Perorsaanermik Ilinniarfik ilinniartitsisussarsiorpoq
Unamminartunut nutaanut sapiissuseqarpit? Taamaappat Perorsaanermik Ilinniarfiup Nuummi immikkoortortaani ilinniartitsisutut atorfik soqutiginartoq qinnutigiuk.
Perorsaanermi Ilinniarfimmi ilinnialernissamut qinnuteqartorpassuaqarnera peqqutigalugu Nuummi immikkoortortarput allisittussanngorparput. Taamaattumik Nuummi immikkoortortatsinni inuussutissarsiornerup iluani ilinniakkanut tunnganerusunut ilinniartitsisussamik pissarsiorpugut kingusinnerpaamik 1. august 2024 atorfinittussamik.
Perorsaanermik Ilinniarfik (PI/SPS) Ilulissani Nuummilu immikkoortortaqarpoq, qitiusumik ilinniarfik Ilulissani inissisimalluni. Ilinniarfik 60-it missaanni sulisoqarpoq ilinniartullu 300-t missaanniittut ilinniakkanut arfineq-pingasunut agguarsimapput, ukuusunut: Ulluunerani meeqqanik sullissinermi ikiortinngorniarneq, isumaginninnermi ikiortinngorniarneq, socialassistentitut ilinniarneq, perorsaasutut sammivilimmik bacheloritut ilinniarneq, pædagogassistentitut inuussutissarsiummik ilinniarneq, siunnersuinermi ikiortitut ilinniagaq, inulerinermi siunnersorti aammalu immikkut pisariaqartitsisunut sammivilimmi perorsaanilerinermi ilinniarneq.
Ilinniartitsisoq ujartugarput ataqatigiissaarillaqqittuussaaq, eqaatsumik suleriusilik, suleqateqallaqqissoq ineriartortitsinermullu soqutigisalik.
Taakkua saniatigut naatsorsuutigaarput:
Perorsaasutut assigisaanilluunniit ilinniarsimasuussasutit
Perorsaanilerup iluani ilinniartitsisutut aammalu inersimasunik ilinniartitsinermik misilittagaqassasutit
Pædagogikum-ersimassasutit
Suleqatikkuminartuusutit aaqqiissutissanillu nassaarniallorissuulluni
Akisussaaffimmik tigusisinnaasutit namminersullaqqillutillu
Suliffeqarfiup ukua ilinnut neqeroorutigisinnaavai:
Ilinniarfik ineriartortuartoq aporfissanik ujartuinani periarfissanik ujartuisoq.
Eqimattakkaarluni suleqatigiinneq aaqqissuussaanerlu peqataatitsisoq akisussaaffimmillu tunisisoq, sunneeqataasinnaanermut akuutitsisumillu suleriusilik kiisalu assigiinngisitaartunik isummersorsinnaanermut inissaqartitsisoq.
Sulisut pikkorissut suliaminnullu pimoorussisut immikkoortortani tamani suleqatigilissavatit.
Suleqatigiit iluanni aaqqissuussinerit inuttullu inerikkiartornermi ingerlatsinerit suleqatigiilluarsinnaaneq anguniarlugu.
Ulluinnarni qungujulaarnermik illalaartarnissamillu inissaqartitsisoq.
Attaveqarfissaq
Sukumiinerusumik paasissutissanik pissarserusukkuit immikkoortortami aqutsisoq Lena Mathiesen Fly imal. PI/SPS-imi tullersorti ilinniartitaanermullu pisortaq Marianne Nissen uunga oqarasuaammut sianerlutit +299 38 35 50 attavigisinnaavatit imaluunniit e-mail-mut uunga allaffik@pi.sps.gl -mut saaffiginnillutit.
Ilinniarfik pillugu paasissutissat amerlanerusut www.pi.sps.gl-imi atuarsinnaavat.
Qinnuteqarfissaq killeqarpoq 7. Juni 2024 nal. 12:00.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut nassiutisapput.
E-mail-ikkut qinnuteqaatinik tigusineq ajorpugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job