Perorsaanermi Ilinniarfimmi ilinniakkanut ingerlariarfiusunut teamlederimik pissarsiorpugut
Perorsaanermi Ilinniarfimmi teamlederimik siumut isiginiartumik ujartuivugut, ilinniakkanik ilinniartitaanerullu aaqqissuussaanerinik ilisimasalimmik tassanilu sulilluarusuttumik.
Perorsaanermi Ilinniarfimmi ilinniakkanut ingerlariarfinnut teamledereq ilinniakkanut ingerlariaqqiffiutigisatsinnut ukununnga: Pædagogassistentimut (DPAU), socialassistentimut (SAU) aammalu Perorsaasutut sammivilimmik bacheloritut (SPU) ilinniartunut annerusumik attuumassuteqartussaavoq.
Ilinniartitsisut 15-it teamlederi ilanngullugu tassani immikkoortortaqarfimmi sulisuupput. Taakkunannga pingasut Nuummi inissisimallutik.
Teamlederitut teamini aqutsisunut akuulissaatit, tassani aqutsinerup iluani suliallu akimorlugit suleqatigiinnermi peqataalissallutit, immikkoortortaqarfiit akornini eqqarsartumillu ingerlatsinerup iluani.
Teamlederip ukua akisussaaffigisarpai:
Ilinniakkap suliamut tunngatilluinnarnissaa perorsaanilerinermilu atugassat ilinniartitaanerup aaqqissuussaanerata iluani
Ilinniartitsinerup suliffimmillu misiliinerup ingerlanissaa, misiliinerit, misilitsinnerillu ilinniartitaanermut aaqqissuussaanerup iluaniittut malillugit
Ilinniartitsinermi pilersaarutit ataqatigiissarneri
Missingersuutit malillugit aningaasaqarnerup iluani
Sulisoqarnermut tunngasut, suliffigissaarneq, atorfinnut innersuussinerit teamimilu ilinniartitsisut pisinnaasaannik ineriartortitsinerit
Suliffeqarfiup avatangiiserissaarnissaanik qularnaarinninnerit immikkoortortaqarfiit tamaasa akimorlugit
Teamlederip ukunani suleqateqartassaaq:
Ilinniartitsisut peqatigalugit ilinniartitsinissamik pilersaarusiorneq ineriartortitsinermillu iliuuseqarnerit
Teamlederit inuussutissarsiutigalugu ilinniarfinni allaniittut piorsaavillu peqatigalugit ilinniarnermi atugassarititat ilinniartitsinermi atugassarititat pillugit, suliat akimorlugit suleqatigalugit, ineriartorneq ataqatigiisitsinerlu ilinniakkat assigiinngitsut akornanni
Teamlederit immikkoortortaqarfinni allaniittut ilinniarfiup atugassarititai pillugit ulluinnarnilu atugassarititat pillugit ilinniafinni Ilulissaniittuni Nuummiittunilu.
Eqqarsartumik aqutsisut peqatigalugit ilinniakkat ineriartortitsinerlu pillugit pitsaassutsimut qularnaarinninneq aqqutigalugu
Suliamut inuttullu pisinnaasassat piumasaqaatit ukuupput:
Perorsaanilerinermi ilinniagaqarsimanissaq minnerpaamik bacheloritut imaluunniit kandidatitut
Ingerlatsinermik misilittagaqarsimanissaq, teaminik ingerlatsinerni tatigineqarlunilu ingerlatsinermik misilittagaqarnissaq
Tatiginartuunissat aammalu akuersaartumik periuseqarnissaq kissaataavoq
Assigiinngitsunik ataatsikkut suliaqarsinnaasariaqarnissaq ulluni ulapaarfiusuni eqqissisimasinnaanermik pigisaqarlunilu sunik tamanik takunnissinnaanissaq kissaataalluni
Allaffissornikkut Informations teknologinillu atortunik atuilluarsinnaanissaq
Teamlederimik tamatigoortumik ineriartortitserusuttumillu ujartuivugut, suleqatigiinnerup pingaassusianik paasinnissinnaasumik, avatangiisiminik qungujulalluni naapitsisinnaasumik sulinerullu sammivianik tikkuaasinnaasumik.
Teamlederisut imminut takusinnaasutut misigiguit qinnuteqarniarit.
Atorfik oktoberip aallaqqaataani 2024-mi inuttalerneqarnissaa kissaataavoq imaluunniit isumaqatigiittoqarsinnaavoq tamanna pillugu.
Qinnuteqarfissaq kingulleq augustip 27-at 2024 ullup qeqqartinnagut.
Atorfimmut innersuunneqartut augustip 28-ani 2024-mi oqaloqatigineqassapput.
Attavissat:
Paasisaqarnerorusukkuit atorfik pillugu teamleder Laila Thorsen oqarasuaatikkut +299 38 35 83-mut attavigineqarsinnaavoq aammalu Pisortaq Ulunnguaq Markussen oqarasuaatikkut +299 38 35 95-mut attavigineqarsinnaavoq.
Perorsaanermik Ilinniarfik pillugu paasisaqarnerorsukkuit nittartagarput iserfigiuk: www.pi.sps.gl
Emailikkut qinnuteqaatit tiguneq ajorpagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.