Politiit angallataat SISAK misilittagaqanngitsunik skibsassistentissarsiorpoq

Politiit angallataat SISAK Nuummi angerlarsimaffeqartoq misilittagaqanngitsunik skibsassistentissarsiorpoq, piaartumik imaluunniit isumaqatigiissuteqarnikkut atorfinittussamik.

Matrositut ubefaren skibsassistentitut imaluunniit matrositut ilinniagaqarsimassaatit, kiisalu atuuttumik imarsiortutut allagartaqassallutit.

Taakku saniatigut uku pigissavatit:

· Vagteqarsimanermut uppernarsaat.

· Røgdykkeritut kursusersimanermut uppernarsaat

· Søfartsbogip siornatigut suliarisimasanik nutartersimanissaa.

· Imarsiortunut peqqissutsimut uppernarsaat.

Qinnuteqartoq motoorimik paarsinermut duelighedsbevisimik aamma allagartaqarpat tamanna iluaqutaassaaq piumasaqaataananili. 

Maleruagassat atuuttuusut malillugit Politiit siunissamut pikkorissarnerit aqqutigalugit uppernarsaativit nutartertuarnissaat isumagissavaat.

Aningaasarsiaqartitsineq Finansministe­reqarfiup aamma Sulinermik Inuussutis­sarsiuteqartut Kattuffiata (SIK) akornanni imarsiortunut akunnermusialinnut kaajallaasitaq naapertorlugu pissaaq. Kiisalu Finansministere-qarfiup aamma imarsiortut akunnermusiaqartut naala­gaaffimmi kiffartut akornanni kattuffim­mi isumaqa-tigiissut ad 12. august 2015-imeersoq naapertorlugu.

Sapaatip akunneranut nalunaaquttap akunneri 40-t suliffiussapput

Marluinnik oqaasillit (Kalaallisut/qallunaatut) salliutinneqassapput, piumasaqaataanngilarli.

Qinnuteqaat nassiunneqareersimassaaq ataani e-mail taaneqartumut, qinnuteqaat tiguneqareersimassaaq kingusinnerpaamik 29. april 2024. Qinnuteqaammut ilanngunneqassapput ilinniarsimanermut uppernarsaatit, atorfeqarsimanermut uppernarsaatit aammalu allagartat atorfimmut piumasaqaatigineqartut.

Atorfimmut aammalu atorfiup imarisaanik annertunerusumik paasisaqarnerorusukkuit Aquttoq Buster Berthelsen attagivisinnaavat oq. +299 567335 aammalu qinnuteqaat imaluunniit atorfeqartitaanermut aningaasarsiallu pillugit HR attavigineqarsinnaavoq e-mail: grl-stab-hr@politi.dk

Suliffiit aqqutigalugu ineqartinneqarsinnaavutit. Illit nammineq aallarniut, attartorneq allallu aningaasartuutissat akilertassavatit. Nuunnermi atorfininnermilu ilaquttatillu angalassagussi akiliussisoqarsinnaavoq malittarisassat atuuttuusut naapertorlugit. Nuummi najugaqaruit nuunnermut akiliussisoqarsinnaanngilaq kiisalu utaqqiisaagallartumik ineqartitsisoqarsinnaanani.

KALAALLIT NUNAANNI POLITIIT

Ataatsimut toqqissisimatitsivugut

GRØNLANDS POLITI

Sammen skaber vi trygheden