Inuttut nukittuujuguit, siuttutut maligassiuisinnaallutit suliatigullu pikkorillutit Permagreen Grønland A/S-imi atorfik ilinnut tulluarsinnaavoq.
FAKTA
Atorfiup suussusaa: Permagreen Grønland A/S-imi Qaqortumi immikkoortortaqarfitsinni misilittagaqarluartumik sanaartornermut aqutsisumik sulisussarsiorpugut
Suliffeqarfik: Permagreen
Attavissaq: Malinnguaq Kleist mailikkut mkl@permagreen.gl imaluunniit oqarasuaatikkut +299 52 96 57.
Qaqortumi immikkoortortaqarfitsinni aqutsisumik piumassuseqarluartumik, nunatsinni sanaartukkani unammillernarnerpaat ilaanni suliumasumik ujaasivugut. Ingerlatseqatigiiffik Aarsleff-koncernemut ilaasoq, Qaqortumi sanasunik, qalipaasartunik, ruujorilerisunik kiisalu ilinniarsimanngitsunik ilinniartunillu 70-it missaanniittunik sulisoqarpoq. Immikkoortortaqarfiup suliassai pingaarnerit tassaapput sanaartornermut, qalipaanermut, ruujorilerinermut nunalerinermullu tunngasut. Suliat allat tassaapput aputaajaaneq, assartuineq kiisalu paarnaarsarfilerineq igalaalerinerlu. Immikkoortortaqarfik sanaartornermi sutigut tamatigut suliaqartarpoq, angisuunit mikisunut.
Atorfik:
Aqutsisutut suliat ingerlalluarnissaat, sanaartukkamilu atortussat pisariaqartut (atortorissaarutit sanaartugassallu) aqunnissaat pingaarnertut akisussaaffigineqassapput.
Aammattaaq sanaartornermi piffissaliussaq aningaasallu missingiutit eqqortinneqarnissaat akisussaaffigissavat.
Sanaartornermi aqutsisutut akisussaanerpaassaatit aamma sanaartornermut, ineriartortitsinermut nakkutilliinermullu akisussaassallutit. Aqutsisoqatigiit pitsaasut suleqatigilissavatit, tassani sulinermut atatillugu avitseqatigiinnerit ataqatigiissaarinerillu pitsaasut ingerlanneqartarlutik.
Illit pillutit:
Sanaartornermik misilittagaqarputit – tunngaviusumik ilinniagaqarneq iluaqutaasinnaavoq. Sanaartornermi aqutsisutut misilittagaqarneq pingaartipparput, aamma aningaasaqarnermi isumalluutinillu aqutsisinnaassuseqarnissaq.
Inuttut nukittuvutit, nuannaartuullutit suleqatinnullu piumassusinitsitsisinnaallutit. Suliffik allaffissornertaqarlunilu sanaartorfimmi piuvoq, taamaattumillu ullut suliffiit nikerartuusinnaanerat suliffigisinnaassallugit.
Neqeroorutivut:
Akissarsiat atorfimmilu atugassarititaasut pitsaasut, piginnaasallu naapertorlugit aalajangersarneqartut.
Atorfik biilitaqarpoq, aamma inissaqarnissamut nuternissamullu ikiuukkumasarpugut.
Soqutiginnippit?
Atorfik pillugu apeqqutissaqaruit ulluinnarni aqutsisoq Malinnguaq Kleist mailikkut mkl@permagreen.gl-imut imaluunniit oqarasuaammut +299 52 96 57-imut attavigisinnaavat.
Soqutiginnittunut Kalaallit Nunaata avataani najugalinnut Kalaallit Nunaanni nalunaaqutaq (GMT-1) tassaammat Danmarkip akunnernik pingasunik kingulliunera eqqumaffigeqquneqarpoq.
Qinnuteqaat “Entrepriseleder”-imik allagartalerlugu hr@permagreen.gl-imut nassiunneqassaaq.
Qinnuteqaatit tigusavut ataavartumik nalilersortarpagut.
Permagreen Kalaallit Nunaanni sanaartornermik ukiuni 70-ini misilittagaqarluarpoq.
Permagreen 400 mio. kr.-t missaannik kaaviiaartitaqarpoq 350-illu missaanni sulisoqarluni Kalaallit Nunaanni sanaartornermik ingerlatsisut annersaraat. Permagreen Grønland A/S Nuummi qullersaqarfeqarpoq Sisimiunilu, Maniitsumi, Qaqortumi Narsamilu immikkoortortaqarfeqarpoq.
www.permagreen.gl-imi paasisaqarnerugit.
