Perorsaanermik Ilinniarfimmi ilinniartitaanermut immikkoortortaqarfimmi kontorfuldmægtigimik ujaasivugut

Perorsaanermik Ilinniarfimmi ilinniartitaanermut immikkoortortaqarfimmi kontorfuldmægtigimik tunniusimasumik akisussaassusilimmillu ujaasivugut, assigigiinngitsunik suliaqarluni nuannarisalimmik. Atorfik ulluinnarni ingerlatsinermi qitiusumik inissisimasuuvoq ilinniakkanillu assigiinngitsunik ingerlanneqartartunik pilersaarusiornermik imaqarluni. Suleqatigiinni ingerlaartuartuni akuulissaatit ilinniartitsisut allaffissornermilu sulisut ulluinnarni suleqatigisassallugit.

Ilinniartitaanermut immikkoortortaqarfipput makkunannga imaqarpoq: Isumaginninnermi ikiortitut ilinniartut, socialassistentitut ilinniartut, Perorsaasutut sammivilimmik bacheloritut ilinniartut, Perorsaasumut ikiortitut inuutissarsiuummik ilinniagartuutut ilinniartut aammalu

Ulluunerani meeqqanik sullissinermi ikiortinngorniartut. Taakkua saniatigut sulinerup saniatigut ilinniakkat ukua ingerlanneqartarput: Siunnersuinermi ikiortitut ilinniartut, Ilinniagartuutut ilinniagaq isumaginninnerup iluani siunnersortitut aammalu Immikkut pisariaqartitsisunut sammivilimmik perorsaanilerinermi ilinniartut. Nuna tamakkerlugu perorsaanilerinermi pikkorissarnernik aamma neqerooruteqartarpugut ilinniarsimanngitsunut ilinniagalinnullu tulluarsakkanik ulluunerani paaqqinnittarfinniittunut ulloq unnuarlu paaqqinnittarfinniittunullu.

Atorfippit iluani suliassatit annerit ukuussapput:

• Ilinniakkat tamakkerlugit malinnaavigalugit qularnaarlugulu ilinniakkap ingerlanerani ilinniakkallu imarisaasaeqqortumik nalunaarsorsimanissaat, aaqqissuussaanerat ullumikkumullu naleqqussartuarsimanissaat
• Pikkorissartuni pisinnaasanillu ineriartortitsinermi ingerlatsinerni sivikutsumik ingerlasuni imaluunniit sivisunerusumik ingerlasuni allaffissornermi aningaasaqarnermilu suliassanik ingerlatsinerit, ataqatigiissaarinerit, pilersaarusiornerit ingerlatsinerillu pikkorissaanerit ingerlaneranni. Tassani oqarasuaatikkut, emailikkut attaveqartarnerit, missingersuutinik aningaasaqarnermilu naatsorsuuserinerit ilaapput
• Pikkorissaanissamut aningaasaliinissamut qinnuteqaasiornermi peqataanerit
• Pikkorissarnerit imarisaanik paasissutissanik nittartakkakkut saqqummiinerit, pikkorissarnermi qinigassanik sanaartornerit assigisaallu
• Pikkorissartut allattorsimaffiinik nalunaarsuinerit, angalanissamut inigisassanullu inniminniinerit, nerinissanut ininillu pikkorissarfissanik inniminniinerit aammalu pikkorissartut naammassineranni allagartassaannik sanaartornerit
• Pikkorissarnerit qanoq inissisimanerannik nalunaarusiornerit naliliinerillu taakkualu pillugit allagaqaasiornerit pisinnaasarlutik
• Perorsaanermik Ilinniarfimmi sulisunik immikkoortortaqarfinni allaneersunik suleqateqarnerit kiisalu avataaniik soqutigisalinnik suleqateqarnerit
• Ilinniakkanut tamanut ullormut najoqqutassiat paasissutissallu Lectio atorlugu nalunaarsuinerit ingerlatsinerillu
• Ullormut najoqqutassiat ilinniartitsisut susassaqartullu suleqatigalugit suliarineri nalimmassarnerilu ingerlallugit
• Ilinniartoqatigiit ukioqatigiillu assigiinngitsut sapaatip akunnerini sorlerniinnissaat pilersaarusiorlugillu ataqatigiissarlugit
• Misilitsinnissamut pilersaarusiornerit taakkualu pilersaarusiat piffissaliussallu inatsisit maleruagassallu naapertorlugit ingerlaneri qularnaarlugit
• Najoqqutassianik ilusilersuinerit suliaralugillu aaqqissuullugit
• Ininik atuartitsivissanik, misilitsiffissanik allanillu aaqqissuussinerni atugassanik ataqatigiissaarineq agguataarinerlu

Pisinnaasassat:

• Allaffissornermi misilittagaqarnissaq, illiniartitaanerup iluani annerusumik misilittagaqarnissaq
• Nammineerluni sulisinnaanissaq suliassanillu ataqatigiissaarinermi aaqqissuussillaqqinnissaq suleqateqarlunilu aaqqiissutissanik suliaqarsinnaanissaq
• Lectio assigisaannillu ilisimasaqarnissaq
• Aaqqissuussinermik pisinnaasaqarlunilu sunik tamanik takunnissinnaanissaq
• Kisimiilluni sulisinnaanissaq allanillu suleqateqarluni sulisinnaanissaq
• Oqaatsitigut allattariarsornikkullu attaveqatigiinnermi pitsaasunik pigisaqarnissaq
• Sulianik assigiinngitsunik ataatsikkut suliaqarsinnaallunilu tamatigoortuunissaq
• Sullissilluarsinnaanissaq, takkuttuaannarnissaq sulianillu aaqqissuussilluarsinnaanissaq
• Office-pakkenik ilisimasaqarluarnissaq aammalu IRIS, Ledelsesinfo-mik IT-reg.-nillu ilisimaqarnissaq
• Sulianik assigiinngitsunik ataatsikkut suliaqarsinnaanissaq
• Tamani iluaqutaanerpaajussaaq kalaallisut oqaaseqarluartuuneq

Atorfik augustip aallaqqaataani 2024-mi inuttalerneqarnissaa kissaataavoq.

Qinnuteqarfissaq kingulleq tassaavoq ulloq 29. juli 2024.

Annertunerusumik paasisaqarnerorusukkuit oqarasuaatikkut +299 38 35 50 atorlugu Teamleder Laila Thorsen imaluunniit Teamleder Kirsten P Jensen attavigineqarsinnaapput. Emailikkut aamma attavigineqarsinnaallutik uunga allalluni allaffik@pi.sps.gl

Perorsaanermi Ilinniarfik pillugu paasisaqarnerorusukkuit nittartagarput alakkartersinnaavat: www.pi.sps.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job