Qeqertarsuarmi Issittumi misissuisarfimmi ingerlatsisutut atorfik
Qeqertarsuarmi Issittumi misissuisarfimmi ingerlatsisutut atorfik marsip aallaqqaataa 2025 aallarnerfigalugu inuttassarsiuunneqarpoq.
Kalaallit Nunaanni misissuisarfinni Issittumi misissuisarfik ukiut 100-t sinnerlugit ukioq naallugu inuttaqartinneqartarsimavoq. Misissuisarfik Københavns Universitetimit pigineqarlunilu ingerlanneqarpoq, taassumalu siunertaa tassaavoq issittumi ilisimatusarnerup siuarsarneqarnissaa, nakkutiginninneq ilinniartitsinerlu, ingammik pinngortitami ilisimatusarnermi ajornartorsiutaasartut pillugit. Ukiuni qulikkaani kingullerni issittumi uumasoqatigiiaat soqutigineqarneruleraluttuinnarput, tassami nunarsuarmi avatangiisini allanngoriartornerup kingunerisaannik naasut, uumasut nunallu pissutsini nutaani nammineerlutit allanullu qanimut qanoq pissuseqartarnersut ilisimaneqartariaqalernikuugami. Issittumi misissuisarfiup ilisimatuussutsikkut attaveqaatitut tunniussai annertupput, tassami nunarsuarmi piffinnit assigiinngitsuneersut ilisimatuut ilisimatusartutullu ukioq naallugu issittumi misissuisarfimmukarsinnaasarmata.
Misissuisarfik ukioq naallugu pingasunik sulisoqarpoq; ingerlatsisoq, umiarsuarmi aquttoq ulluinnarnilu ilisimatuussutsikkut ataqatigiissaarisoq, taakkualu ataatsimoorlutik misissuisarfiup umiarsuullu misissuutip, Porsildip, ulluinnarni ingerlanneqarnissaa suliarisarpaat. Suliassat ilaatigut tassaapput misissuiffimmik atuisut najugaqarnissaat kiffartuunneqarnissaallu. Taakkua saniatigut misissuisarfimmi sulisuupput umiarsuarmi sulisut akunnermusiallit asaasullu.
Ingerlatsisup pingaarnertut suliassai:
- Misissuutip illuutaanut, angallataanut (biilit qamuteralaallu), atortunut aalajangersimasunut teknikkimillu atortunut nakkutiginninnermut, ingerlatsinermut aserfallatsaaliineq pingaarnertut akisussaasuuneq.
- Qamuteralannik attartortitsinissamut aammalu atortunik assigiinngitsunik kiisalu sillimaniarnermut atortunik (aallaasit, GPS, Iridium ass.) attartornermut atornermullu akisussaasuuneq, tassunga ilanngullugit qanoq atorneqarsinnaanerinut takutitsineq. Tamanna ingerlanneqassaaq ulluinnarni ilisimatusarnermut ataqatigiissaarisoq peqatigalugu.
- Aputaajaanissamut, eqqaavilerinermut, asaanermut teknikkitigullu allanut (imeqarneq, kiassarneq, alarmeqarneq, wifi ass.) akisussaasuuneq.
- Ulluinnarni piffimmi naatsorsuinermut attuumassusilinnik suliaqarneq, soorlu umiarsuarmi sulisunut asaasunullu akissarsisitsineq.
- Ilisimatuunik, ilisimatusartunik allanillu misissuiffimmut tikeraanik kiffartuussineq, tassunga ilanngullugu inunnik pisattanillu assartuineq, atortunik nakkutiginninneq aaqqissuinerlu.
- Pisortaqarfiit eqqarsaatigalugit Københavns Universitetimit aallartitatut inissisimanissaq kiisalu sumiiffimmi piffinnut eqqissisimatitaasunut nakkutiginninneq.
- Ilisimatusarnikkut ataqatigiissaarisup, umiarsuarmi aquttup, ilisimatuut ilisimatusartullu suliassaminnik ingerlatsinissaannut tassunga ilanngullugu ataqatigiissaarinissaannut ikiuunneq.
Misissuiffik illuuteqarpoq 36+’inut siniffissartalik, igaffissualik, nerisarfilik, isersimaartarfilik aammalu laboratoriatalimmik misissuisarfilik, nillertumik peqqumaasivilik aammalu sannavilik biilinut inissiisarfilimmik. Taassuma saniatigut atorfilinnut inaateqarpugut, taannalu ulluinnarni ilisimatuussutsikkut ataqatigiissaarisup inigivaa. Ingerlatsisoq allaffeqarpoq ulluinnarnilu tikeraat inaataanni sulisarluni. Atorfeqarnermut atatillugu inissaqartitsisoqanngilaq.
Ulluinnarni atorfillit pingasuusut ulluinnarni allaffissornermi suliassanik suliaqartuupput, taakkualu misissuisarfimmi aqutsisumut qanimut suleqatiginnittuupput, aqutsisoq Rådet for Arktisk Stationimit toqqarneqarnikuuvoq, Københavnimilu atorfeqarluni.
