Royal Arctic Line A/S imarsiortunut sulisoqarnermi siunnersortaanermik pikkorissumik sulisussarsiorpoq

Imarsiornermik tunuliaqutaqarluarpit imaluunniit sulisoqarnermut tunngasunik suliaqarneq misilittagaqarfigilluarpiuk? Imarsiornerup iluani imaluunniit sulisoqarnermut suliaqarfiup iluani naleqquttumik ilinniagaqarpit? Suliassat pisariusinnaasut, ilusilersukkamik tamakkiisumillu isiginninnissamik pisariaqartitsiffiusut, suliarissallugit nuannarivigit? Taamaappat illit Royal Arctic Linemi suleqatigiinni sulisorilerusuppatsigit, tassani umiarsuaatitsinnik inuttalersuisarnerup sulisunullu sullissinerup pitsaalluinnartuunissaa qulakkeertarparput!

Uagut pilluta 

Immikkoortortaqarfitsinni ulapinnerput suliassallu amerliartornerat pissutigalugu suleqatissatsinnik nutaamik suliamut tunniusimalluartumik pissarsiorpugut. Royal Arctic Linep Nuummi qullersaqarfiani suleqatitaarigutsigit Sulisoqarnermut immikkoortortaqarfimmi suleqatigiit suliaminnut tunniusimalluartut suleqataaffigilissavatit. Immikkoortortaqarfipput suliatigut qaffasissumik piginnaasaqarfiuvoq, tamatumunngalu peqatigitillugu qiimmassaqatigiinneq suleqatigiilluarnissarlu pingaartitarivagut. Inuttut sulisutullu naammagisimaarinninnissaq aamma pingaartitaraarput. Ikioqatigiittarpugut suleqatigiinnerullu iluatsitsilluarnissamut suliatigullu ineriartornissamut toqqammavissaanera upperaarput.

Atorfik pillugu

Imarsiortunut sulisoqarnermi siunnersortaanertut umiarsuaatitsinnik inuttalersuisarnerup ataqatigiissarneqarnissaa akisussaaffigissavat sulisorisallu tamarmik piumasaqaatinik allagartanillu atuuttunik naammassinninnissaat qulakkeerlugu. Imarsiorlutik sulisut aaqqissuussaanerullu akornanni atassuteqaataassaatit pitsaasumillu ingerlatsinissap qulakkeernissaanut qitiusumik inissisimassallutit.

Suliassatit piginnaasannut soqutigisaqarfigisannullu naleqqussarneqassapput. Suliarisartakkagut ilaatigut makkuupput:

· Oqartussat piumasaqaataat suliffeqarfiullu malitassiai naapertorlugit umiarsuit inuttalerneqarsimanissaannik qulakkeerinninneq.

· Inuttat pikkorissarnernik allagartanillu pisariaqartunik peqarnissaannik qulakkeerinninneq.

· Atorfinitsitsinermut isumaqatigiissutinik suliaqarneq inissiinissamullu pilersaarutinik akuersissuteqartarneq.

· Umiarsuarni inuttanut qanigisaannullu attaveqarnerup nakkutiginissaa.

· Inuttanik taarsersuinermut, ilinniartitaanermut pikkorissarnernullu atatillugu angalanermut tunngasunik pilersaarusiorneq malitseqartitsinerlu.

· Sulitilluni ajoqusernerit eqqortumik nalunaarutigineqarnissaannik allaffissornikkut aqutsineq.

· Inuttalersuisarnerup aqutsinerullu iluanni ingerlaatsinik ineriartortitsineq pitsanngorsaanerlu.

Tamatuma saniatigut inuttalersuisarnermut suliaqarfimmi pilersaarusiornikkut ineriartortitsineq suleqataaffigissavat, tassunga ilanngullugit politikkinik suleriaatsinullu nassuiaatinik suliaqarneq.

Ilinnut neqeroorutigisinnaasagut

· Imarsiornerup imaluunniit sulisoqarnermut suliaqarfiup iluani naleqquttumik ilinniagaqarneq

· Inuttalersuinermik pilersaarusiorneq aamma imarsiornerup iluani ataqatigiissaarineq misilittagaqarfigigaanni iluaqutaassaaq

· Ingerlatseriaatsinik nutaanik pilersitsisinnaaneq eqqarsaatigalugu ineriartortitsisinnaasumik eqqarsartaaseqarneq

· Sulininni qarasaasiakkut sakkussanik assigiinngitsunik atorluaasinnaaneq, Excel ilanngullugu.

· Suliassanik nutaanik pisariusunillu suliaqarsinnaaneq

· Namminersorluni sulisinnaaneq siumullu pilersaarusiorsinnaassuseqarneq

· Pingaarnersiuisinnaaneq

· Ataatsimoorussamik anguniagaqarnerup suleqataaffigilluarsinnaanera

· Marluinnik oqaaseqarneq aamma tuluttut allallaqqinneq oqallorinnerlu

Ilinnut neqeroorutigisinnaasagut

Suliffeqarfik sulisoqarnermullu immikkoortortaqarfimmi suleqatigiit atugarissaarnissamik ataatsimooqatigiinnissamillu pingaartitsisut, sulinermi ilikkagaqarnissamullu avatangiisinik pitsaasunik pilersitsinissaq siunertaralugu. Aaqqissuussaaneq sulisut ataasiakkaat iluatsitsilluarnissaannik tunngaveqarluni ingerlatsiffiusoq piginnaasannillu ineriartortitsinissannut tapersersuiffiusoq. Tamatuma saniatigut aamma neqeroorutigaagut

· Piffissat suliffiusut eqaatsut aamma suliffiup suliffiullu avataani inuunerup oqimaaqatigiissilluarneqarnissaannik ukkataqarneq

· Akissarsiat ajunngitsorsiassallu unammillersinnaasut, misilittakkannut piginnaasannullu naapertuuttut

· Suleqatigiit nukittuut sulinermilu avatangiisit pitsaasut

Paasissutissat sukumiinerusut

Atorfik pillugu paasisaqarnerorusukkuit Inuttalersuinermut immikkoortortaqarfimmi pisortaq Hans Peter Poulsen 34 91 80-imut imaluunniit mailikkut hap@ral.gl-imut attaveqarfigineqarsinnaavoq.

E-mailikkut qinnuteqaatinik tigusineq ajorpugut.

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput

Qinnuteqarfissaq kingulleq: Decembarip 17-iani 2024

Oqaloqatiginninnerit: Oqaloqatiginninnerit ingerlaavartumik ingerlanneqassapput.

Atorfik una qinnuteqarfigiuk