Siunnersorti Aalisarnermut akuersissuteqarnermut immikkoortortaqarfimmut, Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfimmi Aalisarnermut immikkoortortaqarfik, siunnersortimik sinerissap qanittuani aalisarneq pillugu inatsisip nutaap atuutilernissaanut suleqataasussamik, matumani ilaatigut Pisassiissutit Niuerutigineqarsinnaasut Nammineq Pigisat (PNNP) eqqunneqarneranut aammalu immikkoortortaqarfimmit sinerissap qanittuani aalisarnissamut akuersissutinik, immikkut ittumik akuersissutinik, pisassiissutinik niueruteqarnernik, pisassiissutinik nuussinernik kiisalu aalisarsinnaanermut akuersissutinik tunniussisarneq pillugu Kommune-nik suleqateqarnermi suleqataasartussamik.
Aalisarnermik piniarnermillu inuussutissarsiornerup kiisalu politikkikkut anguniakkat naapertorlugit uumasunut nakorsaqarnermut tunngasut ineriartortinneqarnissaasa siuarsarneqarnissaat pingaarnertut Naalakkersuisoqarfiup suliassarai. Tassunga ilaallutik Inatsisartunit Naalakkersuisunillu suliassatigut malittarisassat aalajangersakkat ingerlanneqartarnissaat.
Aalisarsinnaanermut akuersissutinut immikkoortortaqarfik Aalisarnermut immikkoortortaqarfiup ataani immikkoortortaqarfiuvoq, immikkoortortaqarfimmi assigiinngitsut qanimut kiisalu inatsisilerinermut, aningaasaqarnikkullu pilersaarusiornermut immikkoortortaqarfik aamma Kalaallit Nunaanni Aalisarsinnaanermut Akuersissutinik Nakkutilliisoqarfik suleqatigineqarput. Siunnersortitut Aalisarnermut immikkoortortaqarfimmi suleqatitit immikkoortortaqarfimmilu pisortaq qanimut suleqatigalugit ataqatigiissaarisuussaatit. Avatangiisini pissanganartuni suliatigullu unammillernartuni sulineq pissaaq suliatigut ineriartornissamut periarfissaqarluni. Taamaalilluta suliffik nutaaliornermik nutaamillu eqqarsarnermik ukkatarinnittoq neqeroorutigaarput; sulineq, politikkikkut aalajangiiniarnerit ingerlasarnerinut qanittoq; avatangiisit persuarsiorfiunatillu ammasut suleqatit pimoorussissut; inuttut pissanganartut suliatigullu unammilligassat.
Atorfik pillugu
Aalisarsinnaanermut akuersissutinut immikkoortortaqarfik Siunnersortimik pissarsiarpoq, suliassai pingaarnerit tassaallutik aalisarneq pillugu inatsisissap nutaap atuutilernissaanut aammalu nalunaarutit nutaassat atuutilernissaanut ikiortaasussamik. Tamatuma saniatigut immikkoortortaqarfik ingerlatsinermut suliassanik arlalinnik suliaqarpoq, ilaatigut aalisarnissamut akuersissutinik tunniussisarneq, pisassiissutinik niueruteqarnernik suliarinninneq aammalu sinerissap qanittuani aalisarneq pillugu kommuninik suleqateqarneq.
Suleqatitit peqatigalugit suliassat tamakkua suliarissavatit. Aalisarneq pillugu inatsisissaq tunuliaqutaralugu suliassat arlaqartut aalisarnermut immikkoortoqarfimmut ungasinnerusoq eqqarsaatigalugu nuunneqarnissaat naatsorsuutigineqarpoq.
Suliassat:
Sinerissap qanittuani aalisarnissamut akuersissutinik tunniussisarneq
Aalisarnermi Pisassiissutinik niuerutigineqarsinnaasunik nammineq pigisanik aammalu nuutassanik suliaqarneq.
Immikkut ittunik qinnuteqaatinik suliaqarneq
Akuersissutinik suliaqarnermi kommune-nik suleqateqarneq ilinniartitsinerlu
Aalisarneq akuersissutillu pillugit aalisartunik inuttaasunillu saaffiginnittunik sullissineq
Aalisarnermut immikkoortortaqarfimmi qinnuteqaatinik immersugassanik nutarterinermi, sullissivik.gl il.il. suliaqarnermi ikiuutaaneq.
Inatsisit malittarisassallu atuuttut naapertorlugit ingerlatsinermi suliaqarneq
Naalakkersuisoqarfimmi allaffissornikkut najoqqutassat, ingerlatseriaatsit, pitsaassutsimullu piumasaqaatit nalinginnaasut piviusunngortinnissaanut peqataasarneq
Sinerissap qanittuani aalisarneq pillugu inatsisip aammalu tassunga atatillugu nalunaarutit atuutilernissaat
KANUAANA-mik suleqateqarneq, inatsisilerituut immikkoortortaqarfiannik aammalu Aalisarnermik immikkoortortaqarfimmi aalisarnermik inatsisinillu ineriartortitsineq
Nutserineq, nutsikkanillu kukkunersiuineq
Piginnaasassatut piumasaqaatit:
Qinnuteqartoq tamatigoortoq naleqquttumik ilinniagalik pissarsiariniarneqarpoq aamma misilittagalik. Tamatuma saniatigut ilaatigut makkua piginnaasaqarfigineqassapput:
Kalaallisut qallunaatullu oqalussinnaallutillu allassinnaassaatit
Naalakkersuisoqarfiup Namminersorlutillu Oqartussat akisussaaffii tamakkerlugit ilaanilluunniit suliamut tunngasutigut misilittagalik
Aqutsinermut suliassanik suliamut tunngasunik misilittagalik
Aaqqissuussamik suliaqartut akimorlugit attaveqaqatigiinnermik suleqateqarnermillu misilittagalik
Suleqatikkuminarneq, ammasuuneq sungiussiasuunerlu.
Aalajaanneq qiimasuunerlu
Suliffiup sumiiffia Aalisarnermut Piniarnermullu Naalakkersuisoqarfik Nuuk. Atorfik piaartumik inuttalerneqarusuppoq imaluunniit atorfimmut inummut tulluuttumik isumaqatigiissuteqarnikkut.
Atorfik pillugu paasissutissat pissarsiarineqarsinnaapput uannga Immikkoortortaqarfimmi pisortaq Katrine Kærgaard, katk@nanoq.gl, 345365
Qinnuteqarnissamut piffissaliussaq:
Pingasunngorneq Junip 19-at 2024
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job