Nuummi Hotel Nordbo saaffiginnittarfimmi tullersortissarsiorpoq

Unnuisut, ingerlatsineq annikitsualuillu tamaasa aqussinnaavigit - akisussaaffeqarnerulerumavillu?

Hotel Nordbo ulluinnarni sullissinermi qitiusumik suleqataarusuttumik saaffiginnittarfimmi tullersortissarsiorpoq.

Akunnittarfinni sulineq nuannarilluinnarukku suleqatigilerusuppatsigit. Oqarasuaat sianeraangat, unnuisussat tikikkaangata, inniminniinerit allanngortinneqaraangata suleqatillu ikiorneqarnissamik pisariaqartitsigaangata eqqissisimasinnaassaatit – aammali annikitsualuit tamaasa eqqumaffigisassallugillu unnuisut tikilluaqquneqartutut misiginissaat qulakkeertassavat.

Saaffiginnittarfimmi tulersortitut saaffiginnittarfimmi pisortamut ikiortaassallutillu paarlattaasassaatit. Hotel Nordbomi akisussaaffeqalerlutillu, sunniuteqarnerulerlutillu unnuisut misigisimasaannik pitsaasunik ineriartortitseqataanissamut periarfissaqalissaatit.

Hotel Nordbomi ulluinnarni suliassat

Ullut assigiinngittuaannarput. Ulluinnarni suliassanut peqataassallutillu allaffissornermut ataqatigiissaarinermullu tunngasunik suliaqartartussaavutit.

Suliassatit ilaatigut makkuupput:

• Unnuisussat tikilluaqqunissaat, isersinnaanissaat anisinnaanissaallu qulakkeerlugu

• Inniminniinerit, allannguutit unnuisullu apeqqutaasa isumaginissaat

• Spectrami sulineq ullormullu inniminniinerit siunissamilu inniminniiffissat malinnaavigalugit

• Saaffiginnittarfimmi pisortamut paarlattaaneq

• Sulisussat nalunaarsorsimaffiannik immersuinermi ikiuutaallutillu saaffiginnittarfimmi ulluinnarni ataqatigiissaarinermi ikiuuttassaatit

• Ulluinnarni saaffiginnittarfimmi sullissisut tapersersortarlugillu, siunnersortarlugillu ikiortassavatit

• Akiliinermut, akiligassiissutinut akiligassanullu tunngasut isumagisassavatit

• Allaffissornikkut suliassat suliarisarlugillu annikitsualuit tamaasa isumagisassavatit

• Sullinneqarnerup pitsaanerulersinnissaanut, kiffartuussinerup pitsanngorsarnissaanut unnuisunullu sullissinerup pitsaanerulersinnissaanut ikiuutissaatit

Naatsumik oqaatigalugu: Unnuisut suleqatillu naatsorsuutigisinnaasaannut ilaassaatit.

Kinaavit?

Tunuliaqutit assigiinngitsunik isikkoqarsinnaavoq. Immaqa akunnittarfinni sulisareerlutillu atorfimmi qaffakkiartornissamut piareeqqavutit. Immaqaluunniit saaffiginnittarfimmiuunermik, kiffartuussinermik allaffissornermilluunniit misilittagaqartuuvutit akisussaaffeqarnerulerusussuseqarlutillu.

Aalajaatsuunerit, akisussaassuseqartuunerit inunnullu ajunngitsuunerit uagutsinnut pingaarnerpaavoq.

Aammattaaq naatsorsuutigaarput illit:

• akunnittarfimmi, saaffiginnittarfimmi assigisaanilluunniit kiffartuussinermik misilittagaqarluartutit

• akisussaaffeqarneq nuannaralugulu ulluinnarni aqutsinermut peqataarusussuseqarputit

• aaqqissuulluagaasumik sulisarlutillu ulapittuni suliaqarninni ataqatigiissaarisinnaavutit

• saaffigiuminartuuvutit, aaqqiissutissarsiumatuullutit suleqateqallaqqissuullutillu

• allaffissornikkut suliassat, soorlu akiligassiisarneq aningaasaqarnerlu, sungiusimavatit

• danskisut tuluttullu oqalussinnaallutillu allassinnaavutit – soorunami kalaallisut oqalussinnaaguit pitsaanerussaaq

• Spectra ilisarisimareerpat, ilisimanngikkukkuli ilinniartitsisinnaavugut

Atorfimmut piukkunnarnerpaamik qinnuteqarsinnaasoq ujartunngilarput. Unnuisunik isumaginnissinnaasumik, ingerlatsisinnaasumik akisussaaffeqartumillu suleqatissarsiorpugut.

Nuummi akunnittarfinni sulineq

Hotel Nordbo Nuup qeqqaniippoq akunnittarfiullunilu, inissiaqarlunilu neriniartarfimmik Tunit-imik ingerlatsisoq. Unnuisugut neriartortugulluunniit Kalaallit Nunaanneersuulllutillu nunanitg tamalaaneersuusarput, taamaammat ulluinnarni assigiinngitsorpassuarnik inoqarlunilu, pisariaqartitaqarlunilu misigisassaqarpoq.

Ulloq naallugu suliffiuvoq, piffissaq nikerartoq sapaatillu akunnerata naanerani suliffiusinnaasoq - akunnittarfimmik ingerlatsineq taamaappoq, allanngorarneratalu soqutiginartuutippaa.

Nuummi najugaqareersimanngikkuit illoqarfimmi naleqqussarnissannut ikiorusuppaatsit.

Neqeroorutigaagut

• pingaarutilimmik akisussaaffeqarneq sunniuteqarsinnaanerlu

• ulluinnarni assigiinngitsorpassuarnik suliaqarneq kiisalu unnuisunik suleqatinillu attaveqarfiginnilluarneq

• suliffik persuarsiorpalaanngitsoq ikioqatigiissutigisartagarput

• Spectramik sulinitsinnillu ilinniartinneqarneq

• suliatigut inuttullu ineriartornissamut periarfissaqarneq

• Avataaneersuuguit Nuummi inissinnissamut ikiorneqarneq

• piginnaasat malillugit akissarsiaqarneq akunnittarfimmilu sulisunut immikkut ajunngitsorsiassat

Nordbomut ilanngukkusuppit?

Qinnuteqaatit CV-llu uunga nassiutikkit:

Rikke Lynge Berthelsen

Saaffiginnittarfimmi pisortaq

E-mail: ribe@nordbo.gl

Oqarasuaat: +299 32 66 44

Hotel Nordbomi suliffik inuunerlu pillugit apeqqutissaqaruit aamma Rikkemut saaffiginneqqinnissannut tikilluaqqusaavutit.

Oqaloqatigiinnerit ataavartumik ingerlallugillu pitsaasumik nassaarutta atorfinitsitsissaagut.

Tusarfiginissat – immaqalu Hotel Nordbomut Nuummullu tikilluaqqunissat - qilanaaraarput.