Souschefi aningaasaqarnermik aamma allaffissornikkut misilittagaqartoq
Perorsaanermik Ilinniarfik tunniusimasumik pisortamut tullersortissamik ujaasivoq, taannalu aqutsisut tapersersorlugillu allaffissornermik ingerlatsissaaq. Allaffissornermi immikkoortortaq aningaasaqarnermik, sulisoqarnermik, ilinniartut inaannik sullissivimmik, illorsuarmut ilinniartullu inaannut tunngasut, IT-mik aammalu Cafè Nuka-mik ingerlatsinermik imaqarpoq.
Pisortamut tullersortitut qitiusumik inissisimallutit qularnaartussaavat, Perorsaanermik Ilinniarfiup ingerlatsinermi, aningaasanik aqutsinermi sullissineralu qaffasissumik inissisimasup inissisimavianiitiinnarnissaa. Akisussaaffivit annerit makkua ilagivaat: Aningaasanik atugassanik missingersuinerit, naatsorsuuserinerit, sulisunik aqutsinerit, ilinniartunut allaffissornermi sullissinerit illullu iluani periutsinik pitsanngorsaanerit.
Akisussaaffiit:
Teamlederit allaffissornerup iluani sulineranni aqutsinerit, allaffiullu ingerlalluarnissaanik qularnaarinerit
Immikkoortortaqarfiit assigiinngitsut sulinerat ataqatigiissaarlugu qularnaarlugulu eqaatsumik pitsaasumillu allaffissornermi ingerlaatsinerit
Aningaasaqarneq ingerlallugu, missingersuusiornerit naatsorsuuserinerillu aammalu aningaasaqarneq pillugu nalunaarusiornerit
Perorsaanermik Ilinniarfimmi aningaasaqarnermut ineriartortitsinerit atuutsitsilernerillu eqqarsarluarluni missingersuusiornerit naatsorsuuserinerillu siunissaq qaninneq ungasinnerlu isigalugit piujuaannartumik aningaasaqarnermik ingerlatsinissaq qaffassarlugu.
Aningaasaqarnermut pilersaarutit eqqortumik malinneqarneri qularnaarlugit malinnaavigalugillu qaammatikkaartumik ukiumoortumillu nalunaarusiortarnikkut.
Ilinniartunut sullissinermi ilinniartullu inaanni sullissinermut tunngasunik tusarniaanermi akissutissanik innersuussutinillu Perorsaanermik Ilinniarfik sinnerlugu akissutissanik suliaqarneq ilinniartut ilinniarnerminni sinaakkutissaat atugassarititaallu soqutigalugit.
Sulisoqarneq pillugu suliassat suliaralugit, soorlu sulisussarsiornerit, atorfininnermi isumaqatigiissutit suliaralugit, apeqqutit sulinermut tunngassutillit suliaralugit aammalu sulisoqarnermut politikkit (suliniutit) periutsillu suliaralugit atuutsitsilernerillu tassunga tunngasunut
Qularnaarlugu aningaasaqarnermi Perorsaanermik Ilinniarfimmilu sulisoqarnermut politikkit inatsisinut piumasaqaataasunut maleruunnissaat
Café Nukap missingersuusiornera, pitsaasumik aningaasatigut ingerlatsinera taassuma iluani niuerniarnera pigisanillu naatsorsuutai akisussaaffigalugit
Avataaniik suleqateqatigisartakkat suleqatigalugit tamannalu aqqutigalugu pitsaasumik aningaasaqarnermi ingerlatsinissaq qularnaarlugu
Sulinermi piorsarsimassuseq suleqatigiittumillu sulinermi avatangiiseqarnissamut ineriartortitsinermi peqataaneq
Pisinnaasassatut isiginiakkagut:
Aningaasaqarnermi assigisaanniluunniit naleqquttumik ilinniagaqarsimanissaq
Aningaasaqarnermut ingerlatsinermi, missingersuuserinermi naatsorsuuserinermilu misilittagaqarsimanissaq
Uppernarsaasikkamik sulisunik aqutsinermi ataqatigiissaarinermilu misilittagaqarnissaq
Sulisoqarnermut periutsinik inatsisinillu tassunga tunngasunik ilisimasaqarluarnissaq
Allaffissornermi periutsinik qaffassaasinnaanissaq pikkoriffigalugu pitsaassuseq qaffassarniarlugu
Sulinermi sulinerullu inernerissaarnissaanut peqataallunilu sammiveqarsinnaaneq
Eqqarsarluarsinnaalluni aaqqissuussilluarlunilu nukittuujulluni pisinnaasaqarnissaq
Pitsaalluinnartumik attaveqaqatigiinnermi ajornartorsiutaasinnaasunillu qaangiiniarnermi pisinnaasaqarnissaq
Ulapaarfimmi sulisinnaanissaq assigiinngitsunillu suliassanik assigiinngitsunik ataatsikkut suliaqarsinnaanissaq
Makkuninnga uagut neqeroorsinnaavugut:
Atorfik pissanganartoq unammillernartorlu ilinniarfik sunniisinnaassusilik ineriartornermillu siunertalik, aningaasaqarnermik allaffissornermillu pisinnaasarnik sunniiffigisinnaasat. Misilittakkatit, pisinnaasatit inuttullu pisinnaasatit eqqortuuppata, ilinninngaanniik tusarnissarput qilanaaraarput.
Paasissutissat allat
Pisortamut tullersortitut imminut takusinnaaguit atorfillu pillugu paasisaqarnerorusukkuit Perorsaanermik Ilinniarfimmi pisortaq Ulunnguaq Markussen attavigisinnaavat ugguuna: ulunnguaq@pi.sps.gl imaluunniit oqarasuaatikkut +299 38 35 95
Perorsaanermik Ilinniarfik pillugu nittartakkatigut paasisaqarnerusinnaavutit: www.pi.sps.gl
Qinnuteqarfissaq
Atorfik kingusinnerpaamik septemberip aallaqqaataani 2024-mi imaluunniit immikkut isumaqatigiissuteqarnikkut inuttalerneqarnissaa kissaatigineqarpoq. Qinnuteqarfissaq kingulleq tassaavoq juulip 26-ani 2024-mi ullup qeqqartinnagu. Oqaloqatiginninnerit piumaarput qinnuteqarfissap qaangiutereernerata kingorna.
Akissarsiat atorfeqartitaanermilu atugassarititaasut:
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.