Peqqissutsimut Naalakkersuisoqarfimmi Aqutsisunut allattoqarfimmi Oqaatsitigut siunnersorti
Peqqissutsimut Naalakkersuisoqarfimmi Aqutsisunut allattoqarfimmi Oqaatsitigut siunnersorti
Aqutsisunut allattoqarfitsinnut pikkorissumik oqaatsit pillugit siunnersortissarsiorpugut. Pingaaruteqarpoq nutsikkanut tunngatillugu annikitsunut tappissuunissat, suleqatigiillu ilaatut nutserinermi ataqatigiissaarilluni sulinermut ataatsimoortumut tapersersuillutit. Suliassat pitsaassutsimik qulakkeerinninnerminngaaniit, nutsikkanik kukkunersiuinermut kiisalu pisariaqartitsineq naapertorlugu nutserinermut nikerarsinnaapput.
Aqutsisoqarnermi Allatseqarfik
Peqqissutsimut naalakkersuisoqarfimmi Aqutsisunut allattoqarfik qitiusumik inissisimavoq, naalakkersuisoqarfimmi pingaarutilimmik pitsaasumillu ingerlatsinissamut qitiulluni. Allattoqarfik ilaatigut marlunnik oqaatsitigut siunnersortit, ikiorti ataaseq nutserisunut oqalutsinullu sulianut aqutsisumik sulisoqarpoq. Allattoqarfik allaffiup pisortaanit aqunneqarpoq, sulisut allat peqatigalugit suliassanik assigiinngitsunik suliaqarput.
Allattoqarfimmi suliassaqarfiit qitiusut suliarineqartarput, ilaatigut sulisoqarnermut allattoqarfittut, nutsigassat, naalakkersuinikkut suliassat, aningaasaqarneq taamatullu pilersaarusiorneq sulisunullu aaqqissuussinerit. Naalakkersuinikkut ingerlatassat pingaartitallu ajunnginnerpaamik ikorfartorneqartumik qulakkeerinnikkumalluta qanimut suleqatigiittarpugut.
Peqqissutsimut naalakkersuisoqarfimmi sulisut qaffassartuartarpavut. Ilinniaqqinnissamut aningaasanik ukiut tamaasa immikkoortitsisoqarpoq, pikkorissarnernut imaluunniit soqutigisatit suliamullu tunngatillugu ineriartuutaasinnaasutut suliniutigerusullugit angorusutatit naapertorlugit.
Suliassatit Ilaatigut makkussaapput:
Nutsikkanik kukkunersiuilluni atuarneq
Nutsikkat pitsaassusaanik qulakkeerineq
Nutsigassanik ataqatigiissaarineq
Nutsigassanik suliaqarneq
Politikkikkut allaffissornikkullu aqutsisunik kiisalu peqqinnissaqarfimmi sulianut immikkoortortaqarfinnik sullissisut suleqatigiit ilagilissavatit. Aqutsisunut allattoqarfimmi nutserisunut oqalutsinullu sulianut aqutsisoq toqqaannartumik attaveqarfigissavat.
Sulianut tunngasutigut piginnaasat :
Oqalutsitut/nutserisutut imaluunniit allamik naleqquttumik ilinniagaqarsimasutit
Atorfimmit imaluunniit suliffeqarfimmik assingusumik misilittagaqarputit
MS Office-nik atuinissamut tunngaviusumillu aaqqissuusaanermut paasinnissinnaassuseqarneq. TMS-imik misilittagaqarneq iluaqutaassaqaaq.
Kalaallisut, qallunaatut ajornanngippallu tuluttut piginnaasaqarluarneq.
Inuttut piginnaasat:
Namminersorsinnaasoq aamma ulapaarfimmi tamakkiisumik takunnissinnaasoq
Torersoq peqqissaartorlu
Attaveqaqateqallaqqissoq
Suleqatinnut qaffasissumik kiffartuussilluarsinnaasoq
Suliartortuaannartoq aamma piffissanut suliffiusunut suliassanullu nikerarsinnaasunut tulluarsarsinnaasoq
Suleqataallaqqissoq.
Atorfiup imarisai annertussusialu pillugit erseqqarinnerusumik paasissutissat allaffeqarfimmi pisortamut Lars Jørgen Petersen oqarasuaat 345449, imaluunniit mailikkut: ljp@nanoq.gl -mut saaffiginninnikkut pissarsiarineqarsinnaapput.
Soqutiginnikkuit, qinnuteqaatit inuunermit taasassanik (CV) oqaaseqaataasinnaasunillu ilalik matumani linki ikiorsiullugu piaarnerpaamik kingusinnerpaamillu ulloq 4. oktober 2024 nassiuguk
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.