Suliffeqarnermut Isumaginninnermullu Ingerlatsivimmi stabimut immikkoortortami aqutsisoq

Kajumissusilimmik suliatigullu pikkorissumik immikkoortortami aqutsisussarsiorpugut, stabimi aningaasaqarnermut allatseqarfittullu atuuffimmi aaqqissuussinermik pitsaassutsimillu qulakkeerinnissinnaasumik.

Immikkoortortami aqutsisutut aningaasaqarnermut suliassanik, allatsitut suliassanik kiffartuussinermilu suliassanik aaqqiissuteqarnermi akisussaasuussaatit. Atorfik arlalinnik suliassaqarfiuvoq sulisunik aqutsineq, suliatigut aqutsineq aammalu suliassanik aalajangersimasunik suliaqarneq.

Neqeroorutigaagut:

Suliassat pissanganartut neqeroorutigaavut, illit isummat pingaartinneqarpoq, aqutsisunik qanimut suleqateqarneq suliassaqarfimmilu siunersiueqatigiinneq – immikkoortortaqarfimmi suliassaqarfimmut inooqataanikkullu sullivimmi atugassarititaasut pitsaasunik neqerooruteqartumi.

Suliffimmi sunniuteqaqataaneq aamma nammineq atorfimmilu ineriartornissaq periarfissaapput. Sullivimmi pitsaasunik atugassaqartitsivugut, ataatsimoorluta kivitsisuuvugut sulinittalu nalaani ilumoorsaarpallaanngitsumik oqaloqatigiissinnaavugut.

Akisussaaffitit:

·Sulisunik aqutsineq aamma controllerinut sisamanut, servicemedarbejderimut ataatsimut aamma ilinniartunut suliffinnilu sungiusartunut suliatigut aqutsineq.

·Allatsitut suliassat aalajangiisartunut tulleriissaarisartunullu (oqaluuserisassat, imaqarniliat, suliassartaat, journalilersuineq, politikkikkut suliarineqartussanik malitsigisamik suliamik saqqummiussassat)

·Suliffeqarnermut Isumaginninnermullu Ingerlatsivimmut allakkanik suliarinninneq ingerlatitseqqiinerlu

·Aningaasaqarnermut tunngasuni suliassaniipput naatsorsuutinut inissitsiterineq, nakkutilliinerit

·Pisiortorfigisartakkanik, qitiusumik aningaasatigut immikkoortortamik aammalu ingerlatsivimmi qitiusumik aningaasaqarnermut tunngasunik sulialinnik oqaloqateqarnerit.

·Suliassat allat pisariaqartitsineq tunngavigalugu (ilaatigut assammik suliassat)

Stabschefi qaninnertut qullersarissavat, aammalu ingerlatsivimmi pisortaq fagchefillu qanimut suleqatigilissavatit.

Naatsorsuutigaavut:

Immikkoortortami aqutsisutut atorfimmi, allaffimmi suliassat pilersaarutit malillugit eqqortumillu ingerlanissaannut qulakkeerinnissaatit.

Naatsorsuutigaarput:

·Allaffimmiutut ilinniarsimasutit, bacheloritut imaluunniit taassuma ilaanik allaaserinnillutit naammassisaqarsimasutit

·Allattariarsornikkut oqaasiinnakkullu kalaallisut qallunaatullu piginnaasaqartutit

·Pisortat ingerlatsinerannit misilittagaqartutit aamma/imaluunniit misilittagaqartutit

·Allattariasorlutit sulineq sungiusimagit aammalu qaffasissumik allattariarsornermik suliaqarsinnaasutit

·IT-mut piginnaaneqarluartutit sulinitsinni office atugaraarput kiisalu suliamik sullississutit toqqorterinermillu aaqqissuussat tamarmik elektroniskiupput

·Inunnik suleqateqarneq soqutigaajuk, sulisunik aqutsineq aammalu allat ilitsersuutaannik ineriartortitsinerannillu sulinissamut soqutiginnippit

·Suleqatigiinnermut piginnaaneqarluartutit aamma sullisserusuttuusutit

·Nammineq aaqqissuussamillu sulisinnaassuseqartutit

Suliassanik suliarineqartuartussanik kisianni aamma suliassanik suliassanillu nutaanik suli misilittagaqarfiginngisannik ingerlatsinissamik kajumigisaqartoq ujarparput.

Suleqatitsialammik immikkoortortaqarfimmi suliatigut pimoorussisumik ataatsimoornermilu akoorusuttumik ujaasivugut.

Suliffik pillugu:

Suliffeqarnermut Isumaginninnermullu Ingerlatsivimmi utoqqarnut suliassaqarfimmi, Inunnut innarluutilinnut tarnimikkullu nappaatilinnut Immikkoortortaqarfimmi (meeqqat inersimasullu) kiisalu suliffeqarnermut isumaginninnermullu sullissivik. Ingerlatsivik kommune tamakkerlugu immikkoortortaqarpoq, paaqqinniffeqarluni sulisoqarlunilu.

Stabi kiffartuussiviuvoq, ingerlatsiviullu iluani pisortamut aamma fagchefimut ikiuuttussaavoq. Taakkua saniatigut Stabimit politikkikkut ataatsimiititat kiffartuunneqarput - pingaartumik Isumaginninnermut aamma Inunnut Innarluutilinnut Ataatsimiititaq kiisalu Utoqqarnut Isumassuinermullu Ataatsimiititaq.

Sulisut 12-it aalajangersimasumik atorfillit Stabimi suleqatigiiupput assigiinngitsunik ilinniagallit misilittagallillu, taakkulu tamarmik stabschefi aqutsisoraat. Controllerit, ilinniartut, suliffimmi sungiusartut aamma servicemedarbejderi ilinnut attaveqassapput, aamma Allatseqarfik Aningaasaqarnermullu immikkoortortaq illit, stabschefip sulisullu akornassinni peqatigiillusi ineriartortinneqassaaq.

Tusarfiginissat qilanaaraarput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Stabschef Lise Buchardt, oqarasuaat +299 36 71 72 imaluunniit e-mail: libt@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 936-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 25.-at, 2025

Atorfik una qinnuteqarfigiuk