Qarasaasianik kukkunersiuisoq imal. Compliance siunnersorti

Qarasaasiaqarnermi kukkunersiuisoq (IT-revisor) imal. Compliance pillugu siunnersorti governancemut navianaataasinnaasunullu aqutsinermut ukkatalik

Paasissutissanut isumannaallisaanerup iluani pitsanngorsaaqataarusuppit suliffeqarfiullu iluani qarasaasiaqarnermi atortut suunersut ersarissaaqataaffigerusullugit?

Qarasaasiaqarnermi kukkunersiuisumik tunniusimasumik misissuisinnaasumillu cyberimi paasissutissanillu isumannaallisaanermik suliaqarnitsinni suleqataasinnaasumik suleqatissarsiorpugut. Isumannaallisaarnerup iluani suliaqarnitsinni qitiusumik inissisimassaatit, kiisalu suliffeqarfiup iluani systemit, systeminut piginittut navianaataasinnaasullu suunersut ilisimalissallugu.

Pingaarnertut suliassatit

Qarasaasiaqarnermi kukkunersiuisutit / Compliance pillugu siunnersortitut cyberimi paasissutissanilu isumannaallisaaneq pillugu akisussaassuseqartutut ilaatigut suliassarissavatit:

• Suliffeqarfiup iluani systemit, systeminut piginnittut navianaataasinnaasullu suussusersineranut peqataaneq.

• Systemit, suleriutsit nakkutilliinerillu pillugit qarasaasiaqarnermi kukkunersiuinissamut auditsinillu pilersaarusiorneq, ingerlatsineq nakkutiginninnerlu.

• Suliffeqarfiup paasissutissanik isumannaallisaanerup iluani aqutsinesut systemiannik inerisaaneq, aserfallatsaaliineq uppernarsaasiornerlu.

• Qarasaasiaqarnermi systemit paasissutissanullu toqqorsiviit pillugit navianaataasinnaasunut nalilersuinernik suliaqarneq nutarterinerillu.

• FODA aqqutigalugu suliffeqarfiup iluani systemit ilisimaneqalernissaat qulakkiissavat.

• Systeminut piginnittut kikkuunersut paasiniassavat, nalunaarsorlugu akisussaaffiillu ersarissarnissaat qulakkiissallugu.

• Isumannaallisaaneq pillugu politikkinik, suleriutsinik malittarisassanillu suliaqaqataassaatit.

• Isumannaallisaanerup iluani pisoqarsimatillugu, kukkunersiuinermi pitsanngorsaanissanillu suliaqarnermi suliassanik ingerlatsineq.

• Inatsisit, malitassat inatsisillu malillugit piumasaqaatit malinnissaannut suleqataaneq.

Naatsorsuutigaarput

• Cyberimi navianaatit, isumannaallisaanermi nakkutiginninnerit navianaataasinnaasulinni aqutsinerup iluani paasinnissinnaassasutit soqutiginnissasutillu.

• Ataqatigiissaakkamik uppernarsaasersukkamik suleriutsinillu nassuiaanertalimmik sulisinnaassasutit.

• Misissuisinnaassuseqarnissat, suarsunnik takunnissinnaanissat aammalu tamanik isiginnissinnaanissat.

• Ajornartorsiutit pisariusut aqutsisunut sulisunullu paasissutissiissutigisinnaassagitit.

• Qarasaasiaqarnerup iluani naleqquttumik ilinniarsimanissat imaluunniit ingerlariaqqiffiusumik qarasaasiaqarnerup iluani, paasissutissanik isumannaallisaanerup, kukkunersiuinerup, aningaasaqarnerup aqutsinerulluunniit iluani ingerlariaqqiffiusumik ilinniarsimanissat.

• Kalaallisut qallunaatullu allannikkut oqalunnikkullu attaveqarsinnaanissat, piumasaqataanngilarli.

Iluaqutaasinnaavoq

• Pisortani ingerlatsinerup iluani misilittagaqarneq

• Suliffeqarfinni anginerusuni paasissutissanik isumannaallisaaneq pillugu ilisimasaqarneq.

