Qarasaasiatigut ingerlatsinermi sammivilersuinermullu siunnersorti
Qarasaasiatigut ingerlatsinermi taakkunanngalu sammivilersuinermut ineriartortitsinermullu ingerlatsisussamik pissarsiorpugut. Taava Akileraartarnermut Aqutsisoqarfiup qarasaasiatigut atortorissaarutaanik ineriartortitsinermut suleqataanissannut periarfissippatsigit.
Atorfimmik soqutiginartumik tamatigoortumillu ingerlatanut ineriartortitsinermut immikkoortortaqarfitsinni, Akileraartarnermut Aqutsisoqarfiup qitiusumik allaffeqarfiani nuummiittumi neqeroorfigaatsigit. Immikkoortortaq anginngitsoq sammisanut immikkut ilisimasalinnik sulisulik, Akileraartarnermut Aqutsisoqarfimmullu qarasaasiatigut ineriartortitsisartunut avataaneersunut attaveqaataalluni.
Akileraartarnermut Aqutsisoqarfimmi suleqatigiinneq, inuit ineriartornerlu pingaartitaraagut. Suliani ajornartorsiutaasinnaasut arlalikkaat aaqqiiviginiassallugit iluariinnassavat suleqatillu assigiinngitsunik tunuliaqutallit suliallillu suleqatigisinnaallugit.
Akisussaaffiit
Akileraartarnermut Aqutsisoqarfiup qarasaasiatigut atortorissaarutaasa ulluinnarni ingerlanneqarnerannut akisussaasoq (tassunga ilanngullugit qarasaasiatigut ineriartortitsinermut suleqatinut attaveqartarneq)
Ineriartortitanut annikinnerusunut pilersaarusiorneq, akileraaruserinermut atortorissaarutinik ineriartortitsineq/atorunnaarsitsinernut tunngasut
Pisortat suliffeqarfii allat peqatigalugit suleqatigiissitanut peqataaneq, Akileraartarnermut Aqutsisoqarfiup qarasaasiatigut atortorissaarutaanut toqqaannartumik sunniuteqartussaatillugit.
Immikkoortortaqarfiit ineriartortitanut nutaanut pilersaarusiornernullu akisussaasut il.il. suleqatigalugit peqataaneq.
Akileraartarnermut Aqutsisoqarfiup, pisortat suliffeqarfii allat peqatigalugit qarasaasiatigut ineriartortitsinernut nutaanut allannguisoqassatilluguluunniit peqataasarnissaq.
Akileraartanermut Aqutsisoqarfimmi qarasaasiatigut ingerlatsinerup patajaatsuunissaa ineriartortinnissaallu anguniarlugit, suleqatit avataaneersut ataavartumik siunnersueqatigalugit suleqatiginerat.
Akileraartarnermut Aqutsisoqarfimmi qarasaasiat qanoq inissisimanerat pillugu akuttunngitsumik nalunaarsuisarneq.
Akileraartarnermut Aqutsisoqarfimmi sulisut suleqatillu avataaneersut akornanni, qarasaasiatigut paasissutissanik kingullernik nalunaarsuisoqartillugu assinginillu attaveqaqatigiittarnerup pitsaanerpaaffianiinnissaata qulakkeerneqarnissaa.
Tunuliaquttat
Misilittakkat ataani taaneqartut naleqquttuupput piumasaqaataanatilli:
IT-mut naleqquttumik ilinniagaqarneq
Pilersaarusiornermut aqutsinermut ukiunik arlalinnik misilittagaqarneq
Pilersaarusiornernut suliaqarnermut allaaserinerinullu ukiunik arlalinnik misilittagaqarneq
Suleqatinik avataaneersunik aqutsinermut misilittagaqarneq
It-mut tunngasunik nalunaarsuinermut misilittagaqarneq
Akileraaruserinerup iluani misilittagaqarneq akornutaanngilaq
Inuttut
Sammisanut ilisimaarinnilluni ineriartortitserusussusilik
Inussiarnersoq sulerusussusilik
Tulleriissaarillaqqissoq pitsaassutsimillu sianisoq
Angusaqarusuttoq naammassisaqarusussusilik
Suleqatigiissuseqarusussusilik
Suliarisat tamakkerlugit annikitsortai ilanngullugit isigisinnaassusilik
Iliuuseqarusussuseqarlunilu aaqqeerusussusilik
Ulloq sulilerfik
Sulilersussaq 1. Oktober 2024-mi imalt. isumaqatigiissut malillugu sulilersinneqassaaq.
Paasissutissat allat
Atorfik pillugu annertunerusumik paasisaqarusukkuit, Akileraartarnermut Aqutsisoqarfimmi pisortap tullersortaa, Siverth Larsen attavigisinnaavat ugguuna sdl@nanoq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.