Suliffiup iluani Sullissivimmi Eqqiaanermut aamma Qitiusutut errorsisarfimmut Ingerlatsinermut pisortaq, DIH

Ilusissamik pilersitaqarsinnaavit, pitsaassutsimik qaffasissutut inissisimaffilimmik qularnaarisinnaavit, aammalu ingerlatsivittut aaqqissuussiffimmi ulapiffiusumi suleqatinik kajumissarisinnaavit?

Dr. Ingridip Napparsimmavissuani eqqiaasarnermut errorsisarnermullu atuuffiutitsinnut ingerlatsinermut pisortamik pimoorussalimmik, aamma piumassuseqqortuumik inuttassarsiorpugut. Napparsimmavimmi sullissisarnermut aaqqissuussiffimmi qitiusutut ilaalissaatit, aammalu pitsaassutsimik qaffasissutut inissisimaffilimmik qularnaarinissamut, ingerlatsinermut sunniuteqarluartumut, aammalu sulisorisanut sullivimmi avatangiisitsialaat qularnaarnissaannut akisussaaffeqalissallutit.

Napparsimmavissuarmi eqqiaasarnermut errorsisarnermullu sullissivik napparsimasut isumannaatsuutinnerinut, eqqiluisaarnermut, aammalu tamakkiisutut napparsimasut misigisaannut aalajangiisutut inissisimaffeqarpoq. Taamaattumik ilusissamik pilersitaqarsinnaasumik, allanngoriartortitsinermik, aammalu ulluinnarni pitsaassutsip suleqatigiinnerullu alaatsinaatarineqarfianni pimoorussinermik pilersitaqarsinnaasumik pisortassarsiorpugut.

Immikkoortoqarfimmi pisortaqatigiit ilaaffigilissavatit, taakkulu ulluinnarni portørcentralimik, igaffimmik pingaarnermik aamma kantiinamik ingerlatsinernut akisussaaffeqarput.

Makkuninnga neqerooruteqarpugut:

• Assut namminersorsinnaaffilittut pisortatut atorfik pissanganartoq

• Suliassaqarfimmi sullissinermik atuuffiit allanngoriartortinnerinut sunniiffeqarnissamut periarfissaqarfik

• Suleqatigisat pikkorillutillu pimoorussallit

• Assut attaveqarfissalittut suliassaqarfik tamatigoortoq

• Sulianut tunngasutut ingerlattakkani aamma inuttut inerikkiartornissamut periarfissatsialaat

• Isumaqatigiissut atuuttoq malillugu aningaasarsiani atorfinitsitaanermilu atugassat

Suliassaqarfigisanni akisussaaffeqarfissatit:

Ingerlatsinermut pisortatut makkununnga qullersatut akisussaaffeqassaatit:

• Eqqiaanermut errorsinermullu sulisunik ulluinnarni siulersuineq

• Suliassanik, inuttassaqarnernik, aamma pigaartussatut pilersaarutinik pilersaarusiorlunilu ataqatigiissaarineq

• Saliisarnerup, eqqiaanerup aamma errorsinermik sullissinerup iluini pitsaassutsip qaffasissutut inissisimaffigisassaanik qularnaarinerit

• Ingerlatsinermi anguniakkanik, pitsaassutsit isumannaarnerinik aamma uppernarsaasersuinernik malitseqartitsinerit

• Suleqatinik inuttassarsiuinerit, onboarding, aamma piginnaanngorsaanerit

• Napparsimallutik suliartunngitsunut malitseqaatit, aamma sulisorisat atugarissaarneri

• Missingersuutinik malitseqartitsinerit, aamma isumalluutaasut pitsaanerpaanngorsarneri

• Suleriaatsinik aamma ingerlattakkanik atuutsitsilernerit aamma allanngoriartortitsinerit

• Napparsimmavimmi nakorsaalluni sulianut immikkoortoqarfinnik, aamma sullissisarfittut atuuffiit sinnerinik qanimut suleqateqarnerit

• Eqqiluisaarnermut, sullivimmi avatangiisinut aamma isumannaatsuutitsinermut piumasaqaatit atuuttut malittarinissaannik qularnaarinerit

Ima ittuunissat naatsorsuutigaarput:

• Sulisunik siulersuinermik misilittagalik, ajornanngippat eqqiaanerup, errorsiviup, facility managementip, imaluunniit peqqinnissaqarfiup iluini

• Aaqqissuussisarnermut piginnaasaqarluartoq, aammalu ingerlatsiffimmi katitigaasumik ataatsimut isiginnissinnaanermik attassisinnaasoq

• Pisortaariaatsinni takussaanerit, qanilaartuunerit aamma paatsuugassaannginnerit

• Sulianut tunngasutut ingerlattakkatigut assigiinngitsunik tunuliaqutaqartutut sulisorisanik kaammattuisinnaallunilu inerikkiartortitsisinnaasoq

• Aningaasaqarnermik aamma isumalluutinik aqutsinernik paasinnissimasoq

• Tulleriiaariniarluni, aamma pitsaassusissamik sianiginnilluni sulisartoq

• Suleqatiginnillaqqissoq, aamma aaqqissuussiffimmi killeqarfiit qaangerlugit ataqqinnittumik attaveqaqatiginnittartoq

Uagut pilluta:

Atorfik aaqqissuussiffimmi Suliffiup iluani Sullissivimmi tunngaveqarpoq, aammalu Suliffiup iluani Sullissivimmi pisortaq qullersarineqarluni. Napparsimmavimmi eqqiaanermik errorsinermillu atuuffiup qitiusutut suliassamik: napparsimasunik isumannaatsumik katsorsarnissaannut paaqqinerinullu toqqammavinnik pitsaanerpaanik tamakkuninnga pilersitsinernik tapersersuinissap qularnaarniarnerani illit qitiusutut inissisimaffeqalissaatit.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. december 2026 imaluunniit isumaqatigiissutigisaq malillugu

Qinnuteqarfissaq kingulleq: Ull. 16. november 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Atorfillit pisortaanni Else-Marie Grønvoldimi pissarsiarineqarsinnaapput, ukunatigut: oq. (+299 55 13 30) imaluunniit e-mail: EMG@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.