Qarasaasiaqarnerup iluani kukkunersiuineq pillugu misilittagaqarneq iluaqutaasinnaavoq, piumasaqataananili. Suliassat suliassaqarfiullu iluani sukumiisumik paasinninnissat qulakkiissavarput, piginnaasavit qarasaasiaqarnerullu iluani kukkunersiuinermi misilittakkavit ineriartortinneqarsinnaanissaannut periarfississavatsigit.

Neqeroorutigaarput

• Suliffeqarfiup iluani isumannaallisaanermik suliaqarnermi annertuumik sunniuteqarsinnaaneq.

• ISO 27001/FODA-p/attaveqaatillu navianarsinnaasut suussusersinissaannut misissuinermik atuutsitsinermi siunissamilu isumannaallisaanermi suleriusaasissaasuni suleqataaneq.

• Suliat iluanni ineriartornissamut suleqataanissamullu ukkataqarfiusumi sulineq.

• Piginnaasanik certificeringinilu periarfissagissaarfiusumi sulineq.

Atorfik pillugu

Atorfik cyberimi paasissutissanillu isumannaallisaanermut immikkoortortaqarfimmi inissisimavoq, tassanilu pingaarnertut suliassaqarfiusoq tassaavoq cyberimi paasissutissanillu isumannaallisaaneq, ISO 27001-imik atuutilersitsineq kiisalu suliffeqarfiup iluani systeminik, systeminik piginnittunik ersarissaaneq tassunga ilanngullugu navianaataasinnaasut awarenessinillu pilersitsineq.

Apeqqutit 

Atorfik pillugu paasisaqarusukkuit, Immikkoortortami pisortaq Ivalo Didriksen mailikkut ugguuna: ivdn@nanoq.gl attavigisinnaavat.

Qinnuteqarfissaq

Qinnuteqarnissamut periarfissaq kingulleq 27.11.2026

Atorfininnermut atugassarititaasut

Atorfininnissamut naatsorsuutaavoq sillimaniarneq pillugu akuerineqarnissat atorfeqarnerillu tamakkerlugu isumannaallisaaneq pillugu akuersissutip attanneqarnissaa.

Akissarsiat atorfeqarnermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfiup 1. januar 2027-mi imaluunniit isumaqatigiissuteqarnikkut inuttalerneqarnissaa kissaatigineqarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Digitalinngortitsinermik Aqutsisoqarfik pillugu 

Digitalinngortitsinermut Aqutsisoqarfimmi siunissami digitalimik atuineq isumannaatsoq 

anguniarneqarpoq, aqutsisoqarfimmiillu inuiaqatigiit digitalimik aaqqissuussanik isumannaatsumik assigiissakkanillu atuisinnaanissaat qulakkeerniarneqarluni. 

Digitalinngortitsinermik Aqutsisoqarfimmi Kalaallit Nunaanni aammalu Namminersorlutik 

Oqartussaqarfimmi IT-qarnermi atortunik digitalinngortitsinermik suliaqartarpugut. Aqutsisoqarfimmi suliassaqarfiit assigiinngillat, aqutsisoqarfiullu suliassaannut naatsorsuutit aamma assigiinngitsuullutik. 

Kalaallit Nunaanni digitalinngortitsinermik suliaqarnerput tulluusimaarutigeqaarput, suliarlu maniguulluta suliaralutigu. Suliassat suliarinissaannut ilisimasaqartariaqarlutalu piginnaaneqartariaqarpugut, tamannalu ulluinnatsinnik ulapaartitsillunilu allanngorartitsivoq. Ulluinnarni sulisut naammagisimaarinninnissaat anguniarlugu suliat pillugit inuttullu assigiinngissutsit ataqqillugit suleqatigiinneq qitiutillugu sulivugut – sulianillu pitsaasumik naammassinninnissaq ukkataralutigu. 

Aqutsisoqarfik nunalu tamakkerlugu digitalinngortitsinermut periusissiaq digitalimik.gl aqqutigalugu paasisaqarnerusinnaavutit.