Sisimiuni Kulturikkut Illorsuarmi teknikeri

Sisimiuni kulturikkut illorsuarmi tamatigoortumik aammalu illorsuarmut attuumassuteqartunik akisussaaffeqartussamik teknikerissarsiorpoq. Illorsuarmi aaqqissuussinerit siammasissuupput ilaatigut: Biografertitsinerit, ataatsimiiffittut, isiginnaartitsinerit aammalu piorsarsimassutsikkut pikilaartitsinerit pisarlutik. Illorsuup iluani atortutigut nakkutiginnissinnaaneq, aserfallatsaaliinerit aammalu attaveqaataasussaaneq pingaartinneqarpoq, illorsuup iluani ineriartortitseqataanissaq anguniarneqarluni.

Teknikerilu qaninnertut Taseralimmi pisortaq pisortarissallugu.

Teknikerip suliassai:

· Illorsuarmi aserfallaatiilineq aammalu nakkutigininnermi attaveqaataaneq

· Biografertitsinissamut filminik inniminniineq, pilersaarusiorneq piareersarnerlu

· Aaqqissuussat suuneri aallaavigalugit nipilerineq, qullilerineq aammalu piareersarneq

· Teknikkikkut atortorissaarutinik isumaginninneq nakkutiginninnerlu

· Eqqumiitsuliortut pilersaarusiorneranni suleqatigalugit pilersaarusioqataanerit

· Teknikeritut ikiortimut/pedelimut aammalu biografertitsisunut akisussaasuuneq

Pisinnaasatit / piumasaqaatit:

· Eventteknikeritut, qullilerisutut, nipilerisutut assigisaanilluunniit ilinniagaqassaatit misilittagaqarluartuullutilluunniit

· Biilernermut allagartaqarnissat

· Tamatigoortuussaatit kiffartuusinissamullu pingaartitsisuullutit

· Suleqatigiinnermik nuannarisalik ulapiffiusumilu tamakkiisumik takunnissinnaassuseqartoq

· IT-qarnermik atuilluarsinnaasutit, tamatumani Excel aammalu Ebillet aammalu filmiliortitseqatigiinnut inimminniiniarneq

Atorfinittussamut neqeroorutigaagut:

· Piginnaasanik pisarialinnik ineriartortitsinissamik periarfissat pitsaasut

· Suliffik pissanganartoq unammilligassanik ulikkaartoq

· Ulluinnarni suleqatit amerlanngitsut misilittagartuut

· Aaqqissuussat aallaavigalugit suliaqarnermi suliffiit suliassallu nikerartut

Akissarsiat aamma atorfeqarnermi atugassat:

Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pequtit nuunneqarneri pillugit Taseraliup pisortaa isumaqatigiinniutaasinnaapput. Atorfininnerup nalaani isumaqatigiissutaasut atuuttut naapertorlugit tamakkua isumagineqassapput. 

Pineqaatissinneqarsimannginnermut uppernarsaat kiisalu meeqqanut pinerliisimanngiinermut uppernarsaat takutinneqarpat atorfinninneq pissaaq. 

Atorfimmut tunngatillugu inissaqartitsisoqarpoq, taamaammat malittarisassat atuuttut naapertorlugit qularnaveeqqusiinissat inimullu akiliuteqartarnerit pisassapput.

Atorfik inuttassarsiorneqartoq inuttalerneqalereersimassaaq 1.december 2025 imaluunniit isumaqatigiinnikkut.

Qinnuteqarneq aammalu sukumiinerusumik paasissutissat:

Qinnuteqaatit ilinniarsimanermik siusinnerusukkullu suliffigisimasanik paasissutissartallit, ilinniarsimanermik uppernarsaatip assinganik ilalerlugit mailimut uunga: ceo@taseralik.gl nassiutereerneqassapput ikingusinnerpaamik 17.november 2025 nalunaaqutaq 12:00.

Atorfik pillugu itinerusumik paasisaqarnerorusukkuit Taseraliup pisortaa attavigineqarsinnaavoq oqarasuaat: +299 86 28 01 imaluunniit mailimut ceo@taseralik.gl-mut saaffiginnilluni pissarsiarineqarsinnaapput.