Sikuki Nuuk Harbourimi pisortanut sullissisoq nutaa

Aaqqissuulluakkamik suleriaaseqarpit attaveqaqatigiinnerlu nukittuffigalugu? Ulloq suliffiusoq assigiinngitsorpassuarnik suliaqarfiusoq nuannariviuk, aamma suliffeqarfimmi siuariartorfiusumi pisortaanermut aqutsisunullu ikorfartuinermik suliaqarusuppit? Taava immaqa illit tassaavutit Sikuki Nuuk Harbourimi pisortanut sullissisoq nutaaq!

Suliffik

Pisortanut sullissisutut siammasissunik akisussaaffeqarfiulluartunillu suliassaqassaatit, ulluinnarni ataqatigiissaarinermi pisortaanerullu aamma aqutsisut ikorfartornissaannut qitiusumik inissisimassallutit. Suliassatit ilaatigut tassaapput:

· Suliassanik ataqatigiissaarineq malitseqartitsinerlu pisortaq aqutsisullu qanimut suleqatigalugit, aalajangiinerit ingerlatassallu isumannaatsumik piviusunngortinneqartussanngorlugit.

· Siulersuisut aqutsisullu ataatsimiinnissaannik piareersaanerit, angalanernik pilersaarusiorneq, atortussanik nassiussuineq sammisaqartitsinerillu ilanngullugit, aammalu imaqarniliortutut peqataasarneq eqqortumik uppernarsaasiornissaq qulakkeerniarlugu.

· Suliniutini anguniakkanilu ataqatigiissaarisutut atuuffeqarneq, suliat siuariartorfiunerinik malinnaasassallutit aammalu suliffeqarfiup anguniagaata piviusunngortinnissaannut pisortaanermut aqutsisunullu ikorfartuineq.

· Suliffeqarfiup iluani aqutsisut ataatsimiinnerinik pilersaarusiorneq peqataasarnerlu, ilusiliinissamik malitseqartitsinermillu tunniussaqarlutit suleqataasassallutit.

· Pisortaanerup suliassaqarfiini qitiusuni immikkut ittuni suliniutinut suliassanullu akisussaaffeqarneq, ataatsimiinnerit, suliassat suliniutillu ilinnut ingerlaavartumik suliakkiutigineqartut ilanngullugit.

· Suliffeqarfiup iluani avataanullu attaveqaqatigiinnerup suleqataaffiginera, nittartakkap nutarterneqartarnera, allaaserisanik annikitsunik suliaqarneq, SoMe-mut imarisassat, nutaarsiassatut allakkiat saqqummiinissamullu atortussat ilanngullugit.

· Aaqqissuussaanermi suliaqarfiit akimorlugit suliniutit suleqataaffigineri, peqataasutut, ataqatigiissaarisutut malitseqartitsisutullu ataatsikkut atuuffeqarsinnaallutit.

· Apeqquteqaatinut suliassanullu assigiinngitsunut atatillugu sullitanut suleqatinullu attaveqarneq.

Atorfik suliffeqarfiup Nuummi qullersaqarfiani inissisimavoq.

Suliatigut piginnaaneqarfigisassat 

Naleqquttumik ilinniagaqarnikkut tunuliaqutaqarnissat takorloorparput. – assersuutigalugu AU-mik ilinniagaqarneq, bachelori, HA assingusumilluunniit. Atorfimmit assingusumit misilittagaqarputit, attaveqaqatigiinneq nukittuffigalugu aammalu isertuussilluinnarlutit malunnaarsaartumillu suleriaaseqarlutit.

Inuttut attaveqalersitsillaqqissuullutillu aaqqissuussaanermi suliaqarfiit akimorlugit suleqatiginnissinnaassuseqarputit. Aaqqissuulluakkamik suleriaaseqarputit immikkuualuttunik tappiffigisaqarlutit suleqativillu tamaginnik takunnissinnaanissaannut ikiortarlugit. Pisariaqarfiisigut erseqqissuliorniartuuvutit, paatsoortoqarnissaa pinngitsoortinniarlugu ataatsimullu siunnerfilimmik sulisoqarnissaa qulakkeerniarlugu. Ersarissumik suliatigullu pikkorissusilimmik attaveqaqateqartarputit suliffeqarfimmilu suliffeqarfiullu avataani soqutigisallit ingerlaavartumik oqaloqatiginissaat suleqatiginissaallu pikkoriffigalugu. Annertuunik anguniagaqarneq, qaffasissumik pitsaassusilinnik tunniussaqartarneq siunnerfilimmillu naammassisaqarnissaq sungiusimavatit. Danskisut, kalaallisut tuluttullu oqalussinnaaguit iluaqutaassaaq.

Neqeroorutigaagut:

· Atorfik pissanganartoq, suliffiup imarisassaata nammineerlutit sunniuteqaqataaffiginissaanut periarfissaqassallutit

· Ullut suliffiusut allanngorartut nammineq ilusilersueqataaffiginissaannut periarfissaqarluarlutit

· Suliassanik ikaarsaartitsineq suliffeqarfimmillu ilisarititsineq sukumiisoq

· Siulersuisut aqutsisullu ataatsimiinnerini peqataasarneq

· ISO-standardit 9001, 14001 aamma 45001 naapertorlugit aqutsinermut systemi allagartaqarnerlu

· Suleqatit pikkorissut suliaminnullu tunniusimasut. Suleqatigiit aaqqissuussaanermi suliaqarfiit akimorlugit pisinnaasaminnik piginnaaneqarfigisaminnillu akunnerminni ikioqatigiittartut.

· Aaqqissuussaaneq sunniuteqaqataatitsillunilu toqqaannartumik peqataatitsisoq

· Inuttut suliatigullu ineriartornissamut periarfissat pitsaasut

· Soraarnerussutisiassanut peqqissutsimullu aaqqissuussineq

· Piginnaaneqarfiit malillugit akissarsiaqartitsineq 

Soqutiginartippiuk?

Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299 583117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit.

Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.

Atorfik pillugu allanik apeqqutissaqaruit, Pisortaaneq John Rasmussen jr@sikuki.gl-imut allaffigalugu saaffiginninnissamut tikilluaqqusaavutit.

Tusarfiginissat qilanaarivarput.

Sikuki

Sikuki pillugu paasissutissat amerlanerusut uani nassaarineqarsinnaapput: www.sikuki.gl