Qeqqani Allorfik Sisimiuniittoq katsorsaasumik pissarsiorpoq

Qeqqani Allorfik katsorsaasumik 1/11- 2026 immikkulluunniit isumaqatigiissuteqarnikkut sulilersussamik pissarsiorpoq. 

Atorfimmi Qeqqata Kommuniani Maniitsoq nunaqarfiilu immikkut ukkanneqassapput. Katsorsaasutut sulilersussaq, Maniitsumi nunaqarfiinilu pingaarnertut attavissatut/saaffissatut atuutissaaq kommunimilu pisortaqarfinnik, Siusissukkut Iliuuseqarneq qulequtsiullugu suliniummik kiisalu suleqatigisanik allanik naapertuuttunik suleqateqarnermik nukittorsaaqataassalluni.  

Qaffasissumik akunnattumik sivisussusilimmik, soorlu ilinniartitsisutut, perorsaasutut imal. inunnik isumaginninnermi siunnersortitut ilinniagaqarsimanissat naatsorsuutigaarput.

Allorfimmi katsorsaariaaseq oqaloqatigiinnermik kajumilersitsisumik, eqqarsaatit, misigissutsit pissusilersorneq timillu oqariartuutaasa imminnut sunneeqatigiittarnerannik tunngaveqarpoq.

Tamatuma saniatigut ikorfartuisutut/supervisor tarnikkut katsorsaasutut tamaaqataannilluunniit ilinniaqqisimaguit iluaqutaassaaq. Anigoruminaatsunik nalaataqarnerup qaratsamut, sianiuteqarfinnut pissusilersornermullu sunniutai tunngavigalugit katsorsaariaaseq misilittagaqarfigigukku imal. piginnaaneqarfigigukku iluaqutaassaartaaq. 

Internetsikkut naapinnikkullu, imigassamik, hashimik aningaasanoornermillu pinngitsuuisinnaajunnaarnermut katsorsartinneq Qeqqata Kommuniani innuttaasunut Allorfik Qeqqani neqeroorutaavoq, taamaammat nunaqarfinnut angalasoqarsinnaavoq, pitsaaliuinermut tunngasunik suliaqartoqarsinnaavoq, kommunilu suleqatigalugu pitsaaliuinermut atatillugu illoqarfimmi suliniutini suleqataasoqarsinnaalluni. katsorsaanermut-, suleqatigiinnermut- pitsaaliuinermullu tunngasunik suliaqarnermut atatillugu, pingaartumik Maniitsumut nunaqarfiinullu angalasarnissaq naatsorsuutigineqassaaq. 

Suliffik Sisimiuniippoq, maannalu katsorsaasut sisamaapput taakkunanngalu ataaseq eqimattanik aqutsisuulluni. 

Allorfiup najukkani immikkoortui, aaqqissuussaanikkut Nuummi pinngitsuuisinnaajunnaarnermi ilisimasaqarfiup- ilaatigut aanngajaarniutinik aningaasanoornermillu ajornartorsiuteqartunut nuna tamakkerlugu suliniuteqarfiusup, ataani inissisimapput. Pinngitsuuisinnaajunnaarnermi ilisimasaqarfik- ilinnik ikorfartuinissamik/supervision neqeroortortaaq- suleqatigalugu suliassannik aaqqissuussinermi annertuumik sunniuteqassaatit. 

ilaatigut makku piumasaqaataapput: 

• Oqaloqatigiinneq kajumilersitsisoq tunngavigalugu katsorsartinnissamut kajumilersitsisinnaaneq 

• Inuttaasunik, imigassamik, hashimik aningaasanoornermillu ajornartorsiutilinnik katsorsaaneq siunnersuinerlu 

• Qanigisaasunut katsorsartereernermi neqeroorut ilinniartitsinerlu 

• Qulaajaalluni oqaloqateqarneq nunalu tamakkerlugu atornerluineq pillugu ilisimasanik katersivimmut nalunaarutiginninneq 

• Katsorsartereernermi neqeroorummut ajornartorsiutinullu katsorsartinnissamut akornutaasunut tunngatillugu, kommunimik suleqateqarneq 

• Allorfimmi neqeroorut periutsigullu pillugit ilinniartitsineq 

• Allorfiup avataani sammisani peqataaneq 

• Maniitsumi suleqatinut attaviuneq 

• Kommunini pisortaqarfinnik, Siusissukkut Iliuuseqarneq qulequtsiullugu suliniummik kiisalu suleqatigisartakkanik naapertuuttunik allanik suleqateqarnermik nukittorsaaqataaneq 

• Maniitsumi nunaqarfiinilu katsorsaanermi pitsaaliuinermilu suliniutinik inerisaaqataallunilu ataqatigiissaareqataaneq 

Naatsorsuutigaarput: 

• Katsorsaaneq ilinniagaqassutsikkut soqutigisarissagit

• Inuttut inissaqartitsillutillu pitsaasuunissat

• Innuttaasunik qitiutitsisinnaanissat

• Namminersorlutit sulisinnaanissat akisussaaffimmillu tigusisinnaanissat

• Pinngitsuuisinnaajunnaarnermut tunngatillugu ilinniaqqittarnissaq kissaatigigit 

• Ilinniakkat akimorlugit suleqatigiinnermik allanillu ilinniagalinnik ilinniartitsinissamik soqutigisaqarnissat 

• Nutaanik- periutsitsinnillu ilinniarnissamik soqutigisaqarnissat 

• Ilinniakkat akimorlugit suleqatigiinnernik pilersitsinnaanissat attassisinnaanissallu 

Katsorsaaneq kalaallisuunerusoq ingerlanneqassaaq, ilinniartitaanerli danskisut ingerlanneqassalluni. Taamaammat marluinnik oqaaseqassaatit. 

Qinnuteqarfissaq kingulleq: 27/9-2026. 

Qinnuteqartunik oqaloqateqarnerit ataavartumik ingerlanneqassapput 

Atorfik pillugu attavigisinnaasat:

Allorfiup pisortaa Efa Olsen, oqarasuaat: +299 34 14 51, e-maili efol@peqqik.gl, / Allorfik Qeqqani eqimattanik aqutsisoq Tukummeq Egede Lynge, oqarasuaat: +299 34 14 80, maili: tuel@peqqik.gl. 

Allorfik pillugu paasissutisat nittartakkakkut: www.allorfik.gl pissarsiarineqarsinnaapput.

Meeqqanik pinerliisimannginnermut pinerlussimannginnermullu uppernarsaat 

Pinerlussimannginnermut meeqqanillu pinerliisimannginnermut uppernarsaammik nutaamik nammineq nassataqanngikkaanni, akuersiteqqaarlutit pissarsiniartoqarnissaa naatsorsuutigineqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajo