Perorsaanermi Ilinniarfik IT-supporterissarsiorpoq
Perorsaanermik Ilinniarfik 50-t missaani sulisoqarpoq kiisalu ilinniartitaanerni assigiinngitsuni 300-t missaani ilinniartoqarluni, tassaasuni: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, pædagogassistentitut ilinniarneq, siunnersuinermi ikiortitut ilinniarneq kiisalu isumaginninnermik sulinermi siunnersortitut ilinniarneq, immikkut pisariaqartitsisunut sammivilimmi perorsaanilerinermi ilinniarneq. Taakku saniatigut isumaginninnermi perorsaanermilu suliassaqarfiit iluanni sulisunik piginnaanngorsaalluni pikkorissartitsinerit assigiinngitsut ingerlanneqartarput. Perorsaanermik Ilinniarfik Ilulissani qitiusumik inissisimavoq Nuummilu immikkoortortaqarfeqarluni.
IT-supporterimik IT silarsuaani AV-nillu misilittagaqarluartumik sulisussarsiorpugut.
IT-supporteritut suliassanni pingaarnerpaajuvoq, Perorsaanermi Ilinniarfimmi Ilulissani immikkoortortaqarfimmilu tassanilu atortorissaarutinut atuisunut IT-systemit atorsinnaanissaat.
Perorsaanermi Ilinniarfimmi Microsoft tunngavigalugu suliffiuvoq, tassanilu Microsoftip IT-mut atugassarititai aallaavigalugit ilitsersuussutit ikiuinerillu pisarlutik. Ingerlatsineq, serverinik iluarsaassinerit attaveqaatinullu tapersersuinerit suliamut ilaapput tassanilu atoriaannaasitsineq datanillu paaqqutarinninnermi sillimaniarnerit ilaallutik. Perorsaanermi Ilinniarfimmi inini atuartitsiviusuni AV-nik nakkutilliinerit, ingerlatsinerit ajortunillu misissuinerit suliamut ilaatinneqarmata aamma.
Naatsorsuutigaarput ataani taaneqartut misilittagaqarfigilluassagitit:
MS Windows Server 2016-imiik 2022-imut
Active Directory, gruppe politikker, filserver, Hyper-V og backup
Windows 10 aamma Windows 11 Super user niveau
Microsoft Office 365
Attaveqaatinik ikkussuinerit ingerlatsinerillu
LAN, WAN aamma WI-FI
Ataani taaneqartunik ilisimasaqaruit iluaqutaassapput:
Exchange, Aruba aamma Kyocera printerinut
Nittartakkamik suliaqarneq Wordpressilu atorlugu siammarterinerit
Nipinik qullernillu Avolite atorlugu suliaqarsinnaaneq, assiliinermik aalasuliornermillu misilittagaqarneq
SmartBoard nakkutiginninneq suliaqarsinnaanerlu
Easy Install Management / MDT Image Deployment systeminut nalunngisaqarneq
ATTAT Exchange atorlugu ikkussugaq
Evoko Room Manager systeminut nalunngisaqarneq
Fortigate Firewall Router/Switch
IT Supporterimik tamatigoortumik, akisussaassusilimmik suleqatikkuminartumillu ujartuivugut, sapinngisamik ilinniartoqarfinni sulinermi misilittagalimmik. IT Supporterit maarluussaasi, Perorsaanermi Ilinniarfimmi ilinniartut, pikkorissartut sulisullu sullissallugit. Misilitsiffiit nalaanni naatsorsuutaavoq pisariaqartitsinermi piffissap sivikitsup iluani pisinnaasarnissat.
Illup iluani avataanilu suleqatigisanut suleqatikkuminartuussaatit.
Perorsaanermi Ilinniarfimmi teamsikkaarluta sulisarpugut aammalu teamsit akuleriilluta suleqatigiittarluta suliassagut naammassiniarlugit. IT-mi immikkoortortaqarfimmi ikioqatigiittarpugut, paasisatsinnik avitseqatigiittarluta ilikkakkatsinnillu immitsinnut ilinnartittarluta.
Makkua uagut neqeroorutigaagut:
Ilinniarfik ineriartorlunilu allanngoriartortoq
Sulisut pikkorissut suliassanillu aallartitsiumasut
Ilinniartut pikkorissartut aalajuartut
Suliffeqarfik nutaalianik atortulik suliffigiuminartorlu
Aallartinnermi ilinniartitsineq systemitsinnillu aalajangersimasunik ilinniartitsineq
Paasisaqarnerorusukkuit Perorsaanermi Ilinniarfimmi pisortap tullia Marianne Nissen attavigisinnaavat oqarasuaat +299 38 35 50 atorlugu.
1. august 2024 imaluunniit isumaqatigiinnikkut piaartumik atorfik inuttalerneqarnissaa kissaatigaarput.
Qinnuteqarnissamut killigitinneqarpoq 21. juni 2024 nal. 0800.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.