsimooqatigiinneranni aamma atuarfimmi ileqqorineqartuni ajunngitsumik ingerlatsinissaanut tapersersuinissaq atuuffigissavat.
• Illit atuaqatigiinni aamma atuarfimmi ataatsimooqatigiinnermi pingaaruteqartumik atuuffeqassaatit kiisalu ilinniartitsisunik angajoqqaanillu qanimut suleqataallutit.

2. Nukappiaqqamut 7. klassimi atuartumut ikorfartorti (akunnerit 20 timer/sap.ak.)

• Atuartumut ADHD-mik aamma Aspergers syndromimik akornuteqartumut ikorfartorti.
• Ilikkagassatigut aamma inooqataanikkut piginnaasanik ukkatarinninneq kiisalu ullormi atuarfiusumi eqqissisimanermik, aaqqissuusaanermik aamma erseqqissutsimik pilersitsineq.
• Atuartup pisariaqartitai naapertorlugit ilikkagassatigut qaffasissusissamut naleqqussaasinnaassuseqassaatit aamma immaqa ullunut atuarfiusunut immikkut ittunut sammisassanik allanik pilersaarusiorsinnaallutit.
• Atorfimmut ilaapput ukiup affaani nalunaarusianik suliaqartarnerit aamma iliuusissatut pilersaarutinik malitseqartitsinerit.

Illit suleqatissarput tassaavutit

• Naammagittartoq, akuersaartoq aamma meeqqat ataasiakkaat pisariaqartitaannik takunnissinnaasoq.
• Ataatsimooqatigiinni ingerlalluartuni toqqissisimanermik, aaqqissuussaanermik kajumissutsimillu pilersitsisinnaasoq.
• Meeqqanik immikkut pisariaqartitsisunik sullissinermik misilittagaqartoq - ADHD/Aspergersimik ilisimasaqarneq iluaqutaavoq.
• Perorsaanermik imaluunniit ilinniartitsinermik tunuliaqutaqartoq (piumasaqaataanngilaq kisianni iluaqutaasinnaavoq).
• Namminersorluni sulisinnaasoq kisianni saniatigut suleqatigiinni qanimut suleqataasinnaasoq.
• Angajoqqaanik suleqatinillu attaveqallaqqissoq suleqateqallaqqissorlu.
• Pinngorartitsinermik tunngavilimmik eqqarsarusussinnaasoq aamma ulluinnarni periarfissanik takunnissinnaasoq.

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut

• Meeqqanik isumatuumik assigiinngisitaartumillu suliaqarneq, meeqqanik ilinnik pisariaqartitsisunik.
• Ulluinnaat aalajangersimasunik sinaakkusersukkat pinngorartitsinermik inissaqartitsisut.
• Angajoqqaanik aamma suleqatinik qanimut suleqateqarneq kaammattorneqarnerlu.
• Suliffeqarfik nalerisimanermik, inooqatigiit ataatsimooqatigiinnerannik aamma suliatigut ineriartornissamut inissaqartitsisoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfimmi aqutsisoq Pilo Samuelsen, oqarasuaat +299 38 25 00 imaluunniit e-mail: nif@nif.gl

Qinnuteqaat:

Qinnuteqaat qulequtserlugu Atorfiup ilisarnaataa 1145-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: novembarip 25.-at, 2025

Atorfik una qinnuteqarfigiuk