Royal Greenland A/S-imi nutserisoq/oqalutsi
Nunatsinni inuussutissarsiornermut suliffeqarfiit annersaanni Royal Greenland A/S-imi unammilligassanut suliassanullu pissanganartunut piareeqqavit? Ingerlatseqatigiiffiup attaveqatigiinnermut immikkoortortaani, nutserinernik, paasissutissiinernik attaveqatigiinnernillu assigiinngitsunik suliaqarfiusumi, suleqatigiinnut katillugit tallimaasunut, ilanngutissaatit. Atorfik qullersaqarfimmi Nuummiittumi inissisimasoq piaartumik isumaqstigiinnikkulluunniit inuttassarsiuunneqarpoq.
Pingaarnertut suliassatit ilaatigut makkuussapput:
- Nutserinermi suliassat, annermik danskisuumiit kalaallisuumut killormuanullu
- Immikkoortortami suliassat allat assigiinngitsut
- Suliassat takkussuuttut
Piginnaasat piumasaqaatillu:
- Namminersorlutit sulisinnaavutit
- Suliat sukumiisumik malunnaarsaartumillu suliarisarpatit
- Allanngorartumik sulisinnaavutit
- Ataatsikkut assigiinngitsunik suliaqarsinnaavutit
- Siornatigut atorfigisimasanniit assingusumiit misilittagaqarluarputit
- Kalaallisut danskisullu oqalunnikkut allannikkullu qaffasissumik piginnaasaqarputit aammalu tuluttut attaveqarsinnaallutit
- MS Office ilisimasaqarfigaat
- Adobe CC, TMS oqaasilerissutilluunniit AI atorlugu suliarineqarsinnaasut ilisimasaqarfigigukkit iluaqutaassaaq piumasaqaataanngilarli.
Neqeroorutigaagut:
- Suliffeqarfissuarmi angisuumi pissanganartumilu atorfik pissanganartoq
- Atorfik suliannut atatillugu sunniuteqaqataaffigisinnaasat
- Nammineq immikkut isumaqatigiissusiornikkut piginnaasallu naapertorlugit aningaasarsiat
- Suleqatigiilluni ataqatigiilluarneq
- Nerisarfeqarnermut aaqqissuussat pitsaasut
- Sulisut peqatigiiffiat ingerlalluartoq
- Pisariaqarpat sulisut inaannik attartortitsisoqarsinnaavoq.
Suliffeqarfissuarmi attaveqatigiinnermut ingerlatsisoq qullersarissavat.
Atorfik pillugu paasisaqarnerorusukkuit Suliffeqarfissuarmi attaveqatigiinnermut ingerlatsisoq Merete Lindstrøm oqarasuaammut +299 28 18 20-imut sianerlutit mailimulluunniit meli@royalgreenland.com -imut allallutit, imaluunniit Sulisoqarnermi ingerlatsisup tullersortaa Søren Olsen Damgaard oqarasuaammut +299 54 75 87-imut sianerlutit mailimulluunniit sold@royalgreenland.com -imut allallutit saaffigissallugit tikilluaqqusaavutit.
Qinnuteqarfissaq kingulleq 25. juuni 2024. Atorfiniffissaq 1. juuli piaartumilluunniit.
Soqutiginnikkuit qunnuteqaatit ilinniarsimaninnut siornatigullu suliffigisimasannut paasissutissanik imalik, ajornanngippallu oqaaseqaatinik ilalik, uagutsinnut piaartumik nassiussinnaavat.
Tusarfiginissat qilanaaraarput.