Paasissutissat
Atorfiup suussusaa: Accountingimut senior financial controller
Suliffeqarfik: Royal Arctic Line A/S
Qinnuteqarfissamut killigititaq: ingerlaavartumik suliarineqassapput
Attavissaq: Else Høegh Møller e-mailikkut: elhm@ral.gl imaluunniit oqarasuaatikkut 34 91 58.
Senior Financial Controller-imik misilittagaqarluartumik, suliaminik ilisimasaqarluartumik naatsorsuuserinermullu tunngasutigut pitsaasumik tunuliaqutaqartumik pissarsiorpugut.
Pitsaassuseq pingaartippat, akisussaassuseqarputit suliassanillu piffissaq eqqorlugu naammassinnittarlutit. Peqatigisaanik suliffeqarfiup ingerlatsineranik paasisaqarnerunissamut alapernaatsuuvutit, suliamullu tunngatillugu ilisimasannik tunniussaqarnissaq kajumissuseqarfigalugu. Aaqqissuussaasumik sulineq, ukiumoortumik suliassat pilersaarutaat aalajangersimasullu nakkutilliinerit iluarisimaarpatit, aammali misissueqqissaarnernik, business case-nik pitsanngorsaanermillu nammineq akisussaaffeqarnissaq kajumissuseqarfigalugu.
Atorfik pillugu
Accounting-teamip avammut nalunaarusiortarneq akisussaaffigaa, tassunga ilanngullugit ukiumoortumik nalunaarusiat kiisalu aqutsisunut qaammatikkaartumik aningaasaqarnikkut naatsorsuutit suliarineqartarnerat. Teamip aamma ulluinnarni ingerlatsinermut tunngasunik suliassaqarpoq, immikkoortortat akimorlugit suliniutinut peqataasarpoq kiisalu aningaasaqarnermut tunngasunik suleriaatsit ineriartortinnerannut pitsanngorsarnerannullu peqataalluni.
Senior Financial Controller-itut teamimi qitiusumik inissisimassaatit, aningaasaqarnermullu tunngasutigut pingaarutilimmik suliamut tunngatillugu sparringspartneriussallutit. Naatsorsuutinut tunngasunik uteqattaartumik suliassat kiisalu misissueqqissaarnerit ineriartortitsinermullu tunngasut suliarissavatit.
Atorfimmi nammineq suliassaqarfinnik akisussaaffeqarnissamut peqatigisaanillu aningaasaqarnikkut nalunaarusiortarnerup ataatsimut pitsaassusianik qulakkeerinninnermut peqataarnissamut periarfissaqassaatit. Suliffeqarfiup immikkoortortai assigiinngitsut suleqatigissavatit, ilaatigut aningaasaqarnermut tunngasunik apeqqutinut aalajangiinermullu tunngavissanik suliaqarnermi. Suliaqarfiup ilagissavaa suleriaatsinik pioreersunik pitsanngorsaanissamut eqaallisaarnissamullu periarfissanik suussusersineq.
Neqeroorutigaarput
Aningaasaqarnermut immikkoortortaqarfimmi qitiusumik inissisimasumi, suliamut tunngatillugu piginnaasaqarluartunik tunniusimasunillu suleqateqarlutit, pissanganartumik assigiinngiiaartunillu suliassartalimmik atorfimmik neqerooruteqarpugut. Suleqatigiinneq ilisimasanillu avitseqatigiinneq pingaartinneqartumi suliamut inuttullu ineriartornissamut periarfissaqassaatit.
Atorfimmut nammineq suliamut tunngatillugu sunniuteqarnissamut controlling-imillu nalunaarusiortarnermillu suleriaatsitsinnik ineriartortitseqqinnermut peqataarnissamut periarfissaqassaatit. Piginnaasatit anguniakkatillu naapertorlugit akisussaaffimmik tigusinissamut ineriartornissamullu periarfissaqarnissat pingaartipparput.
Akissarsiat atorfinitsitaanermilu atugassarititaasut atorfimmi akisussaaffiit kiisalu piginnaasatit tunngavigalugit unammillersinnaasumik aalajangersarneqassapput. Inuttut attaveqatigiinneq pitsaasoq pingaartipparput, isumaqarpugullu suliffimmi nuannaarneq atugarissaarnerlu angusaqarluarnissamut tunngaviusut. Suliffeqarfitsinni medarbejderit ineriartortinnissaat pikkorinnerulernissaallu ukkatarineqarpoq, suliffiup inuunerullu namminerisap akornanni pitsaasumik oqimaaqatigiissitsineq eqqarsaatigalugu.
Naatsorsuutigaarput
attuumassuteqartumik ilinniagaqarsimasutit, assersuutigalugu cand.merc., HD(R) imaluunniit assingusumik
assingusumik atorfeqarnermit imaluunniit kukkunersiuisutut suliaqarnermit ukiuni arlalinni misilittagaqartutit
aaqqissuussaasumik namminersorlutillu sulisartutit aammalu piffissaliussat malittaritit
misissueqqissaarinermut piginnaasaqarluartutit suliamilu pitsaassuseq pingaartillugu
akisussaaffimmik tigusisartutit suliassallu isumannaatsumik naammassillugit
suleqatigiinneq suliamullu tunngatillugu sparring iluarisimaaritit
suliamut tunngatillugu ingerlaavartumik ineriartornissamut aammalu suliffeqarnermi siuariartornissamut anguniagaqartutit
suleriaatsinik pioreersunik pitsaasumik unammillerneqarsinnaasunik isiginnittartutit aammalu ingerlaavartumik pitsanngorsaanermut peqataarusuttartutit
Paasisaqarnerorusukkuit
Atorfik pillugu paasissutissanik annertunerusumik paasisaqarusukkuit Director of Accountingimi Else Høegh Møller saaffigisinnaavat, e-mailikkut: elhm@ral.gl imaluunniit oqarasuaatikkut 34 91 58
Atorfiniffissaq: decembarip aallaqqaataa 2026 imaluunniit piffissap taassumap kingorna piaartumik.
Qinnuteqaatit: Tiguneqartut ingerlaavartumik suliarineqartassapput.
Oqaloqatiginninnerit: Ingerlaavartumik ingerlanneqartassapput.
