Qatserisartoqarfik upalungaarsimanermi nakkutilliisumik pissarsiorpoq
Kommuneqarfik Sermersooq ineriartupiloorfiuvoq, upalungaarsimasunilu malinnaavugut.
Takorluugarput tassaavoq Kommuneqarfik Sermersooq "Najugarissallugu suliffigissallugu isumannaatsuussaaq". Upalungaarsimasuni immikkoortumut pilersaarutip 2023-mi kommunalbestyrelsimit akuersissutigereerneratigut takorluugarineqartup atuutilersinneqarnissaa ingerlatileruttorparput. Taamaattumik inatsisit malillugit suliassanik naammassinnittussaanerput pingaarnerpaatipparput, maanilu Nuummi qatserisartoqarfimmi upalungaarsimanermi nakkutilliisumik aalajangersimasumik atorfeqartussamik pissarsiorluta.
Suliffeqarfimmi sukangasuujunngitsumik aqutsineq, nammineq akisussaaffeqarneq ulluinnarnilu annertuumik sunniuteqarsinnaaneq neqeroorutigaavut. Suliffeqarfimmi sukangasuumik aqutseriaaseqarneq ileqqorinngilarput, namminerli aqutsineq tamatumalu nassatarisaanik akisussaasinnaaneq ileqqoralutigu.
Suliassatit makkuupput:
·Indsatslederitut sulineq - pisartut sivisunerusumik suliassani indsatslederitut sulisut tatitunerunissaat qulakkeerusupparput.
·Aqutsisunut siunnersuisinnaaneq - stabit tamaasa sinniisoqarfiginiassagatsigit.
·Ilinniartitsineq - suliffiup iluani avataanilu, maani Nuummi qatserisartunut annaassiniartartunullu atuarfittaassatsinni
Piginnaasassat piginngikkukkit piginnaasaqarfigilernissaat anguniagassatit tassaapput:
·ISL BRAND-itut ilinniarsimasoq
·ISL FLY-tut ilinniarsimasoq
·Ilinniartitsinermi piginnaasat, Inersimasunut perorsaanermut tunngasunik Ingerlariaqqiffiusumik Ilinniartitaaneq
·Aqutsisunut siunnersuisinnaasutut ilinniagalik
Naatsorsuutigaarput, atorfimmut qinnuteqartoq:
·Ineriartornissamut piareersimasuusoq aamma uagut ineriartornitsinnut peqataarusuttoq
·Sullitatsinnut annertuumik kiffartuusserusussuseqartuusoq
·IT-mik atuinissamut piginnaasaqarluartuusoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Isumannaallisaanermi akuerineqarsimaneq:
Atorfimmut atasumik HEM-imut atasumik isumannaallisaanermi akuerineqarsimaneq piumasaqaataavoq.
Akunnerit suliffiit:
Sapaatip-akunneranut akunnerit 40-t aalajangersimasumik suliffik. Tassunga ilanngullugu nalinginnaasumik suliffiup avataatigut qatserisartunut sulinermi aqutsineq, sulinermi aqutsisut arlallit peqatigalugit suleqatigissallugit. Ilaanni suliffiup piumasarippagu piffissat suliffiusut nikingasinnaasarput aamma sivisunerusumik sulisoqarsinnaasarpoq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Upalungaarsimanermi pisortaq Jes D. Andersen , oqarasuaat +299 54 09 66 imaluunniit e-mail: jdan@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 762-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 13.-at, 2024