Royal Arctic Line A/S Teknikkeqarnermut pisortassarsiorpoq
Teknikkeqarnermut Pisortassamik aqutsillaqqissumik suliffeqarfimmi nutaaliaasumi ulluinnarnilu assigiinngiiaartunik suliaqarfiusumi suleqataarusuttumik pissarsiorpugut
Teknikkeqarnermut Pisortanngortoq aserfallatsaaliuinerup pitsaasuunissaanik atortunullu assakaasulinnut tamanut tunngatillugu ingerlatsinermik qulakkeerinnissaaq, kiisalu aamma Royal Arctic Line A/S-ip pisiortortarneranik illuutaatalu aserfallatsaaliorneqarnerannik qulakkeerinnissalluni.
Suliassat tassaanerussapput:
- Nunami ingerlatanut tamanut aserfallatsaaliuinissamik pilersaarutinik piviusunngortitsineq kiisalu Nuummi umiarsualivimmi kivittaassuit immikkut ukkatarinissaat
- Aserfallatsaaliuinerup pitsaasuunissaata kiisalu atortunik assakaasulinnik tamanik ingerlatsinermik qulakkeerinninnissamut periusissianik iliuusissallu pillugit pilersaarutinik suliarinnittarnernillu suliaqarneq
- Sullivinnut, Pisiortornermut Qitiusumillu quersuaqarnermut, PTI-mut suliaqarfimmut illuutinullu immikkoortortaqarfimmut qullersatut aqutsisuuneq
- Suleqatigisartakkat avataaneersut attaveqarfiginissaat
- Illuutinik aserfallatsaaliuinermut ulluinnarni aqutsisuuneq
- Pisiortornermut suliaqarfimmut ulluinnarni aqutsisuuneq
- Akisussaaffeqarfigisamut missingersuutinut akisussaasuuneq.
Qinnuteqartumut naatsorsuutigisagut:
- Teknisk ingeniøritut, maskinmesteritut suliatigulluunniit allatigut naleqquttumik ilinniakkamik tunuliaqutaqarneq
- Aqutsinermut piginnaasaqarluarneq – tamatumunnga ilanngullugu sulisunut kajumilersitsisinnaaneq, isumassarsiortitsisinnaaneq ineriartortitsisinnaanerlu
- Attaveqarnissamut piginnaasaqarluarneq, tamatumunnga ilanngullugit isumaqatiginninniallaqqissuuneq isumaqatigiinniarnermilu periutsit misilittagaqarfiginissaat
- Kalaallisut, danskisut tuluttullu allattariarsornikkut oqaluttariarsornikkullu piginnaasaqarluarneq
- Angalasarnissap ammaffiginissaa
Neqeroorutigaavut
Suliffeqarfik atugarissaarnissamik ataatsimooqatigiinnermillu pingaartitsisoq, sulinermut ilinniarnissamullu avatangiisit pitsaasut pilersikkumallugit. Aaqqissuussaaneq uagut piinnarata illilli iluatsitsilluarnissannik tunngaveqarluni ingerlatsisoq piginnaasannillu ineriartortitseqataarusuttoq.
Tamatuma saniatigut neqeroorutigaagut
- Akissarsiat ajunngitsorsiassallu unammillersinnaasut misilittakkannut piginnaasannullu naapertuuttut
- Suleqatigiit nukittuut sulinermilu avatangiisit pitsaasut
Pinerlussimannginnermut allagartaq
Qinnuteqartut tamarmik pinerlussimannginnermut allagartamik naammaginartumik takutitsissapput.
Paasissutissat sukumiinerusutPaasissutissat sukumiinerusut Umiarsualerinermut Pisortaq Anders Bay Larsen +299 34 91 25-mut imaluunniit e-mailikkut abl@ral.gl-imut saaffigalugu pissarsiarineqarsinnaapput.
E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.
Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.
Qinnuteqaatit: ingerlaavartumik suliarineqassapputOqaloqatiginninnerit: Nuummi ingerlaavartumik ingerlanneqassapput imaluunniit pisariaqassappat Teams aqqutigalugu
Qinnuteqarnissamut killissarititaasoq: januaarip 8.-at, 2025