Paasissutissat
Atorfiup suussusaa: Pinngortitaleriffik marlunnik Programkoordinatorinik sulisussarsiorpoq
Suliffeqarfik: Pinnogrtitaleriffik
Qinnuteqarfissamut killigititaq: 16. november
Attavissaq: Søren Post attavigisinnaavat ugguuna sopo@natur.gl imaluunniit +299 361200.
Pinngortitaleriffimmi Aalisakkanut Qalerualinnullu Immikkoortortaqarfik, sulianik assigiinngitsunik siammasissunillu suliaqarsinnaasumik, suleqateqarluarsinnaasumillu nunani tamanit ilisimatusarnermi suliaqartunut teknikerissarsiorpoq. Laboratoriami, allamukarlunilu suliaqarnermi qarasaasialerinermilu suliaqarsinnaasoq aaqqiissuteqartarlunilu naammassinnilluarsinnaasoq ujartorneqarpoq.
Suliassat tamatigoortuupput nikerartuussallutillu, ilaatigullu makkuussallutik: a) laboratoriami suliaqarneq, b) Pinngortitaleriffiup ilisimatuussutsikkut misissuutaanni umiarsuarmi avataanilu suleqataaneq c) aalisartunit aalisakkerivinniillu aalisakkanik qalerualinnillu misissugassanik katersineq d) Katersaniit paasisanik pitsaassutsimik qulakkeerinninneq qarasaasiamullu allattuinerit e) teknikkikkut atortorissaarutinik iluarsaassinerit allarpassuillu.
Ilisimatusartunik, teknikerinik ilinniagaqartunillu qanimut suleqateqartussaassaatit. Kiffartuussisinnaassuseqassaatit, inussiarnersuunissat pisariitsumillu naammassinnilluarsinnaanissat kissaatigineqarpoq. Illit misissuivimmi avataanilu sulinerni ataqatigiissaarisuussaatit, pilersaarusiortuussaatit nammineerlutillu sulianut aqutsisuullutit. Atortorissaarutinik piareersaaneq, misissuinermi isumannaallisaanermilu atortut nutarsarsimanissaat akisussaaffigissavatit. Paasisat pisariunngitsumik pissarsiarinissaat anguniarlugu misissuivimmi avataanilu sulinermi naammassilluarneqarnissaat qulakkeersinnaassassavatit.
Kalaallisut, danskisut tuluttullu oqaatsinik atuisinnaaguit iluaqutaassaaq.
Pisinnaasat:
Laborantitut. Aalisakkerinermi teknikeritut, biologinullu ikiortutut ilinniagaqarsimassaatit
Offece-mik,Excel aamma Word-mik piginnaasaqarluarnissaq
Avataani imarsiortutut suleqatarlutillu pilersaarusiortarnerinik misilittagaqassaatit.
Suleqatigiit akornganni suleqataasinnaaneq, aammali suliamik namminersuuteqarsinnaanissaq suliassarsiorsinnaanissarlu
Aaqqissuussillunilu ilusilersuisinnaanermik piginnaaneqarnissaq, ingammik laboratoriani, aammalu ulluinnarni suliassanik pilersaarusiorlunilu suliaqarsinnaanissaq
Inussiarnersuuneq sulerusussuseqartorlu suleqatitut suleqatikkuminartuullutit aamma allatut atorfillit akornganni
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqarfissaq kingulleq 16. november 2026
Sukumiinerusumik paasisaqarniaruit immikkoortortami pisortaq Søren Post attavigisinnaavat ugguuna sopo@natur.gl imaluunniit +299 361200.
Pinngortitaleriffiup nittartagaa misissorsinnaavat uani www.natur.gl,
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
