Siunnersuinermut Ilaqutariinnermullu Katsorsaanermut Sullissivimmi psykologimik pisortassarsiorneq

Psykologitut misilittagaqarluarpit pingaartumillu perorsaanermik, katsorsaanermik aamma meeqqanut, inuussuttunut aamma ilaqutariinnut siusinaartumik tarnip pissusaatigut ineriartortitseqataarusuppit?

Siunnersuinermut Ilaqutariinnermullu Katsorsaanermut Sullissivik psykologit pisortassaannik sulisussarsiorpoq, suliaminut itisuumik ilisimasaqarluartumik aamma inuit ilioriaasiinut ilisimasaqartoq. Atorfinittussap inunnut siusinaartumik katsorsaanitsinnut qulakkiissavaa pitsaassuseq, ataqatigiissuseq aamma ineriartorneq.

Psykologit pisortaattut inunnut Siunnersuinermut Ilaqutariinnermullu Katsorsaanermut Sullissivimmi MI-mi sullissinerit katsorsaanerillu – siusinaartumik sullissinerni.

Sullissiviup pisortaqatigiivisa ilaattut qitiussaatit, sullissinerit pitsaalluinnarnissaasa qulakkeerneqarsimanissaannut akisusussaasuussallutit, suliat pillugit isumasioqatigiilluni ataatsimiinnernut, imaajaanernut, supervision, immikkoortortat assigiinngitsut suleqatigiikkuutaallu ilisimasaannik avitseqatigiinnernut.

Immikkoortortani sisamaasuni pisortat aqutsisuuffigissavatit, imaajaasartut, supervision, marluk, kontorfuldmægtigit marluk, ineriartortitsinermut siunnersorti ataaseq – taassuma fagschefi qanimut suleqatigissavaa. 

Psykologit pisortaattut suliffigisat siumugaaq pilersaarusiorfigissavat, sammivilerlugu aamma ulluinnarni sullissinerit allaaserisassallugit. Ineriartortseqataassaatit, suliat pitsassusissannik qulakkeerinneqataassaatit aamma imaajaarnerni, supervision, toqqaannartumik oqaloqatiginnittarlutit aamma sullitassanik innersuussineq.

Pingaarnertut suliassarissavatit:

∙Sullissineq katsorsaanerlu qularnaatsumik ineriartortissallugu

∙Katsorsartinneqartussat aqullugillu ataqatigiissaarnissaat, sullissinissamut pilersaarusiorneq aamma sullissisimaneq pillugu nangitsineq

∙Sullissinernut ikorfartuinernullu nutaanik atuutsilersitsineq ineriartortitsinerlu – ammasumik siunnersuinerit matumani ilaalluni aamma eqimattanik sullissinernut neqerooruteqarnissaq

∙Uppernarsaatit qularnaatsumik pitsaasuunissaat, killiffik pillugu nalunaarusiorneq aamma sullitarisimasanik nassuiaateqartarnissaq

∙Pitsaasumik aaqqissuussisarneq, sulianik ingerlatseriaaseq aamma paasissutissanik pitsaalluinnartumik saqqummiussisarnissaq

∙Ilisimasat pillugit qularnaatsumik avitsissutigineqartarnissaat, imaajaaneq, supervision, suliat pillugit qanimut ineriartortitsinermut siunnersorti suleqatigalugu isumasioqatigiittarneq

∙Pilersaarusiorneq aamma ullut ilaanni immikkut sammisaqartitsisarnissaq aamma sulianut tunngasunik oqallissaarutinik saqqummiussisarnissaq

∙Aqutsisunik ataatsimeeqateqartarnissaq, sullitassat pillugit ataatsimiinnerit aamma sulianut tunngasut pillugit oqallinnerit

Qinigarput tassaavoq:

∙Pyskologitut ilinniarsimasoq (cand.psych.) sullissinissamut piginnaaneqartitaasoq imaluunniit piginnaaneqartitaangajalersoq

∙Meeqqanut, inuusuttunut aamma ilaqutariinnut psykologitut katsorsaanermillu misilittagaqarluartoq

∙Katsorsaaneq, imaajaaneq, supervision, imaluunniit aqutsineq pillugu ilinniaqqissimasoq

∙Suliffiup aaqqissuussaanerata ineriartortinnissaanut misilittagalik, suliat pillugit misissueriarluni inerniliinerit, aamma ilisimasat pillugit saqqummiussisartoq

∙Ineriartortitsinermik suliniuteqartoq, alapernaatsoq, inuit pissussannut malussarittoq aamma ataqatigiissumik aaqqissuussinernut

∙Ataqatigiissumik aaqqissuussillaqqissoq aamma pilersaarusiullaqqissoq sulianillu nangitsillaqqissoq

∙Aqutsinermik suleqatigilluarsinnaanermillu piginnaasaqarluartoq, suliat pillugitsiunnersuisartoq aamma isummersuisartoq

∙Toqqissisimalluni nammineersinnaassusermik akisussaaffilik, aqutsisoqatigiit qanimut suleqatigalugit

Neqeroorutigaarput:

∙Atorfik pingaarutilik aamma inuiaqatigiit aaqqissuussaanerannut pingaaruteqartoq suliassat angisuut pillugit akisussaaffigineqartussaq

∙Sullissivimmi sullissinermut sunniuteqarlutillu ineriartortitseqataanissannut periarfissaqassallutit

∙Immikkoortortani sulisut allat tunniussimallutik suliassaminnut piginnaaneqarluarlutik sulisut allat suleqatigisinnaassallugit

∙Suliassat pillugit ukkassilluartoq, imaajaasoq, supervision aamma suleriaatsinik ineriartortitsisoq

∙Sullissivimmi aqutsisunik qanimut suleqateqarneq, inuk qitiutillugu

Suliffeqarfimmi attavigisassaq:

Psykologit pisortaata MI-mi sulianut pisortaq attavigisassavaa – siusinaartumik iliuuseqarluni sullissineq, aamma qanimut Sullissivimmi immikkoortortani pisortat allallu sulisut pingaarutillit.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1162-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 1.-at, 2025

Atorfik una qinnuteqarfigiuk