Qaqortumi Meeqqat Angerlarsimaffiat Ivaaraq perorsaasussarsiorpoq.
Ivaaraq meeqqanut, inuusuttuaqqanut kiisalu inersimasunut annertuumik innarluutilinnut nuna tamakkerlugu ulloq unnuarlu angerlarsimaffiuvoq. Ivaaraq marlunnik immikkoortortaqarpoq; SUNGAARTOQ ineqartunut tallimanut inissalik kiisalu tungujortoq qulinut inissalik.
Immikkoortortami TUNGUJORTUMI, massakkut qulingiluanik ineqartulimmi marlunnik perorsaasussarsiorpugut.
Immikkoortortami TUNGUJORTUMI najugallit aalasinnaanerupput tamarmillu issiavinnik assakaasulinnik atuisuunatik.
Ataatsimut isiginnittaaseqarluta najugaqartunik sullissisarpugut, tamatumanilu najugaqartut ataasiakkaat tunuliaqutaat pisariaqartitaallu aallaavigisarpavut.
Neqeroorutigisinnaavavut;
• Suliffik ineriartortoq, ilaatigut assigiinngitsunik suliallit suleqatigiinnerannik assut pingaartitsivigisarput.
• Suliffik soqutiginartoq tamatigoortorlu, persuarsiorfiunngitsumik suliffimmi avatangiiseqarfiusoq.
• Suliatigut ineriartornissamut periarfissalik kiisalu perorsaanikkut sulinermut sunniuteqarfiusinnaasoq.
Ujartorpavut;
• Perorsaasut, ineriartorusuttut kiisalu suliffimmut ilinniakkanik tunngaveqarfiusumut peqataasarusuttut
• Illit allanngorartunik suliaqarnissamik nuannarisaqartutit
• Ulluni nikerartuni sulisinnaasutit unnukkoorsinnaasutillu, kiisalu akunnerit naaneri allortarlugit sulisinnaasutit.
• Annertuumik innarluutilinnik sulissinissamut soqutiginnittoq
Ivaaraq Nunatsinni kisiartaalluni annertuumik innarluutilinnut angelarsimaffiuvoq, najugaqartuutivullu nunatsinnit tamarmit pisuupput, taamaammat najugaqartuutitta angajoqqaavinik qanimut suleqateqarneq pingaaruteqarpoq. Ulluinnarni anguniartagarput tassaavoq najugaqartuutivut imartuumik toqqissisimanartumillu inuuneqartissallugit.
Erseqqissumik paassistissanik, uunnga allagit: Ivaaraq@ivaaraq.gl imm. sianersinnavutit +299 64 21 13-mut, Forstanderi Inge Kolby Pedersen imml. Souschef Malene Høegh-Olsen- mut
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job