SAQQUMMIUTEQQITAQ: Allanngueqataarusuppit? Tusaannga marlunnik piffissaq tamaat sulisinnaasunik siunnersuisartussarsiorpoq

Tusaanngami piffissaq tamaat sulisinnaasunik, oqarasuaatikkut degitaliusumillu siunnersuinermut neqeroorutitsinnut siunnersuisartunik marlunnik pissarsiorpoq.

Inoqammut tusarnaallaqqissuuit - nuna tamakkerlugu inuiaqatigiit atugaannut allanngueqataarusussuseqarpit? Peqqissaanermik, perorsaanermik inulerinermilluunniit ilinniakkatigut tunuliaqutaqarpit? Inuit inuunermi artorsaateqarlutik inissisimasut allanngueqataaffigerusuppigit? Taava immaqa illiuvutit Tusaanngami siunnersuinermi suleqatissatut ujagarput.

Tusaanngami siunnersuisartutut suliassavit pingaarnersaraat, saaffiginnittup atorsaateqarnerani oqaloqatigineratigut ikorfartorlugulu siunnersorsinnanissaanik neqerooruteqarfiginissaa.

Tusaannga tassaavoq Kalaallit Nunaat tamakkerlugu meeqqanut, inuusuttunut inersimasunullu kinaassutsimik isertuussilluni, oqarasuaatikkut 801180, sms-kkut 1899 aamma www.tusaannga.gl -kkut cat-teqateqarnikkut siunnersuisarfik.

Tusaannga innuttaasut nalunngisaminnik imaluunniit illoqarfimminni/nunaqarfimminni ikiorserneqarsinnaannginnermik misigisimasunut ajornartorsiumminnillu oqaloqatiginninnissamut pisariaqartitsisunut neqeroorutaavoq.

Sammineqarsinnaasut allanngorartuupput - taamaattumik pingaaruteqarpoq, inuttut naleqqussallaqqissuussasutit, tatitussuseqarlutit paasinnilluarsinnaassasutit aammalu pisuni ulapaarfiusuni eqqissillutit suliaqarsinnaanissat.

Atorfik INULERIVIK – Nunatsinni Katsorsaavik Siunnersuisarfimmilu inissisimalernikuuvoq, sullissivillu taanna marlunngorlugu avinnikuuvoq, siunnersuivik aamma katsorsaavik, Tusaannga sullissivimmi neqeroorutip aapparivaa, Siornatigut Isumaginninnermi Aqutsisoqarfimmi - Innuttaasunut immikkoortortaqarfimmiinnikuulluni. Illillu Sullissiviup pisortaanut attaveqartartussaavutit.

Suliassarilerumaakkatit ilaatigut makkuussapput:

• Ikorfartuilluni oqaloqarteqarnikkut allaqateqarnikkulluunniit Kalaallisut qallunaatullu oqaloqatiginnissinnaallutillu siunnersuisinnaassaatit.
• Ilaatigut meeqqanik, inuusuttunik inersimasunillu makkuninnga qulequtalinnik oqaloqatiginnissinnaassaatit; qinngasaarineq, persuttaaneq, perorsaaneq, inooqatigiinnermi ajornartorsiuteqarneq, imminut toqunnissamik eqqarsaateqarneq, kinguaassiuutikkut qaangiiffigitinnerit, atornerluineq il.il.
• Inuit ajornartorsiortut qanilaarfigalugit aamma ataqqillugit naapissinnaassavatit.
• Suleqatigiit ataqatigiilluartut, sulianik piginnaasatigullu ineriartortuarlutillu tapersersoqatigiittut ilannguffigissavatit.

Illit uku pinginnaasaqarfigissagitit naatsorsuutigaarput:

• Peqqissaanermik, perorsaanermik imaluunniit isumaginninnermik tunuliaqutalik (soorlu Sygeplejeskeq, Ilinniartitsisoq, Perorsaasoq imaluunniit inulerinerup assigisaanik ilinniagaqarsimasasutit)
• Oqaloqateqarsinnaanermik atassuteqarsinnaanermillu suliaqarnikkut misilittagaqassaatit
• Piffissat suliffiusut nikerartut suliffigissallugit iluarigitit
• Naliliisinnaassuseqarluartoq, nammineerluni sulisinnaasoq aamma ulapaarfiup nalaani eqqissisimasinnaalluartoq
• Aalajaatsoq piffissamillu ataqqinnittoq
• Kalaallisut qallunaatullu oqalunnikkut allakkatigullu piginnaasaqassasutit

Paasissutissat

Qinnuteqarnissamut killigititaq: 22 aggusti 2025

Atorfik ulloq una inuttalerneqarnissaa kissaatigineqarpoq: 1 septembari 2025 isumaqatigiissuteqarnikkulluunniit.

Tusaannga atorfilluunniit pillugu paasissutissat sukumiinerusut Mette Lange-Nielsen-ip oqarasuaataanut saaffiginninnikkut pissarsiarisinnaavatit +299 346023 imaluunniit mailianut allallutit: mlan@nanoq.gl imaluunniit Ellen Johansson-ip oqarasuaataanut saaffiginnillutit +299 34 60 10, aamma mailinut allassinnaavutit eljo@nanoq.gl paasissutissat pissarsiarisinnaavatit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk