Royal Arctic Line Nuummi terminalitsinni Shift Managerissarsiorpoq
Nuummi terminalitsinni ulapippugut taamaattumillu pikkorissunik tunniusimasunillu sulisussarsiorluta.
Shift Managerip Ingerlatsinermi pisortaq aqutsisoralugu umiarsualerineq pilersaarutaasoq isumagissavaa tamakkiisumillu naammassisaqarnissaq, isumannaallisarnissaq sulinermilu atukkat pitsaasuunissaannut tunngatillugu terminalimi ingerlatsineq siuttuuffigissallugu.
Suliassat tassaanerussapput:
- Shift Manageri assartugalerisutsinnut aqutsinikkut akisussaasuuvoq. Taamaammat taassuma suliassaata pingaarnersaraa suleqatigiinnik ingerlalluartunik aqutsineq kajumisitsinissarlu.
- Umiarsuaatileqatigiiffiup naleqartitai tarrarsorfigisinnaassavatit: Suleqatigiinneq, Ukkataqarneq, Kinguneqartitsineq, taakkulu tunngavigalugit sulisut ulluinnarni sulineranni aqutsilluarlutillu peqataatitsillutit.
- Umiarsuaatileqatigiiffimmi suliaqarfiit allat qanittumik suleqatiginissaat qulakkeerlugu, taakkununnga ilaallutik umiarsuit, sullitanik kiffartuussivik inniminniisarfillu, sullivik, kilisaatinik sullissivik kiisalu quersuaq.
Ilinnut naatsorsuutigisavut:
- Namminersorluni sulisinnaasoq suleqatiginnikkusuttorlu
- Ilisimasanik katersillaqqissoq systeminullu suliassanullu tamalaanut paasisimasalik
- Assartugalerinermut pilersaarusiornermullu ilisimasaqarluartoq
- IT-mut systeminut ilisimasaqarluartoq
- Misissueqqissaarillaqqissoq, ataqatigiittussanik takunnissinnaasoq, kisitsisinik paasisimasaqarluartoq, nalunaaruteqartarnermut ajornartorsiutinullu aaqqiissutissarsinissamut piginnaasaqarneq
- Kalaallisut danskisullu oqalussinnaasoq, allattariarsornikkut oqaluttariarsornikkullu, tuluttullu nalinginnaasumik oqalussinnaasoq
- Piffissamut suliffiusumut tunngatillugu nikerarsinnaasoq
- Ikinnerpaamik ukiuni tallimani inuussutissarsiornikkut misilittagaqarneq ikinnerpaamillu ukiuni marlunni aqutsisutut misilittagaqarneq
- Qinnuteqartut terminalimi sulinermik imaluunniit assartugalernermik annertunerusumik misilittagallit salliunneqassapput.
Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.
Paasissutissat amerlanerusut:
Atorfik pillugu apeqqutissaqaruit Ingerlatsinermi aqutsisoq Hans Hansen oqarasuaatikkut +299 34 91 26-mut attavigisinnaavat.
Qinnuteqaatit e-mailikkut tiguneq ajorpagut, nittartagarput aqqutigalugu qinnuteqassaatit.
Atorfininneq: Sapinngisamik piaarnerpaamik Qinnuteqarfissaq kingulleq: Augustip 31-iani 2024 Qinnuteqaatit: Ingerlaavartumik suliarineqassapput Oqaloqatiginninnerit: Oqaloqatiginninnerit Nuummi ingerlaavartumik ingerlanneqassapput