Qitiusumik naatsorsuuserisoqarfimmi akiligassalinnut naatsorsuuserisoqarfimmut allaffimmi fuldmægtig

Qitiusumik naatsorsuuserisoqarfimmi akiligassalinnut naatsorsuuserisoqarfimmut allaffimmi fuldmægtigimik pissarsiorpugut

Qitiusumik Naatsorsuuseriffik (DCR)

Namminersorlutik Oqartussat Nunatta Karsiata naatsorsuutaanut qullersaalluni DcR akisussaavoq. DcR-i 40-nik sulisoqarpoq pingasunillu immikkoortortaqarfeqarluni; Akiligassalinnut/akiligassaqarfinnut naatsorsuuserivik. Aningaasaqarnermut immikkullu naatsorsuuserinernut immikkoortortaqarfik siunnersorteqarfillu.

DcR-ip akisussaaffigai:

• Nunatta karsiata naatsorsuutaanik suliarinnittarnerit
• Namminersorlutik Oqartussat akissarsianut aningaasaqarnermullu aqutsissutaat
• Nunatta Karsiata Kommuninik suliffeqarfinnillu imminnut aquttunik aningaasaqarnikkut isumannaagassai
• Namminersorlutik Oqartussat qitiusumik karsianik, akiliisinnaassusianik aqutsineq pappiaqqanillu nalilinnik nakkutiginninnermik isumaginninnera
• Namminersorlutik Oqartussat naalakkersuisoqarfiinut suliffeqarfiinullu naatsorsuutinik nalunaarsuinermik naligiissaarinermillu suliassat
• Taarsigassarsisarnernut aqutsisoqarfik

Namminersorlutik Oqartussat Qitiusumik naatsorsuuserisoqarfiat, annertuumik ineriartorfiuvoq akiligassalinnut naatsorsuuserivimmi akiligassaqarfigisanullu naatsorsuuserivimmi ulluinnarni suliassanik suliarinnittarnermut allaffimmi fuldmægtigimik amigaateqarluni.

Suliassat

Akiligassaqarfigisanut,- akiligassalinnullu naatsorsuuserivimmi sulisut sinneri peqatigalugit makkununnga tunngasut ilaatigut iluini suliassanik ingerlatsisarnerit suliarissarinneqarput:

• Akiligassat akilerneri
• Akilingassaqarfingisanut akilingassanik nalunaarsuineq
• IRIS-imi allagartanik uppernarsaatinik suliaqarneq
• Pisiffigisartakkat naligiissarneqarneri
• Immikkoortortaqarfiit nukingisaarneqartarneri
• Allaffimmi suliassat allat

Naatsorsuuserinermut tunngasutigut attuumassutilimmik ilinniagaqarsimasutit

• Suliassanut tamakkununnga assingusunik suliaqarnermik sungiussisimalluartuusutit
• Qarasaasialerinermik piginnaasaqassasutit
• IT-kkut atortorissaarutinik ilisimasaqarluartuusutit atornissaannillu sungiussisimasuullutit, ajornanngippat aammattaaq aningaasanut periutsimik PRISME-mik
• Aalajaatsuusutit suliannillu peqqissaartumik sulisartutit aammalu qiimasuullutit
• Kalaallisut danskisullu oqaatsit atorluarsinnaagitit.

Neqeroorutigaavut

• Suliffeqarfik pissanganartunik avatangiisilik
• Ilinniarsimasatigut inuttullu siuarsarneq
• Suliassarpassuit pissanganartut, aaqqissuunnissaannut nammineq sunniuteqarfigisinnaasatit
• Suleqatit pikkorissut kajumissuseqartullu

Atorfinitsitaanermi atugassarititaasut

Akissarsiat atorfinitsitaanermullu atugassarititaasut Kalaallit Nunaanni Namminersorlutik Oqartussat aamma kattuffiup pineqartumut isumaqatigiinniussisinnaatitaasup akornanni isumaqatigiissut atuuttoq naapertorlugu pissapput.

Atorfimmut atatillugu inissaqartitsisoqarpoq. Qinnuteqartoq Namminersorlutik Oqartussani atorfeqarneq aqqutigalugu sulisutut ineqartinneqareeruni suliffimmi nutaami inigisani pigiinnassavaa.

Ulloq sulilerfissaq:

1. september 2024 imalunniit isumaqatigiissusiornikkut.

Annertunerusumik paasissutissat Apeqqutissaqaruit, tikilluaqquneqarputit attavigissallugu allaffimmi pisortaq Amalie Noahsen tlf. 34 67 80, mail-ikkut amno@nanoq.gl .

Qinnuteqaat DcR-imit kingusinnerpaamik ulloq 5. august 2024 tiguneqareersimassaaq.

Qinnuteqaammut inuunermit taasassat, siusinnerusukkut atorfigisimasanit oqaaseqaatinut soraarummeersimanermullu uppernarsaatit ilanngunneqassapput. Ataani link atorlugu qinnuteqaat nassiunneqassaaq. E-mailinik tigusaqarneq ajorpugut.

Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu..

ASAp tunngavia tassaavoq “ASA pisortani oqartussaaffiuvoq uppernassusilik takussaasorlu. ASA immikkoortortaqarfiit, suliffeqarfiit innuttaasullu suleqatigiinnerat ineriartortinniarlugu sulissuteqarpoq.” Tamanna isumaqarpoq ASA suliassanut qitiusunut ersarissunik anguniagaqartoq, ASA piginnaasanik ineriartortitsinissaq pingaartitsisoq kiisalu ASA pisortat suliassaqarfiinik pisariillisaasoq.

ASA-p pingaartitai pingasut tassaapput:

• Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
• Suleqatigiinneq - Suleqatigut sullitavullu pitsaasumik suleqatigaagut
• Isumassuineq - Ikiuukkumatuujuvugut akunnitsinnilu paareqatigiilluta

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job