Misissuisarfimmi aqutsisoq ukiumut 3-4-riarluni misissuisarfimmiittarpoq, taassuma avataatigut sulisunut ingerlaavartumik attaveqartarluni.
Misissuisarfik pillugu uani paasisaqarnerusinnaavutit: https://arktiskstation.ku.dk/
Illit pillutit
Atorfinittussatut isiginiarneqassaguit naatsorsuutigineqartariaqarpoq ilakkuminartuunissat, suleqatikkuminartuunissat, aalajaannissat, aningaasatigut torersumik periusernissat kiisalu assassortarissanik misilittagaqarnissat. Kalaallisut qallunaatullu oqalussinnaallutillu allassinnaasariaqarputit, kiisalu qarasaasiani tunngaviusumik atortunik misilittagaqassallutik, soorlu emailinik allassinnaanissat, allaffissanik atuisinnaanissat naatsorsuutinullu suliaqartarfiit. Biilernermut allagartaqassaatit (minnerpaamik B-mik nalunaaqutsigaq). Tuluttut ilisimasaqaruit iluaqutaassaaq, tassami ilisimatusartut nunanit allaneersut arlallit misissuisartortarmata.
Akissarsiat atorfeqarnermilu atugassarititaasut
Sulineq sapaatip akunneranut akunnerit 40-nut naatsorsuussaarpoq, ukiulli ingerlanerani allanngorarlutik, tassami upernaakkut aasakkullu misissuisarfik inoqarnerusarami. Misissuisarfimmi ingerlatsisoq suliffiusut nalinginnaasut avataatigut pissarsiarineqarsinnaasussaavoq, aamma sapaatip akunnerisa naanerini. Isumaqatigiissuteqarnikkut afspadserertoqarsinnaavoq. Sulinngiffeqarneq pillugu inatsimmi allassimasut malillugit sulinngiffeqartoqartarpoq, taakkualu misissuisarfimmi aqutsisoq peqatigalugu isumaqatigiissutigineqartarlutik. Aasaanerani annerpaamik sapaatip-akunneri pingasut sulinngiffeqartoqarsinnaavoq.
Atorfik Skatteministeriap aammalu Kalaallit Nunaanni naalagaaffiup ingerlatsisutut sulititai pillugit peqatigiiffiup Arbejdslederforeningen S.S.K.-ip akornanni isumaqatigiissutaasut malillugit akissarsiaqartitsisoqarpoq. Akissarsiat ukiut suliffiusimasut malillugit inissinneqartarpoq annertussusaalu 21.186,96 kr-ip 24.087,71 kr.-illu akornanniippoq. Sulisunut ilinniarsimasunut qaavatigut qaammammut 1.291 kr.-imik ilassuteqarpoq. Piginnaasat aallaavigalugit qaavatigut ilassuteqarsinnaanermut isumaqatiginninniartoqarsinnaavoq.
Atorfik ukiunut marlunnut inuttalerniarneqarpoq, isumaqatigiissuteqartullu illuatungeriillutik isumaqatigiikkunik, atorfik tiguinneqarsinnaalluni. Qaammatit pingasut misiliutitut atorfinitsitsisoqassaaq.
Atorfik 2025-mi marsip aallaqqaataa inuttalerniarneqarpoq, siusinnerusukkulluunniit, kingusinnerpaamilli apriilip aallaqqaataat 2025 atorfinitsitsisoqassaaq.
Paasissutissat sukumiinerusut
Atorfik pillugu paasissutissat sukumiinerusut maannakkumut misissuisarfimmi ingerlatsisumut Kjeld Akaaraq
Mølgaardimut (+299 541305; as-technic@science.ku.dk) aammalu misissuisarfimmi aqutsisumut Kirsten S. Christoffersenimut (+45 23420422; kchristoffersen@bio.ku.dk) apeqqutigineqarsinnaapput.
Qinnuteqaat
Atorfik soqutigigukku, taava elektroniskimik qinnuteqaammik qallunaatut allassimasumik, pisariaqartunillu ilassutitalimmik Jobportalen aqqutigalugu nassiussigit (allatami SØG STILLINGEN-imi linki allassimasoq tooruk), qinnuteqaat kingusinnerpaamik januaarip 3-at 2025 qallunaat nalunaaqutaat malillugu nal. 23.59 (23:59 GMT +1) nassiunneqassaaq.
Inuiaqatigiit avatangiiserineqartut taamaatsiinnarusuppagut, taamaattumik kikkulluunniit qanorluunniit tunuliaqutaqaraluarunik atorfik qinnuteqarfigisinnaavaat.
Oqaloqatiginninnerit qallunaatut ingerlanneqassapput, naatsorsuutigineqarporlu 2025-mi januaarimi qaammatip affaata kingullermi oqaloqatiginninnerit naammassineqassasut.