Qarasaasialerinermi aqutsisoq

Greenland Business School Qarasaasialerinermi aqutsisussamik pissarsiorpoq

Qarasaasialerineq digitalimillu sulineq soqutigisaraajuk? Ilusilersuinermik system-ilersuinermillu suliaqarneq pikkoriffigaajuk? Taamaappat illiuvoq ujangarput.

Greenland Business School ilinniarfiuvoq ilisimasaqarluartoq eqeersimaartorlu, suliffeqarfiit pisortallu qanimut peqatigalugit ilinniakkanik neqeroorutilik. Greenland Business School-ip ilinniakkat nutaat ineriartortitsinerlu qitiutippai, taamaasilluni anguniagaq ilinniartunik pissarsiorneq tigummiaqaannarnissarlu nukittorsarneqassammat, kiisalu inuiaqatigiinni sulisussat atorfissaqartitat pikkorissut pilersinniarlugit.

Suliassatit…

Qarasaasialerisutut qitiutillugu allaffissorneq, atuarfiullu qarasaasiaqarnerata aserfallatsaaliornissaa suliarissavatit, taamaasillutit atuarfiup attaveqaatai, ingerlatsiviilu qularnaatsumik ingerlanissai isumagissavatit. Qarasaasialerisugut tunioraasugullu allat peqatigalugit digital-ilusumik ineriartortitsissaasi. Suliassat pisariaqartippaat, nammineerlutit sulisinnaanissat, nammineerlutit aaqqisinnaanissat, piffissaliussallu eqquutissinnaassagitit.

akisussaaffeqarfiit ukuussapput:

• System-ip ingerlannissaa, atuarfiup qarasaasiatigut atortui system-iisalu nakkutiginissai aserfallatsaaliornissaalu.
• Ikkussuineq, atortunik konfigurernissai, opgradeerernissaalu.
• Atortunik kukkunersiuineq, aaqqiinerlu qarasaasiamut tunngasunik ajornartorsiutinik.
• Attaveqaatit system-imilu opdateerigassanik pilersaarusiorneq, taakkualu piviusunngortinnissai
• Atuarfiup ilinniartitsinermi qarasaasiatigut atortuinik ikiuineq aserfallatsaaliuinerlu.
• Atuarfiup isumannaallisaanikkut atortuinik alapersaarsuutaanillu suliaqarneq, uani atuisut kontoi, piginnaasaqarfissaasalu suliarinissai.
• Suliffeqarfiup qarasaasiatigut ikiornissaa, uani suliat qanoq aaqqissornissai immikkoortiternissaalu, kiisalu atuisussanut video-liat, ilitsersuutillu.
• System-ikkut aallannguutit aserfallatsaaliuinermullu takussutissat
• Avataaniik atuarfiup qarasaasiaatigut pilersuisunut attaveqarnissaq, system-it attaveqaatit
• Suliassat allat

Ulluinnarni atuartut, sulisut attaveqarfigissavatit, kiisalu avataaniik susassaqartut ingerlataqartullu, taamaattumik atorfimmut tunngatillugu pingaartipparput ilakkuminartuunissat, attaveqalernissamullu pilersitsisinnaassallutit. Naatsorsuutigaarput torersumik ataqatigiissunillu pilersaarusianik suliaqarsinnaanissat, aammalu nammineerlutit suliarisinnaasarnissai. Qarasaasialerisunut ilaalissatit, atuarfiullu pisortaanut attaveqassallutit.

Kissaatigaarput…

• Assigusumik qarasaasialerinermik ilinniagaqarsimassasutit, imaluunniit assigusumik suliaqarsimassasutit.
• Minnerpaamik ukiut tallimat qarasaasialerinermik suliaqarsimassasutit, assigisaanilluunniit.
• Office365 aammalu Microsoft Education-imik suliaqarsimassasutit aammalu cloud-inik aaqqissuisarsimassallutit.
• Qarasaasialerinermik ilisimasaqarnissat misilittaqarnissallu ilinniartoqarfinni, soorlu Lectio, Wiseflow assigisaalu.
• Anguniaqaqarusuttoq, torersumik sulisartoq, sulianillu naammassinnissinnaasoq
• Suleqateqarluarsinnaasoq suliffeqarfiit akimorlugit.
• Attaveqaqateqarluarsinnaasoq, kalaallisut qallunaatullu paasinartuliorsinnaasoq pingaartinneqarpoq.

Neqeroorutigaangut…

Suliffik pissanganartoq, ilinniarfimmi ineriartortumi, ilinniartunik sulisunillu pilersitsiniarnermi pingaarnertut inissisimasunik suleqateqarneq.Tassani ineriartortisinermi aammalu atuutitsinermi ilinniakkanut tungasunik peqataanissamut periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Akissarsiat atorfininnermulu atugassarititaasut

Sulinerup sivisussusaa nal.ak. 40-t sap.ak.-nut.

Sulilernissaq 1. september 2024 imaluunniit isumaqatigiinneq malillugu.

Paasissutissat allat

Qarasaasialerisutut imminut takorloorsinnaavit, atorfimmilu annerusumik paasisaqarusullutit, taava Atuarfiup pisortaa Christel Lund Bøjler attavigisinnaavat, oqarasuaat +299 34 25 80, mail clb@gbs.gl atorlugit.

Greenland Business School pillugu paasisaqarsinnaavutit ugguuna www.gbs.gl.

Qinnuteqaammut killigititaq

Qinnuteqaammut killigitinneqarpoq 31. Juli 2024. Qinnuteqaatillug ataavartumik suliarineqassapput.

Qinnuteqaat

Qinnuteqaat ilanngussanik CV, ilinniarsimanermut uppernarsaatit, pilerlussimannginnermut uppernarsaat, kiisalu ilanngussat qinnuteqaammut atuumassusullit ilangullugit nassiunneqassapput.

Tusarfiginissat qilanaaraarput! 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job