Sisimiuni Gertrud Rask Minde-mut pisortaq

Suliamut tunngatillugu tunngavissaqarluarpit aqutsinermillu misilittagaqarluarlutit? – taava immaqa atorfik una ilinnut tulluartuuvoq.

Isumaginninnermut Aqutsisoqarfimmi Ulloq Unnuarlu Inissitsiterinermullu Immikkoortortaqarfik Sisimiuni Gertrud Rask Minde-mut pisortassarsiorpoq. 

Gertrud Rask Minde Isumaginninnermut Aqutsisoqarfiup ataani meeqqanut inuusuttunullu neqeroorutaavoq maannakkullu pisortamik pissarsiorluni.

Gertrud Rask Minde-p illutaa marlunnik immikkoortortaqarfeqarpoq tassaasut Nanuaqqat aamma Akulliit. 

Immikkoortortaqarfik Nanuaqqat arfinilinnik inissaqartitsivoq. Tassani ineqarput timikkut qaratsakkullu arlalinnik innorluutillit ilaat oqalussinnaanngillat, isigiarsuttut, pisunniarnermikkullu amerlanerit ajornartorsiortut.

Akullerni meeqqanut 6-18-inut ukiullit arfineq pingasut tiguneqartarput taakku timimikkut ersinngitsumik innarluuteqarput; tusaanikkut innarluutillit, ADHD-mik innarluutillit kiisalu ineriartornerminni sumiginnagaanerminnik innarligaasimasut. 

Neqeroorutigaagut:

• Suleqatigiinnik assigiinngiiaartunik piginnaasaqarluartunillu suleqateqarnissamut aqutsinissamullu periarfissat

• Ingerlaatsinut nutaanut namminerlu ullup ingerlanerani sunniuteqarnissamut annertuumik sunniuteqarsinnaaneq

• Suliffeqarfik ineriartortitsinermik ilinniartitsinermillu pingaartitsisoq

• Perorsaanermut aqutsinermullu tunngasutigut sulinermi unammilligassat ineriartortitsinerlu

• Aqutsisoqarfimmik isumasioqateqartarneq - pingaartumik Ulloq Unnuarlu Inissitsiterinermullu  immikkoortortaqarfimmik

• Sulianut tunngasutigut isumasioqateqartarneq kiisalu pisortanik allanik isumasiuisarnermik aaqqissuussineq

• Pisortat ukiumoortumik isumasioqatigiinneranni ataatsimeersuarnernilu peqataasarneq

Kissaatigaarput:

• Perorsaasutut ilinniarsimanissat, imaluunniit isumaginninnermut sulianut tunngasunut assingusumik ilinniarsimanissat.

• Sullinneqartunut misilittagaqarluarsimasutit ilisimasaqarluarlutillu. 

• Inatsisiliornermut attuumassuteqartunik ilisimasaqassasutit 

• Allaffissornikkut aqutsinermik aningaasaqarnermillu paasisimasaqassasutit

• Inuunermik pisaasumik isiginnittaaseqassasutit akuersaartumillu isiginnittariaaseqarneq aallaavigalugu atassuteqarnernik pitsaasunik pilersitsisinnaasutit 

• Anguniagaqarluartumik takorluuisinnaasumillu sulerusussuseqarputit

• Aqutsisuunermik misilittagaqassasutit suliassanillu agguaassisinnaassasutit

• Ulloq unnuarlu neqeroorutinut- paaqqinnittarfinnillu Namminersorlutik Oqartussanit pigineqartunik allanik suleqatigiinnermut ilanngunnissamut piumassuseqartutit

• Ulloq Unnuarlu Inissitsiterinermullu Immikkoortortaqarfimmik qanilaartumik kinguneqartussamillu suleqateqarnissamut ilanngunnissamut piareersimasutit

• Meeqqanut inuusuttunullu ulloq unnuarlu neqeroorutit pillugit misilittagaqarluartutit

Taakku saniatigut danskisut kalaallisullu oqalussinnaasutit, kiisalu kalaallit inuiaqatigiinnut kulturiannullu paasisimasaqassasutit kissaatigaarput. 

Paasissutissat allat
Atorfik pillugu annertunerusumik paasisaqarusukkuit, tikilluaqquneqarputit attavigissallugu ulloq unnuarlu paaqqinnittarfiup immikkoortortaqarfiata allaffimmi pisortaq Sorlannguaq Mørch, e-mail: somo@nanoq.gl, oqarasuaat 34 64 30.

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Isumaginninnermut aqutsisoqarfik uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Isumaginninnermut aqutsisoqarfik uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.