Sisimiuni Innuttaasut sullissivianni suleqatissarsiorpugut

Sisimiuni Innuttaasunik Sullissivimmi sulisussatut naleqquttuuvutit, suliassaqarfiit assigiinngitsut pillugit ilisimasatit, paasisimasaqarluarnerit aamma piginnaasatit atorlugit suleqataasinnaaguit. Suleqatigiit pitsaasut suleqatigissavatit, tassani sullissilluarneq innuttaasunullu ataqqinnittumik sullissineq pingaartinneqarpoq. Aqutsisoqarfimmi immikkoortortaqarfiit akimorlugit suleqatigiinneq ataqatigiissaarinerlu kiisalu innuttaasut tamarmik ataatsimut saaffiginniffissaqarnissaat anguniarlugu sulisoqarpoq.

Innuttaasunik Sullissivik innuttaasut piginnaasaqarluartumik eqqortumik ataqqinnittumillu sullinneqarnissaat pingaartippaa tulluusimaarutigalugulu. Ullut tamaasa innuttaasut akileraarnermut tunngasunik ikiorneqarnissaminnik pisariaqartitsisut saaffiginnittarput. Saaffiginnissutit tamarmik eqqortumik akissuteqarnissamut pisariaqartumillu ikiuunnissamut suliassaqarfimmut tunngasunik ilisimasaqarnissamik paasisimasaqarnissamillu pisariaqartitsipput.

Innuttaasunik sullissineq allanngoriartuartuuvoq, politikkikkullu aalajangiinernit malittarisassanillu arlalinnit sunnerneqartarluni. Takorluukkat anguniakkallu annertupput. Taamaattumik ingerlatsinerup isumannaatsumik ingerlatiinnarneqarnissaa kiisalu allannguinissamut ineriartortitsinissamullu naleqqussarsinnaaneq oqimaaqatigiissinneqartariaqarput. Innuttaasut assigiinngitsumik ikiorneqarnissamik pisariaqartitsisarput, siunissamilu innuttaasut saaffiginnissutaat aamma allanngoriartussaallutik.

Sullissivimmi 12-iulluta suleqatigiiuvugut illoqarfinni arfinilinni siammarsimalluta. Akileraartarnermut Aqutsisoqarfiup suliassaanut tamanut saaffiginnittarfimmi suliaqartarpugut.

Sullissivimmi nalinginnaasumik makkununnga saaffiginnissutit suliarisaqartarpugut.

• Akileraarutit

• Akiliisitsiniartarnerit

• Nioqqutissanik eqqussuinernut akileraarutit

• Sulisitsisunik nalunaarsuutit, allallu.

Pisinnaasaqarfiit piginnaasaqarfiillu:

• NI-tut, NI 2-tut, assigisaannilluunniit ilinniagaqarputit.

• Qarasaasiamik atuisinnaasuussaatit.

• Namminersorlutit, pimoorussillutit akisussaaffeqarluartumik sulisinnaassuseqarputit.

• Sullissinermi nuannarisalik.

• Kalaallisut/danskisullu/tuluttullu oqaaseqassaatit.

Innuttaasunik sullissineq nuannarisariaqarpat. Nutaanik ilinniarusussuseqartuuvutit, suliassanillu nutaanik misileraanissamut tunuarsimaanngilatit. Sulileruit qulaani taaneqartut suliassaqarfiit iluanni ilinniartinneqarlutillu ilitsersorneqassaatit.

Suliassat amerlasuut ataatsikkut isumagisinnaassavatit, akisussaaffimmik tigusisinnaallutillu nammineq aallartitsisinnaassaatit. Suleqatiginnillaqqissuuvutit,suleqatigiinnilu assigiinngitsunik piginnaanilinnik suleqatalluarsinnaallutit.

Aningaasarsiat atorfinitsinnermullu atugassarititaasut:

Akissarsianut atorfinititsinermilu atugassarititaasut, atorfinitsitsinerup nalaani atorfinitsitaasussap kattuffiata isumaqatigiinniarsinnaatitaasup Kalaallit Nunaannilu Namminersornerullutik Oqartus-sat akornanni isumaqatigiissutit atuuttut naapertorlugit ingerlanneqartassapput.

Inissaq:

Atorfimmut atatillugu malittarisassat sukkulluunniit atuutsinneqartut naapertorlugit sulisunut inissiamik pequsersoringaanngitsumik innersuussisoqarsinnaavoq. Qinnuteqartut atorfitsik aqqutigalugu ineqartinneqareersut imaluunniit kommunimiit Namminersorlutik Oqartussa-nilluunniit pigineqartunik ineqartut inissaannik innersuussisoqarsinnaanngilaq. Ineqarnermut akiliut aamma ineqarnermut qularnaveeqqusiissutit inigisamut innersuunneqartumut malittarisas-sat atuuttut naapertorlugit akilerneqartassapput. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Atorfik pillugu saaffiginniffissaq:

Atorfik pillugu apeqquteqartoqarsinnaavoq uunga allaffimmi pisortaq Linda Brandt oqarasuaat toqqaannartoq +299 34 65 01 / mail: libr@nanoq.gl

Atorfik aallartiffigineqarsinnaalissaaq 1. December 2026-miit isumaqatigiissuteqarnikkulluunniit. Atorfik Sisimiuni Akileraartarnermut Aqutsisoqarfimmi inissisimavoq.

Qinnuteqaat ilinniarsimanermut paasissutissat, siusinnerusukkut suliffigisimasat soraarummeersimanermullu uppernarsaatit nuutinneri ilanngullugit nassiunneqassapput. Qinnuteqaat ilinniarsimasanut, siusinnerusukkut atorfigisimasanit oqaaseqaatit soraarummeersimanermut uppernarsaatit allallu qinnuteqaammi ilanngunneqassapput ”Qinnuteqarit” toorlugu. Qinnuteqaatit mail-ikkut nassiussat tigusinnaangilagut.