Royal Arctic Line A/S Sulisoqarnermut immikkoortortaqarfimmut siunnersortimik pikkorissumik sulisussarsiorpoq
Sulisoqarnermut tunngasunik suliaqarneq soqutigiviuk aamma/imaluunniit misilittagaqarfigiviuk? Suliassat nutaat ilaatigooriarlutik pisariusinnaasut pullavigilertornissaat pikkoriffigiviuk? Taamaappat illerpiaq Royal Arctic Linep Sulisoqarnermut immikkoortortaqarfiani sulisorilerusuppatsigit, Nunatsinni suliffeqarfiit pitsaanersaannik pilersitsinissaq tassani sulissutigaarput!
Uagut pilluta
Suleqatitta suliffeqarfitta iluani allamik atorfeqalernera pissutigalugu suleqatissatsinnik nutaamik suliamut tunniusimalluartumik pissarsiorpugut. Royal Arctic Linep Nuummi qullersaqarfiani suleqatitaarigutsigit Sulisoqarnermut immikkoortortaqarfimmi suleqatigiit suliaminnut tunniusimalluartut suleqataaffigilissavatit. Immikkoortortaqarfipput suliatigut qaffasissumik piginnaasaqarfiuvoq, tamatumunngalu peqatigitillugu qiimmassaqatigiinneq suleqatigiilluarnissarlu pingaartitarivagut. Inuttut sulisutullu naammagisimaarinninnissaq aamma pingaartitaraarput. Ikioqatigiittarpugut suleqatigiinnerullu iluatsitsilluarnissamut suliatigullu ineriartornissamut toqqammavissaanera upperaarput.
Atorfik pillugu
Nunatsinni suliffeqarfiit pitsaanersaata pilersinnissaanut naammassisaqarsinnaaneq paasissutissallu tunngavigalugit sulisoqarnikkut ingerlatsineq siunnerfilimmik sulissutigisarpagut. Sulisoqarnermullu immikkoortortaqarfimmi siunnersortitut sulininni aaqqissuussaaneq akimorlugu sulisoqarnermut tunngasunik suliassat siammasissut pillugit aqutsisut, sulisut soqutigisaqartullu allat suleqatigisassavatit. Immikkoortortaqarfimmi suliassat tassaasinnaapput sulisoqarnikkut ulluinnarni aqutsineq aamma sulisoqarnermut tunngasunik pilersaarusiornikkut ingerlatsinermi ikiuineq.
Suliassatit piginnaasannut soqutigisaqarfigisannullu naleqqussarneqassapput. Suliarisartakkagut ilaatigut makkuupput:
· Sulisunik ineriartortitsineq sulinermillu nuannarisaqarneq, tamatumunnga ilanngullugit naammassisaqarsinnaanermut politikki, piginnaasalinnut tunngatillugu aqutsineq, aqutsisunik ineriartortitsineq kiisalu sulisut naammagisimaarinninnerannik misissuinerit.
· Sulisoqarnermut systemitsinni MindKeyimi paasissutissanik atortussanillu ineriartortitsineq atuinerlu.
· Atugarissaarnermut siuarsaataasussanik suliniutit.
· On-boarding aamma Employer branding.
· Paasissutissat pitsaassusaannik pitsaasumillu suleqatigiinnissaq qulakkeerniarlugit sulisoqarnerup akissarsialerinerullu iluanni suleriaatsinik pitsanngorsaaneq.
Piujuartitsinissaq tunngavigalugu ingerlatsinermik ineriartortitsinermi suliniutivut suleqataaffigissavatit, tamatumunnga ilanngullugu periusissiatigut anguniakkatta ilaat ”inummut tamarmiusumut akisussaaffeqarneq”. Suliniutini piujuartitsinissamut tapersersuisuni inooqataanikkullu akisussaassuseqarnissamut siuarsaataasuni suleqataanissannut periarfissaqassaatit.
IT piginnaasaqarfigigukku sulisoqarnikkut teknikkikkut suleriaasitsinnik aamma nukittorsaaqataasinnaavutit.
Ilinnut naatsorsuutigisagut
· Ilinniagartuutut ilinniagaqarneq Sulisoqarnerullu iluani misilittagaqarneq aamma/imaluunniit ineriartortitsinermik sulianik misilittagaqarneq
· Ingerlatseriaatsinik nutaanik pilersitsisinnaaneq eqqarsaatigalugu ineriartortitsisinnaasumik eqqarsartaaseqarneq
· Sulininni qarasaasiakkut sakkussanik assigiinngitsunik atorluaasinnaaneq, Excel ilanngullugu.
· Suliassanik nutaanik pisariusunillu suliaqarsinnaaneq
· Namminersorluni sulisinnaaneq siumullu pilersaarusiorsinnaassuseqarneq
· Pingaarnersiuisinnaaneq
· Ataatsimoorussamik anguniagaqarnerup suleqataaffigilluarsinnaanera
· Kalaallisut oqaaseqartuuguit iluaqutaassaaq
Ilinnut neqeroorutigisinnaasagut
Suliffeqarfik Sulisoqarnermullu immikkoortortaqarfimmi suleqatigiit atugarissaarnissamik ataatsimooqatigiinnissamillu pingaartitsisut, sulinermi ilikkagaqarnissamullu avatangiisinik pitsaasunik pilersitsinissaq siunertaralugu. Aaqqissuussaaneq sulisut ataasiakkaat iluatsitsilluarnissaannik tunngaveqarluni ingerlatsiffiusoq piginnaasannillu ineriartortitsinissannut tapersersuiffiusoq. Tamatuma saniatigut aamma neqeroorutigaagut
· Piffissat suliffiusut eqaatsut aamma suliffiup suliffiullu avataani inuunerup oqimaaqatigiissilluarneqarnissaannik ukkataqarneq
· Akissarsiat ajunngitsorsiassallu unammillersinnaasut, misilittakkannut piginnaasannullu naapertuuttut
· Suleqatigiit nukittuut sulinermilu avatangiisit pitsaasut
Paasissutissat sukumiinerusut
Atorfik pillugu paasisaqarnerorusukkuit Sulisoqarnermi aqutsisoq Verena Huppert Karlsson 54 27 01-imut imaluunniit mailikkut vere@ral.gl-imut attaveqarfigineqarsinnaavoq.
E-mailikkut qinnuteqaatinik tigusineq ajorpugut.
Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput
Qinnuteqarfissaq kingulleq: Juunip 12-iani 2024
Oqaloqatiginninnerit: Oqaloqatiginninnerit ingerlaavartumik ingerlanneqassapput.