Sermitsiami tusagassiortoq
Tusagassiorneq sunniuteqaqataasoq nuannaraajuk?
Tusagassiortumik nutaarsiassanik eqqorluartunik, itisiliisunik, pissanganartunik soqutiginartumillu allaaserinnittartunik atuartartullu naligalugit eqqortumik allaaserinnissinnaasumik ujartuivugut.
Digitaliusumik tusagassiornerup ilisimasaqarfiginera iluaqutaassaaq. Piumasaqaataanngilarli. Kisianni allallaqqissuunissat pisariaqarpoq. Nammineq iliuuseqarusussuseqarnerit isumassarsiullaqqissinnaanerillu pingaartippavut.
Sermitsiami inuussutissarsiornermi, aallarnisaanermi, politikkimi inuiaqatigiinnilu pissutsit pingaarnerit sammisarpavut, kulturi aamma ilanngunneqartarluni. Tusagassiorluni angalanissamut periarfissaqassaaq, aamma suliatigut inuttullu ineriartornissamut periarfissaqarluni.
Nuummi aaqqissuisoqarfimmi atorfeqassaatit, tassanilu pissanganartumik unammillernartortalimmik, pimoorussiffiusumik qiimasumillu suliffittaarsinnaavutit. Suleqatit pikkorissut suleqatigiilluartullu akornanni pingaaruteqartunngussaatit.
Illit pillutit
Suli pitsaanerulernissatsinnik sunniuteqarnissat neriuutigaarput. Apersuinermi tatiginnissuseqartariaqarputit tatiginartuullutillu, pitsaasunik attaveqarnerit ineriartortissinnaavat, nutaarsiassanik allaaserisanillu tunuliaqutaasunik suliaqarsinnaanerit nuannaralugu. Allaaserisanik arlalinnik ataatsikkut suliaqarsinnaavutit. Aamma inuiaqatigiinni pissutsinik ilisimasaqarluartariaqarputit.
Tusagassiivik Sermitsiaq piffissamut nutaamut ikaarsaariartorpoq, nutaanik ilikkarusussuseqarnissat piumassuseqarnissallu tusagassiortunillu aaqqissuisoqarfinni allaniittunik suleqateqarsinnaanissat pingaaruteqarpoq.
Neqeroorutivut
Akissarsiat Dansk Journalistforbundip aamma Tusagassiivik Sermitsiaq-p akornanni isumaqatigiissut atuuttoq naapertorlugu aningaasarsiaqassaatit.
Uagut pilluta
Sermitsiaq Tusagassiivik Sermitsiaq-p ataaniippoq, taannalu aamma aviisimik AG-mik saqqummersitsisarpoq nittartakkamik alakkarneqarnerpaasartumik Sermitsiaq.gl-mik ingerlatsiviulluni. Tamatuma saniatigut atuagassianik arlalinnik saqqummersitsisarpoq, ilaatigut Suluk aamma Arnanut kiisalu Nuuk Ugeavis.
Sermitsiaq Nuummi, Sisimiuni, Ilulissani Danmarkimilu sulisoqarpoq.
Ulloq atorfiniffik: Oktobarip aallaqqaataa 2024 imaluunniit isumaqatigiissuteqarnikkut.
Qinnuteqarnissamut killigititaq: Septembarip 6-at 2024.
Suliffik: Piffissami tamakkiisumi
Sumiiffik: Nuuk
Marluinnik oqaaseqartut qinnuteqartut salliutinneqassapput, piumasaqaataanngilarli. Allaaserisat assigiinngitsut assersuutitut ilanngunneqarsinnaapput.
Qinnuteqaat aaqqissuisuunermut Dorthe Olsenimut, dorthe@sermitsiaq.gl mailikkut nassiunneqassaaq, atorfimmullu atatillugu apeqqutissaqaruit mobilimut +299 272192-imut sianersinnaavutit.