Fakta
Atorfiup suussusaa :
Suliffeqarfik : The Inuit Circumpolar Council (ICC)
Qinnuteqarfissamut killigititaq : 21. September 2026, nal. 12:00.
Attavissaq : hr@inuit.org, atorfillu pillugu annertunerusumik paasisaqarusukkuit aamma tassunga allassaatit.
Pikialasorsuaq pillugu Siunnersortitut atorfimmut ICC Kalaallit Nunaat Nuummi sulisusarsiorpoq.
Tunuliaqutaa:
Nunat Inoqqaavisa pisinnaatitaaffiisa siuarsarneqarnissaannut suliaqarneq, aamma Issittumi avatangiisit, piniarnikkut aalisarnikkullu pisinnaatitaaffiit kiisalu Inuit ilisimasaat illersussallugit pingaartitarivigit? Naalakkersuisut, Inuit suliniaqatigiiffiisa Inuillu najugaqarfiisa akornanni ataqatigiissitsinissaq soqutigiviuk? Taammaappat illiulluarsinnaavoq Pikialasorsuaq pillugu Siunnersortitut ICC-mi suleqataalertussaq.
Nuup illoqarfiata qeqqani allaffeqarpugut, nunallu tamalaat akornanni suleqatigiiuvugut ICC-p allattoqarfiisa Kalaallit Nunaanniittut, Canadamiittut Alaskamiittullu akornanni, suliffeqarfillu pissanganartoq imaqartaqisorlu neqeroorutigisinnaavarput nunarsuatsinnut naggueqatigiit Inuit oqariartuutaannik avammut apuussisartoq.
Suliassat:
Pikialasorsuaq pillugu Siunnersortitut qanimut suleqatigissavatit siunneersortit allat pisortatullu qaninnertut inissisimavoq Allaffeqarfimmi Pisortaq, makkulu ilaatigut suliassaralugit:
a. Pikialasorsuaq pillugu ataatsimiititaliap Pikialasorsuaq Joint Steering Committee kiffartuutissallugu taassumalu piviusunngortitsinissamut siunnerfittut aalajangigai, Terms of Reference, piviusunngortissallugit,
b. ICC Canadami, Qikiqtani Inuit Associationimi, aamma Kalaallit Nunaanni Canadamilu Naalakkersuisoqarfiit sulisui Pikialasorsuaq pillugu suliniutip siuarsaaffiginissaanik suleqatigissallugit,
c. Pikialasorsuaq pillugu ataatsimiititaliap suliniummullu peqataasut qarasaasiakkut naapillutillu ataatsimiittarnissaannik aaqqissuussineq,
d. Pikialasorsuaq pillugu allallu Kalaallit Nunaanni sumiiffiit allanngutsaaliorneqarnissamut soqutiginaatillit pillugit nalunaarusiortarnissat tamanullu paasissutissiisarnissaq.
Pitsaassaaq Naalakkersuinermut politikkimullu tunngasunik suliaqarnermik misilittagaqareeruit, aammalu paasisimasaqarluareeruit piniarnermik, aalisarnermik, Inuit Ilisimasaannik aammalu suliniaqatigiiffiit naapittarnerinut atatillugu. Sulineq annerusumik ingerlasassaaq kalaallisut, qallunaatut tuluttullu.
Ujartukkatta tunuliaqutaa:
Ujartugarput tassaavoq Bacheloritut Kandidatitulluunniit naammassisimasoq, naalakkersuinermut, politikkumut, inatsisilerinermut imaluunniit kulturikkut kingornassassianut, sumiiffinnik eqqissisimatitanut, biologimut imaluunniit ilisimatusarnermut tunngasunik ilinniagalik, aammalu soqutiginnittoq Pikialasorsuarmut atatillugu politikkikkut aqutsinikkullu tunngasunik soqutiginnittoq. Ilisimatusarfimmiit ilinniarfimmiilluunniit allamiit naammasseqqammersimaguit suliniutinillu politikkimut, imartat aqunneqarnerannut tunngasunut allaffissornikkullu kiffatuussinermik soqutigisaqaruit tamanna iluaqutaassaaq.
Aningaasarsiassat atorfinitsitaanissamullu atugaqartitaasussat
Aningaasarsiassat atorfinitsitaanermullu atugaqartitaasussat piginnaasat naapertorlugit neqeroorutigineqartarput. Atorfik manna immikkut isumaqatigiissuteqarnikkut atorfinitsitsineruvoq. Atorfimmut atatillugu ineqartitsinissaq neqeroorutaanngilaq.
Atorfinitsitsinerup sivisussusissaa:
Aningaasaateqarfimmit The Gordon and Betty Moore Foundation-imiit ICC Kalaallit Nunaat aningaasaliiffigineqarpoq, atorfeqartitaanerlu 2029-mi juli ilanngullugu sivisussuseqassaaq.
ICC pillugu:
ECOSOC aqqutigalugu nunat inoqqaavisa kattuffiattut piginnaatinneqartutut ICC inissisimaffeqarpoq Indigenous Peoples’ Organization (IPO)-tut, taamalu nunat tamalaat peqataaffigisaannik isumaqatiginninniarnernut sulinermullu akuulluni. ICC-p avatangiisit pillugit suliaanut ilaapput nunap imartallu illersorneqarnissaat pillugit nunani tamalaani katerittarfiit, soorlu IMO - International Maritime Organization , Nunat tamalaat Imavinni Angallanneq pillugu Isumaqatigiissutaat pillugu suleqatigiiffissuaq, Central Arctic Ocean Fisheries Agreement (CAOFA) Issittup qiterpasissuani imartani aalisartoqanngikkallarnissaa pillugu isumaqatigiissut, the United Nations Framework Convention on Climate Change (UNFCCC), Naalagaaffiit Peqatigiit Silap Allanngoriartornera Pillugu Nalunaarutaanik suliaqartartut, aamma the United Nations Convention on Biological Diversity (CBD) uumasoqatigiiaat assigiinngissusiat pillugu Naalagaaffiit Peqatigiit isumaqatigiissutaat akuuffigissallugit.
Qinnuteqarfissap killinga:
Qinnuteqaatit nassiutissavat kingusinnerpaamik 21. September 2026, nal. 12:00. Qinnuteqaammut ilanngunneqassapput atorfimmut qinnuteqarnermut tunngavilersuut aamma CV. Qinnuteqaat uunga nassiunneqassaaq hr@inuit.org, atorfillu pillugu annertunerusumik paasisaqarusukkuit aamma tassunga allassaatit.
//
