Pisortanit ikiorsiissutilerinermut Konsulent-it pingasut
Kommuneqarfik Sermersooq, Isumaginninnermut Suliffeqarnermullu Ingerlatsivimmi Oqartussaaffeqarfik
Suliffeqarnermut Isumaginninnermullu Ingerlatsivimmut Oqartussaaffeqarfik Pisortanit ikiorsiissutilerinermut Konsulent-it pingasut / Job nr. 700/24
Kommuneqarfik Sermersooq pikkorissunik kajumissuseqarluartunillu Pisortanit ikiorsiissutilinnut Konsulentinik pingasunik pissarsiorpoq, 1. august 2024 tamatumaluunniit kinguninngua atorfinittussanik.
Oqartussaaffeqarfimmit Pisortanit ikiorsiissutisiat pillugit inatsit atuuttoq malillugu aammalu sullissisup/isumaginninnermi siunnersortip suleqatigineragut sullissinissaq ingerlanneqartassaaq.
Oqartussaaffeqarfimmi Pisortanit ikiorsiissutisiat pillugit inatsit tunngavingalugu suliarineqartarput aammalu kommunip iluaniittunik avataaniittunillu arlalissuarnik suleqateqartarluni Paamiut Tasiilaq Ittoqqortoormiit ilanngullugit
Nuummi immikkoortortaq 15 missaannik sulisoqarpoq, pingasunullu agguataakkanik suleqatigiiaaqarluni – Pension-isiat pillugit suleqatigiit, Pisortanit ikiorsiissutit pillugit suleqatigiit, Saaffiginnittarfimmi suleqatigiit, toqqortaatilerinermilu suliallit.
Atorfik piffissaq suliffiusussaq tamakkerlugu suliffiuvoq, Oqartussaaffeqarfimmi immikkoortortami aqutsisoq qaninnertut aqutsisoralugu.
Atorfiup imarisaa:
Pisortanit ikiorsiissutilerinermut tunngasunik sulisumik – misilittagaqarluarsinnaasumik – ulluinnarnilu sulinermik aamma suliassanik arlalinnik uku ataani suliaqartussamik pissarsiorpugut:
∙Siunnersuinermik ilitsersuinermillu sullissinerit makkunani:
∙Qinnuteqaatinik suliarinninneq, allakkiornerlu
∙Allakkanik isertunik suliaqarneq
∙Maalaarutinik suliaqarneq
∙Malittarinninneq/Tusarniaaneq
∙Journal-inik nalunaarsuineq
∙Oqarasuaatikkut sullissineq
∙Akiligassalerineq
∙Kommunimi illoqarfiit nunaqarfiillu suleqatigineri
Suliassat Oqartussaaffeqarfiup sinnerani sulisut qanimut suleqatigalugit pisarput aamma avataaniittut suleqativut suleqatigalugit pisarlutik.
Qinnuteqartumut naatsorsuutigisat:
Naatsorsuutigaarput TNI-mut assigisaanulluunniit ilinniarsimasuusutit
Pitsaassaaq suliassaqarfimmi sullissinermik misilittagaqartutit aammalu IT (GetOrganized aamma AX prisme) misilittagaqarfigigukkit
Tamatuma saniatigut pingaartipparput, illit:
∙Ineriartortitsinermik sullissilluarnermillu pingaartitsisuusutit
∙Suleqatikkuminartoq
∙Isumalluartuullutillu ilakkuminartuusutit
∙Aalajaatsuunissat, pitsaassutsimik ilisimasaqarluartoq immikkuualuttunillu maluginiaasinnaasoq
∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuuvutit.
∙Namminersorluni sulineq akisussaassutsinillu ilisimaarinnilluartuunissat
∙Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit
∙Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit
∙Siammasissumik suleqateqarluarsinnaaneq.
∙Suliassat takkussuuttut nalinginnaasut
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Uagut neqeroorutigaavut:
Suliffik suleqatitsialaat suleqatigalugit aammalu atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Tamakkununnga ilanngullugu qanimut siunersiueqatigiiffimmi suleqatigiilluni suliffik avatangiiseqarnissaa aamma suliniuteqarnissap nutaaliornissallu inissaqartuarnissai anguniartuarparput.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaagallartoq Ane Jerimiassen, oqarasuaat +299 368021 imaluunniit e-mail: jeri@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 700-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 13.-at, 2024