Nuummiittumut Allorfik Sermersuumi pinngitsuuisinnaajunnaarnermut katsorsaasoq
Nuummiittumut Allorfik Avannaani pinngitsuuisinnaajunnaarnermut katsorsaasoq
Allorfik innuttaasunut pinngitsuuisinnaajunnaarnermik ajornartorsiutilinnut katsorsaavik Allorfik Avannaani katsorsaasumik sulisussarsiorpoq. Septembarip aallaqqaataani (01/09-2024)-mi aallartissinnaasumik imaluunniit isumaqatigiinnikkut sulilersinnaasumik pissarsiorpoq.
Ilinniagaqarnermut tunngatillugu naatsorsuutigaarput tunngaviusumik ilinniagaqartuusimassasutit, soorlu perorsaasutut inunnilluunniit isumaginnittutut ilinniagaqarnissat.
Allorfimmi katsorsaaneq paasinnittaaserlu aqqutigalugu ilaqutariinnut katsorsaaneq pillugu sakkut atorlugit katsorsaariaaseq ingerlanneqartarpoq. Ilinniarsimasuunngikkuit ilinniaqqinnissat Allorfiup isumagissuaa.
Supervisions-, psykoterapuet-itut imaluunniit assingusumik ilinniarsimassaguit iluaqutaassaaq.
Avannaata Kommuniani innuttaasut Allorfik Avannaaniit sullinneqartarput, taakkuuppullu imigassamik, ikiaroornartumik, aningaasanoornermillu pinngitsuuisinnaajunnaarnikuusut. Taamaattumik angalasinnaanissaq naatsorsuutigineqassaaq. Sullissivimmi sisamanik katsorsaasoqarpoq, katsorsaasunut ataqatigiissaarisoq, ataaseq aqutsisuugallarpoq.
Allorfiit tamarmik Pinngitsuuisinnaajunnaarnermik Paasisimasaqarfik Nuummiittup ataani inissisimapput, nunalu tamakkerlugu pinngitsuuisinnaajunnnaarnermut suliniuteqartuullutik.
Suliassanut sunneeqataalluarsinnaavutit Pinngitsuuisinnaajunnaarnermilu Paasisimasaqarfik suleqatigalugu, taakkua aamma ilinnut ilitsersuissapput taanna ilaatigut nuna tamakkerlugu katsorsaanermi pilersaarut malillugu siunissami katsorsaanissamut atuutilertitsinermik suliaqarpoq. Supervision-ertarnissat aamma neqeroorutaavoq.
Katsorsaassutut ilaatigut:
Katsorsartinnissamut kajumisssaarisassaatit Motivational Interviewing atorlugu
Innuttaasunik imigassamik, ikiaroornartumik aningaasanoorajunnermilu katsorsaaneq ilitsersuinerlu
Katsorsartereernerup kingorna katsorsaaqqinneq, qanigisanilu ilitsersuineq
Oqaloqatigiittarnerni erseqqissaaneq nunalu tamakkerlugu paasissutissanik katersivimmut nalunaarsuinertalik
Katsorsartissimasup katsorsartereernerup kingorna pilersaarneqarnera kommunilu ajoqutaasinnaasunik suleqatigiissutigalugu
Allorfiup ataani ilinniartitaanernut neqeroorusiornissaanut peqataaneq
Naatsorsuutigaarput:
Katsorsaaneq pikkoriffigalugu soqutigisarigit
Inuttut inissaqartitsisuusutit akuersaartuullutillu
Innuttaasut salliutissinnaagitit
Namminersorsinnaallutillu akisussaaffeqartuusutit
Ullup ingerlanissaa aaqqissuutillaqqikkit
Pinngitsuuisinnaajunnaarneq pillugu ingerlaavartumik ilinniaqqinnissat kissaatigigit
Faginut arlalinnut sammisut akimorlugit suleqatiginnissinnaassutit faginillu allani ilinniartitsisinnaasutit
Katsorsaariaatsitsinni nutaaliortuunissat naatsorsuutigissuarput
Katsorsaaneq annermik kalaallisut ingerlanneqartarpoq oqalutseqarsinnaaneq periarfissaalluni, ilinniarnerlu qallunaatut ingerlanneqartarluni. Taamaattumik marluinnik oqaaseqartuunissat pingaaruteqarpoq.
Ulloq qinnuteqarfissaq kingulleq Juulip 23-at 2024.
Atorfik pillugu apeqqutissaqaruit attavigissavat nakorsatut siunnersortaaneq, Allorfimmi ingerlatsisoq Efa Olsen oqa. +299 34 64 14, mail efol@nanoq.gl immaqaluunniit aqutsisoqarfiup immikkoortortami aqutsisuugallartoq Malena Barzanti +299 53 12 42, mail mabar@nanoq.gl
Allorfimmut tunngatillugu paasissutissat: www.allorfik.gl
Pineqaatissinneqarsinannginnermik- Meeqqanillu innarliisimannginnermik uppernarsaatit
Tamatumuuna naatsorsuutigineqassaaq Pineqaatissinneqarsimannginnermik- Meeqqanillu innarliisimannginnermik uppernarsaatinik pisinnaanermut akuersissut piumaneqassammat nammineq uppernarsaatit taakkua nassanngikkukkit.
(OBS. Lønramme udfyldes med hjælp fra Overenskomstkontoret: isuma@nanoq.gl )
Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.
Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.
Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri xx qaanngersimagaani, qaammatinullu pingasunut avillugit xx-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.
Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqa-tigiissutaat naapertorlugit ingerlanneqartarput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.