Sarliaq Souschef-issarsiorpoq

Sarliaq Souschef-issarsiorpoq

Meeqqat angerlarsimaffiat Sarliaq souschef-issarsiorpoq sapaatip akunneranut 40 tiiminik aallaavilimmik atorfeqarfiusussamik 1. September 2025 aallarnerfigalugu imaluunniit isumaqatigiiffiusinnaasussamik.

Meeqqat angerlarsimaffiat pillugu:

Meeqqat angerlarsimaffiat Sarliaq ulloq unnuarlu meeqqanut angerlarlarsimaffiup avataanut inissinneqarsimasunut paaqqinnittarfiuvoq Ilulissaniittoq.

Meeqqat angerlarsimaffiat Sarliaq ulloq unnuarlu paaqqinnittarfiusoq Isumaginninnermut Aqutsisoqarfiup ataani inissisimavoq, Namminersorlutik Oqartussat ataaniilluni. Suliffeqarfik pingasunik immikkoortortaqarpoq: Nukarliit/ Akulliit aammalu Nutaqqat, 0-18 tungaannut ukiulinnut inissiiviusarluni. Najugaqartut annertuumik sumiginnarneqarsimasuusarput aammalu inuunerminni sakkortuumik nalaataqarsimasuusarlutik.

Meeqqat Angerlarsimaffiat Sarliaq 20-nut inissaateqarpoq pingasunillu immikkoortortaqarluni. Annertuumik piumasaqarfiuvoq perorsaanikkut sulinikkut kivitsinissamik aammalu suliniuteqarnissamik, najugaqartut pisariaqartitaat ullormut isumagisassaasarput assigiinngitsut. Suliniuteqarnerit aaqqissuussaasumik ilisimasanik tunuliaquteqarluni ataqatigiinnermik perorsaanermik tunngaveqarluni ataqqinnittumillu sammivilimmik ingerlanneqartarput.

Qulaani allaqqasut soqutiginartikkukkit immaqa illiusimassaaq atorfissaqartitarput.

Atorfiup imarisaa:

Ujarlerpugut, iluassaaq aqutsinermut misilittagalimmik. Perorsaanikkut iml. Isumaginninnerup iluani tunuliaqutilimmik ulluinnarni perorsaanikkut suliaqarnermi suliaqarsinnaasumik. Souschef-ip suliassat makkua piareersarlugillu akisussaaffigissavai:

• Meeqqat toqqissisimasumik taamatullu ajunngitsumik ulluinnarni qanittumik avatagiiseqartinnissaat.
• Ukkassinissaq meeqqanut ataasiakkaanut, ineriartortitsinissamut aammalu ilinniarnissamut.
• Nuannaarsinnaanermut inissaqartitsinissamut.
• Allaffissornikkut suliassat aammalu attaveqarluarneq immikkoortortanut.
• Forstanderi peqanngitsillugu akisussaaffimmik tigusisinnaaneq.
• Fag-inut arlalinnut akimorlugit suleqateqarsinnaassuseqarneq.

Ilinnut makkua naatsorsuutigaagut:

• Souchef suliamut pikkorissusermut ukkataqassaaq, pingaartumik perorsaanerup iluani attuumassutilinnut.
• Misilittagaqarsimaneq pingaartumik aqutsinerup iluani.
• Piumassuseqarneq nutaamik pilersitsisinnaanissamik, sunniutilimmik najugaqartut avatagiisaannut.
• Namminersorluni sulisinnaassuseqarneq.
• Tamakkiisumik isiginnissinnaassuseqarneq.
• Ammasoq/ Suleqatikkuminartoq.
• Immikkoortortat akimorlugit sulisinnaassuseqartoq.
• Aqutsisinnaassutsimik takutitsisinnaasoq.
• Sarliap ineriartornissaanut peqataarusussuseqartoq.

Meeraq qitiutillugu sulisuuvugut, tapersersussallugit meeqqat inuusuttuaqqat nammineernerulernissaat, anguniakkat anguniarneranni pingaartarpoq angajoqqaat oqartussaassuseqartut aammalu allat atorfillit suleqatigilluarsinnaanissaat qanimut.

Ammasuussaatit peqataalluarsinnaassuseqarlutit sulinerni, piffissaq eqqorlugu takkuttarlutit, inuppalaartuullutit naapikkuminarlutit, tamanna suliffitsinni pingaartitaraarput.

Naatsorsuutigaarputtaaq:

• Aalajaatsuusutit, pitsaassusermut pingaartitsisoq aammalu annikissinnaasunut arlaannut malussarillutit.
• Ataatsikkut arlalinnik suliaqarsinnaasutit, ataatsimut isiginninneq annaanngikkaluarlugu.
• Attaveqarsinnaasutit ersarissumik paasinartumik.
• Nammineq sulisinnaassuseqartutit, akisussaaffimmik ilisimaarinnillutit, sullissineq anersaaralugu sulerusussuseqartuusutit.
• Eqaassuseqartuusutit suliassatigut aaqqissuisinnaasuseqartutit aammalu suliakkiisinnaassuseqartutit.
• Piginnaaneqartutit ukkassisinnaasuseqarlutit aaqqissuussaasumik ulluni ulapaarfiusuni.
• Tarnikkut nukittuujusutit sulianik aallartitsisinnaanernik takutitsisinnaasutit, nukissaqartutit aammalu suleriarsinnaassutsikkut nukittuujusutit.
• Ineriartortitsinikkut peqataasinnaassuseqartutit pitsanngorsaasinnaassuseqartutillu suliassanik aaqqiisinnaassuseqarlutit.
• Marluvinnik oqaasiliusutit kalaallisut danskisullu, iluassaaq.

Makku neqeroorutigaagut:

Suliffik pissanganartoq akisussaaffimmik suliffeqarfiup aaqqissuussaaneranik akisussaaffeqarluni namminersorfiusumik allanngueqataaffiusinnaasumik atorfik imalik.

Pingaartitaraarput patajaatsumik sulinerup suliffiullu ingerlanneqarnissaa suleqatigiilluarnissaq aqutsinerullu immersuiffiusup pilersitsisinnaassuserlu inissaqartittuarnissaat, aammalu nutaaliornerup ingerlannissaa.

Atorfik pillungu paasisaqarnerorusukkuit saaffiginnissinnaanernut tikilluaqquatsigit. Pisortamut Atsa Heilmann-imut tlf: +299 94 33 61, e-mail: ah@sarliaq.gl

Qinnuteqarfissap ullua kingulleq: 20.08.2025

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk