Nuummi IT-mut immikkoortortaqarfimmi Suleqatigiinni Teamlederitut Royal Arctic Line suleqataaffigileruk

IT-mut ilisimasaqarluarpit ajornartorsiutillu pisariusut aaqqiissuteqarfiginissaat piginnaasaqarfigilluarlugu? Akisussaaffimmik anginerusumik tunineqarnissannut periarfissarsiorpit suliffeqarninnillu alloriaqqikkusullutit – aqutsineq misilittagaqarfigereerlugu imaluunniit aqutsisunngornissannik anguniagaqarlutit? Ullut suliffiusut allanngorartut allanngueqataaffigisinnaasatit kajungernartippigit? Taamaappat Nuummi IT-supportimut immikkoortortaqarfitsinni suleqatigiinni Teamlederitut atorfik immaqa ilinnut piukkunnarpoq!

Uagut pilluta

IT-supportimut immikkoortortaqarfipput IT-supporterinik tallimanik ilinniartumillu ataatsimik sulisoqartoq suleqataaffigilissavat. Suleqatigiit inuusuttuupput atugarissaarnermik, uummaarissuseqarnermik ataqatigiilluarnermillu ilisarnaateqartut anguniakkattalu angunissaanut tapersersoqatigiiffiusut. Suleqatigiinneq qiimanerlu ulluinnarni sulinitsinni pingaartitaraagut.

Suleqatigiinni Teamlederitut aqutsisoqatigiit misilittagartuut suleqataaffigilissavatit, suleqatigiinni aqutsisut allat pingasut IT-mullu pisortaq qanittumik suleqatigalugit. Tassanilu sinaakkutini toqqissisimanartuni suliatigullu piginnaasaqarfiulluartuni siunersiueqateqarnissamut aqutsisutullu ineriartornissannut periarfissagissaassaatit.

Atorfik pillugu

Suleqatigiit ikiuinermik suliassani qaffasissumik pitsaassusilimmik tunniussaqartarnissaat sulinermilu avatangiisit pitsaasuunissaat suleqatigiinni aqutsisutut qulakkeerniagassarivat. Suleqatissatsinnik IT-mut piginnaasaqarluartumik unammilligassanullu pisariusunut aaqqiissutissarsiullaqqissumik pissarsiorpugut. Aqutsisutut misilittagaqareeruit iluaqutaassaaq, piumasaqaataanngilarli. Pingaarnerpaaq tassaavoq aqutsisutut akisussaaffimmik tigusinissamut kajumissuseqarnissat piumassuseqarnissallu – aqutsisutullu piginnaasavit ineriartortinnissaannut tapersersornissannik periarfissanillu neqeroorfigaatsigit.

Akisussaaffeqarfigisassatit ilaatigut tassaapput:

· Ikiuinermik suliassanik ataqatigiissaarineq atuisunillu aqutsineq.

· IT-mut atortorissaarutinik pisiortornermut nassiussuinermullu akisussaaffeqarneq.

· Allaffissornikkut aqutsisutut suliassat.

· IT-mut aqutsisoqatigiinni suleqataaneq, periusissiatigut ingerlatsinissaq suleqatigiinnissarlu ukkataralugit.

Ilinnut naatsorsuutigisagut

· IT-p iluani tunuliaqutaqarluarputit ajornartorsiutinullu aaqqiissutissarsiullaqqissuullutit.

· Aqutsineq misilittagaqarfigereerpat imaluunniit aqutsinermut tunngatillugu ineriartornissamut kajumissuseqarlutillu piumassuseqarputit.

· Ulluinnarni sulineq allanngorarfiusoq nuannarivat suliassallu nutaat iserfigipallassinnaasarlugit.

· Namminersorlutit sulisinnaavutit, eqaatsumik periuseqarputit ataatsimullu isiginnillaqqissuullutit.

· Suleqatiginnillaqqissuuvutit ataatsimullu anguniagaqarluni sulineq kajuminnartillugu.

· Ammasumik erseqqissumillu attaveqateqartarputit, oqaluttariarsornikkut allattariarsornikkullu.

Neqeroorutigisinnaasagut

Aaqqissuussaanermi suliatigut inuttullu ineriartornissannik pingaartitsiffiusumi atorfik soqutigineqartoq neqeroorutigaarput. Suleqatigiinni Teamlederitut IT-supportip sunniuteqarfiginissaanut nukittorsarnissaanullu periarfissaqassaatit, tamatumunngalu peqatigitillugu aqutsisutut piginnaaneqarfigisatit ineriartortissinnaallugit.

Tamatuma saniatigut neqeroorutigaagut:

· Akissarsiat ajunngitsorsiassallu unammillersinnaalluartut, misilittakkannut piginnaaneqarfigisannullu naapertuuttut.

· Soraarnerussutisiaqalernissamut aaqqissuussineq pilerinartoq peqqissutsimullu sillimmasiineq.

· Ataatsimooqatigiilluarneq sulinermilu avatangiisit pitsaasut atugarissaarnissamik pingaartitsiffiusut.

· Aqutsinerup iluani ilinniaqqinnissamut ineriartornissamullu periarfissaqarneq.

Maanna qinnuteqarit 

Qinnuteqaatinik ingerlaavartumik suliarinnittoqassaaq, taamaattumik qinnuteqaativit nassiunnissaa utaqqisinnagu.

Atorfik pillugu apeqqutissaqarpit, imaluunniit suliffigaluta qanoq innersoq paasisaqarfigiumallugu nalinginnaasumik oqaloqatiginnikkusuppit? Taava Director of IT, Gustav Fischer, mailikkut gfi@ral.gl-imut imaluunniit oqarasuaatikkut +299 34 91 53-imut saaffigisinnaavat.

Atorfik ugguuna qinnuteqarfigiuk