SIK siunnersortinik marlunnik sulisussarsiorpoq
Nunatsinni sulisartut kattuffiisa annersaanni sulisoorusuppit sulinermillu inuussutissarsiutilippassuit sullinneqarneranni sunniuteqarusullutit?
Tassami SIK-p allattoqarfia Nuummiittoq 1. septembari 2024-mit imaluunniit piffissamit isumaqatigiissuteqarfigisamit allamit atorfinittussanik marlunnik siunnersortissarsiorpoq.
Atorfiit imaat:
Atorfik siulleq:
1) Sulisartut peqatigiiffiinut ilaasortat sulisullu sinniisaasa suliassiissutigisartagaat assigiinngitsut:
· Ilaasortat akissarsiatigut atorfeqarnerminnilu atugarisaannut tunngasut.
· Soraarsitsinerit iliuuseqarfigineqarnerillu allat ilaasortat suliffeqarnerminni misigisartagaat.
· Isumaqatigiissutinik inatsisinillu nassuiaanerit.
2) Sulisut sinniisaannik SIK-mut atasunik pikkorissaaneq.
3) SIK-p Inuusuttaanik suleqateqarneq.
4) Suliffigissaanermut tunngasutit suliassaalersartut assigiinngitsut.
Atorfiup aappaa:
1) Sulisartut peqatigiiffiinut ilaasortat sulisullu sinniisaasa suliassiissutigisartagaat assigiinngitsut:
· Ilaasortat akissarsiatigut atorfeqarnerminnilu atugarisaannut tunngasut.
· Soraarsitsinerit iliuuseqarfigineqarnerillu allat ilaasortat suliffeqarnerminni misigisartagaat.
· Isumaqatigiissutinik inatsisinillu nassuiaanerit.
2) Sulisut sinniisaannik SIK-mut atasunik pikkorissaaneq.
3) Isumaqatigiinniarnernut peqataasarneq.
Atorfimmik qinnuteqartup piginnaasassaanik kissaatiginartitavut:
- Allaffimmiutut ilinniarsimaneq.
- Allaffissornikkut misilittagaqarneq, ajornanngippat sulisoqarnermi inatsiseqarnerup tungaatigut.
- Arlariinnik oqaaseqarneq; tassa kalaallisut qallunaatullu, aammali ajussanngeqaaq tuluttut oqalussinnaaguit.
- Kalaallit Nunaanni inuiaqatigiinnik ilisimasaqarneq.
- Suleqatiginnissinnaalluarneq.
- Sullissiumatuuneq.
- IT-mik piginnaasatigut tamatigoortuuneq.
Neqeroorutigaavut:
- Suliffik pissanganartoq pissanganartunik suliassarpassuaqarfiusoq.
- Suleqatitsialaat.
- Suliatigut inuttullu ineriartornissamut periarfissatsialaat.
- Pisinnaasat malillugit akissarsiaqartitaanissaq.
- Atorfinittussap aappaanut pilerinartumik inissaqartitsisoqassaaq. Ineqarnermut akiliuteqartoqartassaaq il.il. malittarisassat atuuttut naapertorlugit.
Paasisaqarneruniaraanni uku saaffigineqarsinnaapput: Allattoqarfimmi pisortaq Bjarne Petersen (bj@sik.gl. Tlf. 34 93 15) imaluunniit siunnersorti Emma J. Dalager (emma@sik.gl Tlf. 34 93 13).
Qinnuteqaat ilinniarsimanermik suliatigullu misilittakkanik paasissutissartalik SIK-mit tiguneqareersimassaaq kingusinnerpaamik 24. juuni 2024 nal. 12.00. Qinnuteqaat e-mailikkut uunga nassiunneqassaaq: sik@sik.gl
Nittartakkami www.sik.gl-imi SIK pillugu paasissutissat pineqarsinnaapput.
Qinnuteqaativit tigunissaanut qilanaarpugut!