Nuummi Politeeqarfik piffissaq tamaat reservebetjentissarsiorpoq

 Nuummi politeeqarfimmi ulluinnaq pissanganartoq suliassanik tamatigoortunik suliaqarfiu-soq misilikkusuppiuk? Inuiaqatigiinni toqqissisimatitseqataarusuppit iluaqutaallutillu? Immaqalu politiinngorniarlutit Politiitut ilinniarfimmut qinnuteqarnissat eqqarsaatigaajuk? Taamaappat reservebejtentitut politiitut sulinissamut piffissaq tamaat periarfissaqalerputit, kingusinnerusukkullu Politiitut ilinniarfimmut qinnuteqassagaluaruit atorfik iluaqutaassaaq.

Kalaallit Nunaata Politiivi Nuummi politeeqarfimmut piffissaq tamaat (sap.ak. 40timet) reservebetjentissarsiorpoq.

Atorfik suliassallu

Reservepolitibetjentitut ulluinnarni upalungaarsimanermi sulinermut ilaassaatit politiillu suleqatissatit qanimut suleqatigissavatit. Politiitut sulineq annertuumik iserfigissavat assi-giinngitsorpassuarnillu suliaqalissaatit.

Reservepolitibejtentitut suliassatit pingaarnerit ukuussapput:

· Nalunaarutiginninnerit

· Nakkutiginninneq aammalu angallassinerit

· Aqutsinermi suliassat

· Oqaluttaanerit

· Nuummi Politiit upalungaarsimanermi sulisui peqatigalugit politiit suliassaannik sulineq

· Sulianik ajornannginnerusunik aallartitsineq

· Suliassat takkussortut assigiinngitsut

Suliassat kisivit ingerlannavianngilatit.

Suleqatinnit ilinniartinneqassaatit aammalu pebersprayip anaattallu atornissaannut ilinniar-tinneqassallutit.

Illit

· Marluinnik oqaaseqarnissat aammalu allassinnaanissat perusunneruarput piumasaqaataanngilarli. (Politiinngorniarfimmut tigusaassagaanni piumasaqaataavoq qallunaatut pikkoriffeqarnissat)t.

· Inuppalaartuussaatit, patajaatsuussaatit aammalu timikkut tarnikkullu nukittuujussaatit, kiisalu piffissamut takkuttassaatit aammalu sullisserusuttuussallutit.

· Pinerlussimannginnissat piumasaqaataavoq.

· 20-leereersimasariaqarputit.

· Biilersinnaanermut allagartaqassaatit.

Aningaasarsiat atorfinitsitsinerlu

Aningaasarsiaqartitsineq Finansministeriap aammalu kattuffiup attuumassutillip akunner-minni isumaqatigiissutaat naapertorlugu pissaaq.

Suliffiit aqqutigalugu ineqartinneqarsinnaavutit. Illit nammineq aallarniut, attartorneq allallu aningaasartuutissat akilertassavatit. Nuunnermi atorfininnermilu ilaquttatillu angalassagussi akiliussisoqarsinnaavoq malittarisassat atuuttuusut naapertorlugit. Nuummi najugaqaruit nuunnermut akiliussisoqarsinnaanngilaq kiisalu utaqqiisaagallartumik ineqartitsisoqarsin-naanani.

Atorfininnissannut isumannaallisaanikkut akuerineqarsinnaanissat naatsorsuutaavoq aammalu tamanna atorfeqarneq tamaat attatiinnarneqarsinnaasariaqarluni.

Attavissat qinnuteqarnissarlu

Atorfiup imarisai pillugit apeqqutissaqaruit, politikommissær Johan Westen JWE005@politi.dk-mut allaffigalugu attavigeriaannaavat.

Atorfininnissamut atugassarititaasut pillugit apeqqutissaqaruit, sulisoqarnermut immikkoor-toqarfimmi Maren Johansen mjo101@politi.dk–mut allaffigalugu attavigeriaannaavat.

Qinnuteqarnissamut 5. august 2024 killigitinneqarpoq.

 KALAALLIT NUNAATA POLITIIVI Ataatsimut toqqissisimatitsivugut

GRØNLANDS POLITI Sammen skaber vi tryghed