Pisortanut allatsinngorit!

Pisortanut allatsinngorit!

Naalagaaffinngornissamut Nunanullu Allanut Naalakkersuisoqarfik nunat tamalaat akornganni suleqataanikkut ineriartortinneqarpoq, nunattalu naalagaaffinngornissaanut qitiusumik ingerlatsilluni taamaattumik Naalakkersuisoqarfimmi pisortaanermik qanimut ataqatigiissaaralunilu malitseqartitsisartussamik qanimut suleqateqarsinnaasumik nutaamik suleqatissarsiorpugut, suliassani Naalakkersuisoqarfimmi immikkoortortaqarfiit ingerlatsineri akimorlugit ingerlatsinermi.

Illit peqataaffigissavat suliassanik ingerlatsinerup ullullu suliffiusut eqaatsumik naammassisaqarfiusumillu ingerlanneqartarnissaata qularnaarneqartarnera, - naalakkersuisoqarfimmi pisortaanermik, aqutseqatigiinnik, naalakkersuisoqarfimmilu sulisut allat kiffartuuttarnerisigut. Illit naalakkersuisoqarfimmi pisortaaneq, Naalakkersuisup allattaa aamma naalakkersuisoqarfimmi pisortaasut allat qanimut suleqatigissavatit. Naatsorsuutigisinnaavat soqutiginartunik pissanganartunillu unammilligassaqartarnissat, naalakkersuisoqarfimmi suliassaqarfinnut iserluassallutit, suliassanillu assigiinngiiaartunik suliaqassallutit.

Suliassatit ilaatigut ukuusinnaapput:

• Naalakkersuisoqarfimmi pisortaanermik allattoqarfittut sullissineq, tamatumani aamma ullorsiutinik ataqatigiissaarisarneq, ataatsimiinnissanik piareersaasarneq saaffiginnissutsinillu akissuteqarfiginnittarneq.
• Pisortaaqatigiit ataatsimiittarnerisa piareersartarneri, tamatumuunalu atatillugu malitseqartitsisarnerit.
• Oqaatsitigut pitsaassutsimik qulakkiineq atortussanillu Naalakkersuisumut naalakkersuisoqarfimmilu pisortaanermut saqqummiunneqartussanik nutserinerit.
• Suliassanik Naalakkersuisumut, Naalakkersuisunut aamma Inatsisartunut sammisunik ataqatigiissaarinerlu malitseqartitsisarneq.
• Tusagassiorfinnut nalunaarutissanik tusarniaanermullu atatillugu atortussanik suliaqartarnerit ataqatigiissaarisarnerillu.
• Naalagaaffinngornissamut Nunanullu Allanut Naalakkersuisoqarfimmi immikkoortortaqarfiit akimorlugit suliassani peqataasarneq.

Piginnaanerit

Naatsorsuutigaarput illit:

• Naleqquttumik ilinniagaqarsimassasutit
• Naalakkersuinermik ingerlatsiviusumi aalajangiisarnerit ingerlanneqartarnerinik paasinnittuussaatit, immaqalu assingusumik atorfeqareersimavutit.
• Attaveqaqatigiinnikkut piginnaaneqarluassasutit, minnerunngitsumik allatatigut suliani.
• Ulluni ulapiffiusartuni assigiinngisitaartunillu sammisassaqarfiusartuni suliaqarfiusartunilu ingerlatsillaqqissuunerit.
• Aaqqissuussaasumik suleriaaseqartutit piffissalersugaasunillu sulianik eqquutsitsisartuusutit.
• Nammineerlutit sulisinnaasutit suleqateqallaqqissuusutillu.
• Kalaallisut, danskisut tuluttullu oqaatsini pikkorissuusutit.

Inuk suliassanut pineqartunut naleqquttoq:

• Pissutsinik takunnillaqqissuullunilu sinneqarluartumik sulisinnaassuseqarpoq.
• Aaqqissuussamik suleriaaseqarlunilu aaqqissuussillaqqissuuvoq.
• Akisussaassuseqarpoq suliassanullu pitsaasunik aallaavilinnik periaaseqartuusarluni.
• Eqeersimaartuuvoq iliuuseqarumatuujullunilu.

Qinnuteqarnissamut killiliussaq 9. august 2024.

Atorfimmi aallartiffissaq: piaartumik imaluunniit isumaqatigiissuteqarnikkut.

Annertunerusunik paasisaqarusuppiit?

Atorfik pillugu paasissutissanik annertunerusunik piniaraanni Naalakkersuisoqarfimmi Pisortaaneq Mininnguaq Kleist saaffigineqarsinnaavoq +299 345000 / nap@nanoq.gl. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job