Paasissutissat
Atorfiup suussusaa: PI/SPS Kontorfuldmægtigimik ilinniartut- ineqarfiillu allaffeqarfiannut pissarsiorpoq
Suliffeqarfik: PI/SPS
Qinnuteqarfissamut killigititaq: 17. november
Attavissaq: Ellen Eisner Mathæussen
ellen@pi.sps.gl
+299383550
PI/SPS Perorsaanermik Ilinniarfik ilinniartut- ineqarfiillu allaffeqarfiannut sullissinermik nuannarisalimmik kontorfuldmægtigissarsiorput. Atorfik Ilulissaniippoq, Ilulissat Kangerluanni UNESCOp nunarsuarmioqatigiinnut kingornussassarititaani, Kalaallit Nunaanni perorsaanermut ilinniarfiup kisiartaasup ataani suleqataassaatit.
PI/SPS pillugu
Perorsaanermut Ilinniarfiup Kalaallit Nunaat tamakkerlugu perorsaasunngorniat, perorsaanermi assistentit, perorsaanermi ikiortit ulluuneranilu paaqqinnittarfinni ikiortit ilinniartittarpaat. Perorsaanerup iluani pikkorissarnerit ilinniaqqinnerillu neqeroorutigisarpavut, suliaqarfimmilu ineriartoqqinnissamut isumassarsiornissaannik ikiortarlugit. Ilinniagaqarfinnut assigiinngitsunut ilinniartut 300 sinneqartut aammalu ilinniarsimasunut ilinniarsimanngitsunullu siammasissumik pikkorissarnissamut neqerooruteqarnissamut Kalaallit Nunaanni ilinniarfeqarfinni qitiusutut inissisimavugut. Perorsaanermik Ilinniarfik 45 missaanniittunik sulisoqarpoq, taakkunannga ilinniartitsisut 20 missaanniillutik.
Pingaarnertut suliassat:
Allaffissornikkut ilinniartunut siunnersuineq
Ilinniartut- ineqarfiinullu allaffissorneq
Attaveqaqatigiinneq, Oqarasuaammik paarsineq saaffiginnittarfimmiinnerlu
Allaffissornermi suliassat nalinginnaasut; allattuineq, kopeerineq, ilinniartunillu ineqartut allattorsimaffiani systemini assigiinngitsuni aaqqissuineq allattuinerlu.
Matuersaatinik saltosunik atortunillu isumaginninneq
Kalallisut qallunaatillu nutserinerit annikitsut
Ujartorparput
Kontorfuldmægtig ujartugarput tassaavoq:
Allaffissornikkut tulluuttumik misilittagalik
Atuisutut IT-mik ilisimasaqarluartoq
Aalajaatsoq, peqqissaartoq namminersorlunilu sulisinnaasoq
Ulapaarfimmi eqqissisimasinnaasoq, suliassanillu arlalinnik ataatsikkut suliaqarsinnaasoq
Kiffartuussilluarsinnaasoq, allaffissornikkullu suliassanik assigiinngisitaartunik suliaqarnissamut aalajaatsoq
Marluinnik oqaasilik – kalaallisut qallunaatullu
Suleqatikkuminartoq ilinniartunik, pikkorissartussanik suleqatigisallu avataaneersut pitsaasumik sullissisoq.
Qinnuteqarnissamut ingerlaasissaq
Qinnuteqaat, CV pappilissallu allat pisariaqartut onlinekkut qinnuteqarnikkut 17. november 2026 nallertinnagu nassiunneqassapput. Atorfiniffissaq 1. december 2026, isumaqatigiissuteqarnikkulluunnit siusinnerusukkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
