FAKTA
Atorfiup suussusaa: Sisimiuni Meeqqat
Toqqissillutik Ornittagaat (MTO) meeqqanik inuusuttunillu sullissinissamik
soqutigisalimmik tunniusimasumillu piffissaq tamakkerlugu sulisartussamik
sulisussarsiorpoq
Suliffeqarfik: Meeqqat Toqqissillutik Ornittagaat (MTO)
Qinnuteqarfissamut killigititaq: Piaarnerpaamik
Attavissaq: Jonna Lynge saaffiattavigalugu oqarasuaammut +299281381-imut mailikkulluunniit uunga: jly@ini.gl. Taamatuttaaq MTO-mi pisortaq Signe Schwencke attavigineqarsinnaavoq, oqarasuaammut +299520137 mailikkulluunniit uunga: sls@ini.gl.
Meeqqat atugarissaarnissaannik pingaartitsisuuit – toqqissisimanartumik,
aalajaatsumik qanilaartumillu attaveqallaqqippit? Taava imaassinnaavoq
Sisimiuni Meeqqat Toqqissillutik Ornittagaanni (MTO) suleqatissarigitsigit
- illu toqqissisimanartoq kissalaartorlu, ataatsimoornermik, isumassuinermik
ineriartortitsinermillu pingaartitsiffiusumi.
MTO pillugu
MTO tassaavoq Sisimiuni meeqqat namminerpiaq sumiiffiat – tulaavissaq,
meeqqanut makkuninnga periarfissiisoq:
- Ataqqinnittumik alapernaattumillu takuneqarnissaq, tusaaneqarnissaq, naapinneqarnissaq
- Nammineq isumassarsiaqarnikkut pinnguarnissaq, sammisaqarnissaq ataatsimoornissarlu
- Eqqissisimaarfik toqqissisimaffillu – pisariaqartitsinermilu piffissami sivikitsumi unnuiviusinnaasoq
- Inersimasunik patajaatsunik qanilaarnermik tatiginninnermillu pilersitsisinnaasunik naapitsineq
Inersimasut pitsaasut ullut
tamaasa allannguisartut upperaarput – toqqissisimanerlu attaveqaqatigiinnerlu meeqqat inuunerissaarnissaannut
tunngaviliisuusut.
Illit suliassatit
MTO-mi sulisutut meeqqat
ulluinnaannut, toqqissisimanissaannut inuunerissaarnissaannullu
pingaarutilittut inissisimassaatit.
Piginnaasatit:
- Meeqqanut inuusuttunullu aalajaatsumik tatiginninnermillu tunngavilimmik atassuteqalersinnaaneq
- Nerisassiornermut, nereqatigiinnernut ulluinnarnilu pisartunut peqataaneq
- Meeqqat peqatigalugit sammisassanik pilersaarusiorneq sammisaqarnerlu
- Ataatsimoorfimmut nuannersumut akuutitsisumullu tunniussaqarsinnaaneq
- Illup ineriartornera pillugu suleqatinik aqutsisunillu suleqateqarsinnaaneq
- Pisariaqaraangat illumi suliassanik tigussaasunik ikiuussinnaaneq
Naatsorsuutigaarput:
- Meeqqanik inuusuttunillu ammasumik ataqqinnittumillu naapitsisinnaanissat peqateqarusunnissallu
- Akisussaassusermik pingaartitsisuunissat, eqqissisimasuunissat sulisutullu aalajaatsuunissat
- Nammineq suliaqarsinnaanissat – aammali ataatsimoornermik pingaartitsisuunissat
- Suliffissani nikerartuni sulisinnaaneq (unnuk, unnuaq, sap. ak. naanerini)
- Perorsaanermut tunngasunik misilittagaqarsinnaavutit – pingaarnerpaavorli pimoorussinissat isumassuisinnaanerillu
Neqeroorutigaarput:
- Suliffik pingaarutilik, meeqqanut inuusuttunullu sunniutilik
- Suliffeqarfik toqqissisimanartoq naleqartinneqartoq, qanilaartumik ataatsimoorfiusoq
- Illumi sammisassanut illullu ineriartortinneranut sunniuteqaqataaneq
- Akissarsiat atorfimmilu atugassarititat isumaqatigiissut atuuttoq naapertorlugu
Paasissutissat
- Suliffissaq: Piffissaq tamakkerlugu - ualikkut, unnukkut, unnuakkut sap. ak. naanerini
- Qinnuteqartut takkuttarneri naapertorlugit oqaloqatiginninnerit ingerlattarpavut.
Atorfik soqutigaajuk? Atorfik pillugu annerusumik paasisaqarsinnaavutit
ulluinnarni aqutsisoq Jonna Lynge saaffiattavigalugu oqarasuaammut +299281381-imut
mailikkulluunniit uunga: jly@ini.gl.
Taamatuttaaq MTO-mi pisortaq Signe Schwencke attavigineqarsinnaavoq,
oqarasuaammut +299520137
mailikkulluunniit uunga: sls@ini.gl.
Qinnuteqaatit, CV-t pinerlisimannginnermut uppernarsaat ilanngullugu uunga nassiutikkit: job@ini.gl.
MTO pillugu paasisaqarnerusinnavutit uani, mto.gl, ini.gl Facebookimiluunniit
quppernitsinni.
Tusarfiginissat qilanaaraarput
INI
Sulisoqarnermut immikkoortoqarfik
Postboks 1020
3911 Sisimiut
E-mail: job@ini.gl
