Perorsaanermik Ilinniarfimmi Ilinniartitaanermut pisortaq
Aqutsisuuit misilittagaqarluartoq ilinniartitaanermut pisinnaasatigut atassuteqarluarlutillu sulerusussuseqarluartoq? Ilinniartitaanermut pisortamik ujartuivugut Perorsaanermik Ilinniarfimmi aqutsillunilu ineriartortitsisinnaasoq aammalu ataqatigiissumik peqataasitserusuttumillu ilinniarnermi ingerlanermi ilinniartitsisunut ilinniartunullu ilikkanermik misigisaqartitsisinnaasoq.
Ilinniartitaanermut Pisortatut aaqqissuussaanermi qitiusumik inissisimassaatit, qularnaassallugu ilinniarnerup nukiillu ataqatigiittumik pitsaasumik ingerlanneqarnissaat Perorsaanermik Ilinniarfimmi ilinniakkat assigiinngitsut iluanni. Suliassani siammasissuni akisussaasunngussaatit, kikkut tamarmik pitsaasumik pitsanngoriartortuartumillu ilinniartitsinerit ilinniarnerullu avatangiisii pitsaasutittuarnissaannut sulisunut.
Akisussaaffiissatit:
Ilinniakkat assigiinngitsut imminnut ataqatigiinnerat nukittussusaallu ilinniarnerit ingerlaneranni qularnaassallugu
Ilinniakkat assigiinngitsut akornanni ilinniagassat assigiinngitsut siuarsassallugit aammalu qularnaarlugu qaffasinnerpaamik ilikkarnissamut periarfissat pitsaanerpaaffianiisinnissaat
Soqutigisaqaqatigiit assigiinningitsut akornanni pilersitsinissaq nukittorsaanissarlu tassuunakkut qularnaarlugu attaveqaqatigiinnik suleqatigiinnernillu nukittuunik peqalernissaq
Pitsaassutsimut qularnaarinninneq tapersersorlugulu aqullugu ilinniakkat tamarmiusut isigalugit. Tassani ataavartumik nalilersuinerit nalimmassaanerillu ilinniarnermut aaqqissuussaanerit naapertorlugit aammalu piffissamut naleqquttumut imarisaatigut, aaqqissuussaaneratigut, ilinniartitsinermi periutsinut ilinniakkanillu pissarsiaqaataasinnaaneri qularnaarlugit
Perorsaanermik Ilinniarfiup ilinniakkatigut politikkiata anguniagai pilersaarutaasalu tunaartarisap tungaanut ineriartornissai qularnaassallugit
Perorsaanermik Ilinniarfimmut ilinniartuinullu tunngassuteqarsinnaasunut tusarniaanerit pillugit akissutissanik innersuussutinillu suliaqarsinnaanissaq
Ilinniakkat neqeroorutigitineqartut imarisaasalu pisariaqartinneqartut naapertorlugit ineriartortitsinermi ataavartumik piffissamullu naleqqussaanerit ingerlanneranut peqataanissaq. Tassani ineriartortitsinermi suliat aallartillugillu malinnaavigalugit qularnaarlugulu misilitsinnermi censoriusartut pitsaassutsikkut naleqquttut pigiuaannarnissaat.
Ilinnartoqarfiit allat assigisat Kalaallit Nunaanniittut nunarsuarmioqatitsinnilu piusut atassuteqarfigilerlugillu atassuseteqarfigiuarnissaasa paarinissaat qularnaarlugu. Tassani sulianut ineriartortitsinermilu ilinniartut ingerlaqqissagunik isumalimmik ingerlaqqissinnaanissaat angujumallugu.
Teamlederit aqullugit ilinniakkani assigiinngitsuniittut aammalu qularnaarlugu suliat agguataarnissaat pitsaasumik ineriartortitsineq kajumissuseqarsinnaanissarlu angujumallugu
Teamlederit, ilinniartitsisut ilinniartullu ataqatigiinnerat pilersillugulu piujuaannartillugu tassani qularnaarlugu suliffiup avatangiiserisai pitsaasuunissaat ilinniarnerullu piorsarsimassusia qularnaarlugu
Ilinnakkat assigiinngitsut akornanni ilinniartitseriaatsit pitsaasut katersorlugillu avitseqatigiisinnissai qularnaarlugit, ilinniartut ilinniarnerminnik paarininnissaat angujumallugu
Pisinnaasanut piumasaqaatigut:
Naleqquttumik akademiskiusumik ilinnigaqarsimanissaq, ilinniartitaanerup periusaata perorsaanilerinermilu periutsinik paasinninnissamut tunngaviliisimasut
Aqutsinermik ataqatigiissaarinermillu misilittakkat ilinniartitaanermut sammisut
Pitsaalluinnartumik attaveqaqatigiinnermut suleqatigiinnermullu pisinnaasaqarnissaq. Tassuunakkut suleqatigisat, ilinniartut avataaniillu soqutigisaqaqatigiit peqatigisinnaalernissaat pillugit
Piffissamut ungasissumut eqqarsarsinnaanissaq, eqqarsarluarlunilu ineriartortitsinerit atuutsitsilernerillu Perorsaanermik Ilinniarfiup ilinniarnermut anguniagaanut naleqquttunik qularnaarlugulu aalajangiussat ingerlanneqartut malinnaavigineqarnissaat
Allannguutinut nalimmassarsinnaanissaq unammillernartunullu assigiinngitsunut suliaqarsinnaanissaq piusamaqaataavoq ilinniarfimmi ingerlaarusaartuartumi
Peqataasitsisinnaanissap siuarsartuarnissaa suliffimmillu peqqinnartumik avatangiisiliisinnaaneq, sulisut ilinniartullu naleqartutut misiginissaat ilinniarfimmiinnerminnilu ineriartortuarnissaat anguniarlugu
Ukua neqeroorutigaagut:
Suliffeqarfik ingerlarusaartuartoq unammillernartorlu, suleqatinut ilinniartunullu sunniuteqarluarsinnaanissarnut periarfissiisoq, sulisut peqataarusuttut peqatigalugit. Atorfinissaatit atorfimmik namminersornartorujussuarmik akisussaaffilerujussuarmillu, ilinniarfitta ineriartornissaanut ilusilersornissaanullu peqataanissarnut periarfissiisoq.
Paasissutissat allat
Ilinniartitaanermut pisortatut imminut takusinnaaguit atorfillu pillugu paasisaqarnerorusukkuit Perorsaanermik Ilinniarfimmi pisortaq Ulunnguaq Markussen attavigisinnaavat ugguuna: ulunnguaq@pi.sps.gl imaluunniit oqarasuaatikkut +299 38 35 95
Perorsaanermik Ilinniarfik pillugu nittartakkatigut paasisaqarnerusinnaavutit: www.pi.sps.gl
Qinnuteqarfissaq
Atorfik kingusinnerpaamik septemberip aallaqqaataani 2024-mi imaluunniit immikkut isumaqatigiissuteqarnikkut inuttalerneqarnissaa kissaatigineqarpoq. Qinnuteqarfissaq kingulleq tassaavoq juulip 26-ani 2024-mi ullup qeqqartinnagu. Oqaloqatiginninnerit piumaarput qinnuteqarfissap qaangiutereernerata kingorna.
Akissarsiat atorfeqartitaanermilu atugassarititaasut:
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.