Royal Arctic Line A/S Aasiaat værksted-ianut mekanikerissarsiorpoq
Assassullaqqissuuit, suleriaatsillu nutaat iserfigipallassinnaallugit?
Taava Aasianni værksteditsinni illit atorfissaqartippatsigit.
Aasiaani Royal Arctic Linep terminalværkstedia piaartumik sulilersinnaasumik pikkorissumik tamatigoortumillu mekanikerissassiorpoq. Værkføreri aqutsisorissavat. Suliassat ilaatigut imaannaanngitsuusarput unammiornartuusut, atuisutta suleqatittalu uatsinnik naammagisimaarinnittuunissaannut pingaarutillit.
Suliassat tassaanerussapput:
Akisussaaffigissavatit atortut assakaasullit iluarsaallugillu aserfallaatsaaliortarnissaat – taakku ataanni aamma suliffeqarfiup biilii, reach stackerit trucksillu aamma ilaapput. Suliassat pingaarnerit makkuussapput:
· Akuttoqatigiittumik misissuisarnerit pisariaqartunillu iluarsaassisarnerit.
· Suleqatit peqatigalugit værkstedip sakkuutaanik assigisaanillu eqqortumik atuinissaq paaqqinninnissarlu.
· Iluarsaassinerit, aserfallatsaaliuinerit malittarisassallu atuuttut naapertorlugit misissuinerit isumaginissaat.
· Mekanikerit allat peqatigalugit pigaartuusarnermut aaqqissuussineq peqataaffigalugu.
Qinnuteqartumut naatsorsuutigisat:
Piginnaasat
· Assassullaqqissuussaatit, Entreprenørmaskinmekanikeritut imaluunniit automekanikeritut ilinniarsimassallutit, suliassallu tungaatigut misilittagaqassallutit.
· Namminersorlutit sulisinnaassaatit, aaliangiisinnaassuseqarlutit torersuullutillu.
· Suliffissanut atatillugu nikerartuusinnaanerinut eqaatsuussaatit.
· Atuisartutut (Microsoft Office Pakke) qarasaasiamik atuisinnaassaatit.
· Iluassaaq marluinnik oqaaseqartuuguit (kalaallisut qallunaatullu) aammalu tuluttut piginnaasaqarlutit.
Inuttut piginnaasat
Tamakkiisumik ilinnut allanullu aaqqissuussisinnaallutillu takunnissinnaassaatit. Ikiuiumatuujussaatit sullarisuullutit aammalu suliassatit soqutigisarissallugit piffissani ulapaarfiusuni ulapaarfiunnginnerusunilu. Kiisalu angalatsiartarsinnaanissaq naatsorsuutigissavat.
Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.
Atorfinnut atatillugu inissanik innersuussisoqarsinnaangilaq.
Paasissutissat sukumiinerusut
Paasissutissat sukumiinerusut pissarsiarineqarsinnaapput Værkfører Tina Lange Olsen, tilo@ral.gl imaluunniit oqarasuaat +299 89 49 39-imut.
E-mailikkut qinnuteqaatinik tigusineq ajorpugut, nittartakkatsinnit qinnuteqassaatit, tassuuna aamma Royal Arctic Line pillugu paasissutissat atuarsinnaassavatit.
Atorfininneq: Piaarnerpaamik, qinnuteqartorli uagutsinnut tulluarneq utaqqisinnaavarput.
Qinnuteqarfissaq kingulleq: Julip 10-at 2024
Qinnuteqaatit: ingerlaavartumik suliarineqassapput
Oqaloqatiginninnerit: Ingerlaavartumik ingerlanneqassapput